ەلىمىزدە ناشار كورەتىن ادامدارعا ارنالعان كىتاپتاردىڭ سانى ارتادى - مينيسترلىك

استانا. KAZINFORM — ق ر مادەنيەت جانە اقپارات ۆيتسە- ءمينيسترى ەۆگەني كوچەتوۆ ناشار كورەتىن ادامدارعا ارنالعان كىتاپحانالاردىڭ سانىن ارتتىرۋعا قاتىستى تۇسىنىك بەردى.

нашар көретін адамдарға арналған кітап
Фото: pexels.com

- قازىرگى كەزدە ناشار كورەتىن ادامدارعا ارنالعان كىتاپحانالار جەلىسىندە 17 نىسان قامتىلعان. ونىڭ بىرەۋى رەسپۋبليكالىق، جەتەۋى وبلىستىق جانە قالالىق دەڭگەيدەگى كىتاپحانالار بار، سونداي- اق 142 كىتاپحانا پۋنكتى جۇمىس ىستەپ تۇر. بۇل كورسەتكىش جىل سايىن ارتىپ كەلەدى. سونىمەن قاتار، مارراكەش شارتى اتالعان كىتاپحانالار سانىن كوبەيتۋگە ىقپال ەتەدى، - دەدى 
ە. كوچەتوۆ سەناتورلاردىڭ سۇراعىنا جاۋاپ بەرە وتىرىپ.

ونىڭ ايتۋىنشا، بۇل كىتاپحانالاردا 43 برايل پرينتەرى، 39 برايل ديسپلەيى جانە بىرنەشە ارنايى توپوگرافيالىق قۇرىلعىلار بار.

- مارراكەش شارتى اياسىندا وسى كىتاپحانالارداعى كىتاپ قورىنىڭ ارتۋى جوسپارلانعان. ءقازىر بىزدەگى قوردا 1 ميلليون قامتىلعان، ونىڭ اراسىندا برايل قارپىمەن جازىلعان 198 مىڭ كىتاپ بار. جىل سايىن وسى ساناتتاعى كىتاپتار ارتىپ كەلەدى. سونداي-اق، كورۋ قابىلەتى ناشار جاندارعا ارنالعان مامانداندىرىلعان كىتاپحانامىز بىلتىردىڭ سوڭىندا الماتىدا جاڭا عيماراتقا يە بولعانىن حابارلايمىن. ەندى ول 3500 شارشى مەتر اۋماقتا قىزمەت ەتەدى. وندا كورۋ جانە ەستۋ قابىلەتى ناشار ادامداردىڭ جۇمىسىنا ارنالعان برايل شريفتىمەن ادەبيەتتەردى باسىپ شىعارۋعا ارنالعان مامانداندىرىلعان باسپاحانالاردى اشقىمىز كەلەدى، - دەپ ءتۇسىندىردى ۆيتسە- مينيستر.

ايتا كەتەيىك، بۇگىن سەناتتىڭ جالپى وتىرىسىندا «زاعيپتاردىڭ جانە كورۋ قابىلەتى بۇزىلعان نەمەسە باسپا اقپاراتىن قابىلداۋ قابىلەتى وزگەدەي شەكتەلگەن ادامداردىڭ جاريا ەتىلگەن تۋىندىلارعا قول جەتكىزۋىن جەڭىلدەتۋ تۋرالى مارراكەش شارتىن راتيفيكاتسيالاۋ تۋرالى» زاڭى ماقۇلداندى.

2024 -جىلدىڭ اياعىندا الماتى كىتاپحانالارىنا برايل ديسپلەيلەرى ورناتىلعانىن جازعان ەدىك.

سوڭعى جاڭالىقتار