ەلىمىزدە جاڭا تۇرعىن ءۇي باعدارلاماسى ىسكە قوسىلدى

استانا. KAZINFORM - جۇمىسشى ماماندىقتارى جىلى اياسىندا تەحنيكالىق ماماندارعا ارنالعان «ناۋرىز جۇمىسكەر» جاڭا تۇرعىن ءۇي باعدارلاماسى ىسكە قوسىلدى، دەپ حابارلايدى ۇكىمەت.

Астана қаласының Тұрғын үй орталығы
Фото: gov.kz

ۇكىمەت مەملەكەت باسشىسىنىڭ باستاماسىمەن قولعا الىنعان جۇمىسشى ماماندىقتارى جىلى اياسىندا تەحنيكالىق مامانداردى قولداۋ شارالارىن قابىلداۋدا.

پرەمەر-مينيستر ولجاس بەكتەنوۆتىڭ تاپسىرماسىمەن وتباسى بانكى «ناۋرىز جۇمىسكەر» جاڭا باعدارلاماسى ىسكە قوسىلعانى تۋرالى جاريالانىپ، جۇمىسشى مامانداردى باسپانامەن قامتۋ ماسەلەسى شەشىلدى.

باعدارلاما ونەركاسىپ، ەنەرگەتيكا، كولىك، اۋىل شارۋاشىلىعى جانە سۋ رەسۋرستارى سالالارى قىزمەتكەرلەرىن قامتيدى.

بيىل «ناۋرىز جۇمىسكەر» باعدارلاماسى اياسىندا جۇمىسشى ماماندىقتارى وكىلدەرىنە 72 ميلليارد تەڭگە كولەمىندە 2440 نەسيە بەرۋ جوسپارلانىپ وتىر.

وتىنىمدەردى قابىلداۋدىڭ باستالۋى 2025-جىلدىڭ 17-ناۋرىزىنا جوسپارلانعان. «ناۋرىز جۇمىسكەر» قازىردىڭ وزىندە بەلگىلى «ناۋرىز» تۇرعىن ءۇي باعدارلاماسىنىڭ ءبىر بولىگى بولماق.

باعدارلاما تالاپتارى بويىنشا ازاماتتاردىڭ الەۋمەتتىك وسال ساناتتارى ءۇشىن 7 پايىز (ج ت س م 7,1 پايىزدان 9,6 پايىزعا دەيىن) جانە قالعان بارلىق ساناتتار ءۇشىن 9 پايىزدىق (ج ت س م 9,4 پايىزدان 13 پايىزعا دەيىن) مولشەرلەمەمەن نەسيە بەرىلەدى. باستاپقى جارنا - تازا ارلەۋدەگى باستاپقى تۇرعىن ءۇيدى ساتىپ الۋ ءۇشىن 10 پايىزدان، ارلەنبەگەن باستاپقى تۇرعىن ءۇيدى جانە قايتالاما نارىقتاعى تۇرعىن ءۇيدى ساتىپ الۋ ءۇشىن 20 پايىزدان باستالادى. نەسيەنىڭ ەڭ جوعارى سوماسى وبلىستار ءۇشىن 30 ميلليون تەڭگە، استانا مەن الماتى قالالارى ءۇشىن 36 ميلليون تەڭگە.

سونداي-اق «ناۋرىز جۇمىسكەر» باعدارلاماسىمەن قاتار وتباسى بانكى وتاندىق كاسىپورىندارمەن «كورپوراتيۆتىك» ءونىم شەڭبەرىندە جۇمىس ىستەيتىن بولادى، بۇل كاسىپورىنداردىڭ ءوز قىزمەتكەرلەرىنە نەسيە بەرۋ ءۇشىن قاراجات ءبولۋىن بىلدىرەدى.

- پرەزيدەنتىمىز 2025-جىلدى جۇمىسشى ماماندىقتارى جىلى دەپ جاريالادى. كەنشىلەر، مەتاللۋرگتەر، تاس قالاۋشىلار، ەلەكتريكتەر قۇيۋشىلار اۋىر جۇمىستاردى اتقارادى. وسى جانە باسقا دا كوپتەگەن ماماندىق يەلەرى ءبىزدى نەگىزگى قاجەتتىلىگىمىزدى قامتاماسىز ەتىپ وتىر. مۇنداي ماماندارعا جاسالعان قامقورلىق - بۇكىل قوعامنىڭ يگىلىگى ءۇشىن جاسالعان قامقورلىقپەن تەڭ. كوپشىلىگى قيىن جاعدايدا جۇمىس ىستەيدى. سوندىقتان ولاردىڭ باسپانا ماسەلەسىن شەشۋ - قيىن ەڭبەك جاعدايلارىنىڭ ورنىن تولتىرۋعا سەپتىگىن تيگىزەدى»، - دەدى «وتباسى بانكى» ا ق باسقارما ءتوراعاسى ءلاززات يبراگيموۆا.

بۇعان دەيىن پرەمەر-مينيستر ولجاس بەكتەنوۆ جۇمىسشى كادرلارعا ارنالعان يپوتەكالىق باعدارلاما ىسكە قوسۋدى تاپسىردى.

سوڭعى جاڭالىقتار