ەلىمىزدە نەلىكتەن كەيبىر جولدار جىل سايىن جوندەلەدى - مينيستر جاۋابى

  استانا. KAZINFORM -قازاقستاندا كەيبىر جولدار جىل سايىن جوندەۋدەن وتەدى. ونىڭ سەبەبىن كولىك ءمينيسترى مارات قارابايەۆ ءتۇسىندىردى.

«جولداردىڭ جوندەۋدىڭ ءبىرىنشى ءتۇرى - اعىمدىق، ول جىل سايىن جۇرەدى. ەكىنشىسى-تەحنولوگيا بويىنشا ءار بەس جىل سايىن جاسالاتىن ورتاشا جوندەۋ. ءۇشىنشى ءتۇرى-كۇردەلى جوندەۋ، جولدار 15 جىلدان كەيىن جوندەلەدى. ءسىز ايتىپ وتىرعان جىل سايىن جۇرگىزىلەتىن ۋچاسكەلەر ورتاشا جوندەۋدەن ءوتىپ جاتىر. جولدا شۇڭقىرلار پايدا بولادى، سوندىقتان اعىمداعى جوندەۋدەن كەيىن ورتاشا جوندەۋ جۇرگىزىلەدى. بۇل جول سالاسى ءۇشىن قالىپتى جاعداي، بۇل جەردە ماسەلە ساپاعا كەلىپ تىرەلمەيدى، كوپتەگەن فاكتور بار. مىسالى، اۋىر جۇكتەرگە قاتىستى، نورمالارعا سايكەس، جولعا تۇسەتىن جۇكتەمە 25 توننا بولۋى كەرەك، ال كەيدە 100 توننادان اسىپ كەتەدى. بۇل جولدى بۇزادى، وسىعان بايلانىستى قوسىمشا جوندەۋ جۇمىستارىن تالاپ ەتەدى»، - دەدى مارات قارابايەۆ ءماجىلىس الاڭىندا ب ا ق وكىلدەرىنىڭ ساۋالىنا جاۋاپ بەرە وتىرىپ.

سونداي-اق، مينيستر جولداردى جوندەۋگە بولىنەتىن قارجىنىڭ جەتىسپەيتىنىن ايتىپ وتىر.

بۇعان دەيىن م. قارابايەۆ تاسقىن سۋ باسقان رەسپۋبليكالىق جولداردى جوندەۋگە 8,5 ميلليارد تەڭگە كەرەك ەكەنىن ايتقان ەدى.