ەلىمىزدە ەلەكتروموبيلدەر سانى 1,8 ەسە ءوستى

استانا. KAZINFORM - قازاقپارات -جىلعى قىركۇيەكتە ەسەپكە 163,9 مىڭ بىرلىك اۆتوكولىك قۇرالى قويىلدى. بۇل كورسەتكىش وتكەن جىلدىڭ سايكەس كەزەڭىمەن سالىستىرعاندا %3,2 كەم، دەپ حابارلايدى ۇلتتىق ستاتيستيكا بيۋروسى.

2024 -جىلعى 1- قازانداعى جاعداي بويىنشا قازاقستاندا تىركەلگەن اۆتوكولىك قۇرالدارىنىڭ سانى 5 614,7 مىڭ بىرلىكتى قۇرادى. ونىڭ ىشىندە %88  جەڭىل اۆتوموبيلدەر، %9,9  جۇك اۆتوموبيلدەرى جانە %2,1  اۆتوبۋستار.

پايدالاناتىن وتىن ءتۇرى بويىنشا كولىكتىڭ %81,9 بەنزينمەن جۇرەدى، ارالاس وتىن ەسەبىنەن قوزعالاتىن اۆتوموبيلدەردىڭ ۇلەسى -%7,4، ديزەل وتىنىمەن - %7,1. گازبەن جۇرەتىن اۆتوموبيلدەردىڭ سانى وتكەن جىلدىڭ سايكەس كەزەڭىمەن سالىستىرعاندا 3213 بىرلىككە ارتتى، كولىكتىڭ جالپى سانىندا گاز باللونى بار ءاۆتوموبيلدىڭ ۇلەسى % 0,3 قۇرادى. تاعى 11706 بىرلىك اۆتوموبيل ەلەكتر ەنەرگياسى ەسەبىنەن قوزعالادى جانە ولاردىڭ جالپى كولىك سانىنداعى ۇلەسى % 0,2 قۇرادى، بىلتىرعى سايكەس كەزەڭمەن سالىستىرعاندا ەلەكتروموبيلدەر سانى 1,8 ەسە ءوستى.

ەسكە سالساق، قازاقستان اۋماعىندا 10970 ەلەكتروموبيل تىركەلگەنى تۋرالى حابارلادىق.

سونىمەن قاتار ەلەكتروموبيلدەر ادام دەنساۋلىعىنا قاۋىپتى مە دەگەن سۇراققا Kazinform ءتىلشىسى ساراپتاما جاسادى.