ەلىمىزدە كاليانعا ايىپپۇل سوماسى وسەدى

Кальян
فوتو: Pyxabay.com

استانا. KAZINFORM - ەلىمىزدە كاليانى بار مەيرامحانالارعا جازا كۇشەيتىلەدى. بۇل تۋرالى ق ر دەنساۋلىق ساقتاۋ مينيسترلىگى مەديتسينالىق كومەكتى ۇيىمداستىرۋ دەپارتامەنتى ديرەكتورىنىڭ ورىنباسارى گۇلنار سارسەنبايەۆا ايتتى.

«قازىر كالياندى مەيرامحانالار مەن ءتۇرلى بارلاردا ۇسىنىپ جاتقانىن بىلەمىز. بۇل رەتتە، ءماجىلىس دەپۋتاتتارىمەن بىرلەسە ءتيىستى نورمالاردى پىسىقتاپ جاتىرمىز. اكىمشىلىك كودەكس اياسىندا ايپپۇل سوماسىن كوتەرۋ ەسكەرىلىپ وتىر. سونىمەن قاتار، جاڭا نورمالار ەنگىزىلمەك. ياعني، قولدانىستاعى زاڭناما كاليان شەگەتىندەرگە قاتىستى شارا قولدانۋدى عانا رەتتەيدى. الايدا رەستوراتورلارعا نەمەسە وسى تەمەكى زاتتارىن ءوز نىساندارىندا وتكىزەتىن كاسىپكەرلەرگە قاتىستى نورمالار قاراستىرىلماعان. سوندىقتان وسى ماسەلەلەردى پىسىقتاپ جاتىرمىز»، - دەدى گ. سارسەنبايەۆا سەناتتىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.

بۇل تۇرعىدا جاڭا نورمالار اياسىندا ايپپۇل سوماسى ارتىپ، كاسىپكەرلەردىڭ جاۋاپكەرشىلىگى كۇشەيتىلەدى.

ايتا كەتەيىك، بيىل ءماجىلىستىڭ جالپى وتىرىسىندا دەپۋتاتتار كاليان قويىپ جۇرگەن كوڭىل كوتەرەتىن ورىندار كوبەيىپ كەتكەنىن ايتقان ەدى.

اۆتور
رۋسلان عابباسوۆ

سوڭعى جاڭالىقتار