ەلىمىزدە جۇك تاسىمالداۋ تاريفتەرى قىمباتتادى

استانا. KAZINFORM - قازاقستاندا جۇك تاسىمالداۋ تاريفتەرى وتكەن جىلمەن سالىستىرعاندا 3,8 پايىز ءوستى، دەپ حابارلايدى ۇلتتىق ستاتيستيكا بيۋروسى.

جىل باسىنان بەرى قاڭتار-قازان ارالىعىندا جۇك تاسىمالداۋ تاريفتەرى (2023-جىلدىڭ ءتيىستى كەزەڭىمەن سالىستىرعاندا) 3,8 پايىز ءوستى.

اتاپ ايتقاندا، اۆتوتاسىمالداۋ قۇنى 1,6 پايىز ءوستى. اۆتوموبيل كولىگىمەن حالىقارالىق تاسىمالداۋ 1,3 پايىز قىمباتتادى، ىشكى اۆتوتاسىمالدار - 1,8 پايىز ءوستى.

اۋە جۇك تاسىمالى جىل باسىنان بەرى 2 پايىز قىمباتتادى، ونىڭ ىشىندە حالىقارالىق جۇك تاسىمالى 2,3 پايىز، رەسپۋبليكاىشىلىك اۋە جۇك تاسىمالى 1,4 پايىز قىمباتتادى.

حالىقارالىق قاتىناستا تەڭىز جۇك تاسىمالى تاريفتەرى 9,1 پايىز ءوستى.

سونىمەن قاتار قۇبىر ارقىلى تاسىمالداۋ 2,4 پايىز قىمباتتادى، ونىڭ ىشىندە شيكى مۇنايدى جەتكىزۋ تاريفتەرى 4,1 پايىز كوتەرىلدى.