ەلىمىزدە ۇلەستىك قۇرىلىسقا قاتىسۋ پروتسەسى جەتىلدىرىلەدى
قازاقستاندا ۇلەستىك قۇرىلىسقا قاتىسۋ پروتسەسى جەتىلدىرىلەدى. بۇل تۋرالى ق ر ونەركاسىپ جانە قۇرىلىس مينيسترلىگى قالا قۇرىلىسى جانە تۇرعىن ءۇي-كوممۋنالدىق ساياسات دەپارتامەنتىنىڭ ديرەكتورى رۋسلان لەپەسوۆ ايتتى، دەپ حابارلايدى قازاقپارات ءتىلشىسى.
«قازىر ۇلەستىك قۇرىلىسقا قاتىسۋ پروتسەسىن جەتىلدىرۋ بويىنشا زاڭ جوباسى ماجىلىستە جاتىر. ءبىز وسى زاڭ جوباسى شەڭبەرىندە تالاپ ەتۋ قۇقىعىن تىركەۋ ارقىلى ۇلەستىك قاتىسۋ شارتتارىنىڭ بارلىعى ادىلەت ورگاندارىندا تىركەۋدەن ءوتۋدى قاتاڭداتاتىن تۇزەتۋلەر قوسقىمىز كەلەدى. ءارى قاراي ءبىز بارلىق تولەمدى تەك قولما-قول اقشاسىز ەسەپ ايىرىسۋىن قالايمىز. سونىمەن قاتار، ۇلەسكەرلەر قاراجاتىن تارتۋعا رۇقساتى جوق جەردە جارناماعا تىيىم سالعىمىز كەلەدى»، - دەدى رۋسلان لەپەسوۆ جۋرناليستەردىڭ سۇراعىنا بەرگەن جاۋابىندا.
ونىڭ ايتۋىنشا، قازىر تۇرعىن ءۇي ساتىپ الۋعا كەپىلدىك بەرمەيتىن الدىن الا برونداۋ شارتتارى ۇلكەن قاۋىپ ءتوندىرىپ وتىر.
«بۇگىندە جاڭا ىقتيمال پروبلەمالىق وبەكتىلەر پايدا بولىپ جاتىر، مۇنداي نىساندار تۋىنداماۋى ءۇشىن حالىقتى ۇلەستىك قاتىسۋ شارتتارىن عانا جاسايتىنداي رەتتەۋىمىز قاجەت»، - دەپ اتاپ ءوتتى رۋسلان لەپەسوۆ.
ايتا كەتەيىك، 2024-جىلى 1- قاڭتاردا زاڭسىز قۇرىلىستى بولدىرماۋعا باعىتتالعان ءبىرىڭعاي قالا قۇرىلىسى ساراپتاماسى قولدانىسقا ەنەدى. ياعني، بارلىق جوبا كەشەندى قالا قۇرىلىسىنىڭ مەملەكەتتىك ساراپتاماسىنان وتەدى.
سونداي-اق قالا قۇرىلىسى جوبالارى بەكىتىلمەي تۇرىپ قوعامدىق تالقىلاۋدان وتەتىن بولادى.
