ەلىمىزدە جاڭا جىل ءتۇنى 181 بالا دۇنيەگە كەلدى

استانا. KAZINFORM — جاڭا جىل قارساڭىندا رەسپۋبليكانىڭ پەرزەنتحانالارىندا 181 بالا دۇنيەگە كەلدى، ونىڭ ىشىندە 105 ۇل مەن 76 قىز بار. بۇل تۋرالى ق ر دەنساۋلىق ساقتاۋ مينيسترلىگى ءمالىم ەتتى.

دۇنيە ەسىگىن اشقان سابيلەردىڭ اراسىندا ماڭعىستاۋ وبلىسىندا ءبىر ەگىز بار.

— مەرەكە تۇنىندە تۋعان نارەستەلەردىڭ ەڭ كوپ سانى تۇركىستان وبلىسىندا تىركەلدى — 34 ءسابي، ەكىنشى ورىندا-الماتى قالاسى مەن الماتى وبلىسى، وندا 17 جاڭا تۋعان نارەستە دۇنيەگە كەلدى جانە تۋۋ بويىنشا كوشباسشىلاردىڭ ۇشتىگى شىمكەنت قالاسىنا تيەسىلى، مۇندا 16 وتباسى بالالى بولدى، — دەلىنگەن حابارلامادا.

رەسپۋبليكانىڭ استاناسىندا جاڭا جىل قارساڭىندا ءدال وسى كۇنى وتكەن جىلداعىداي 10 ءسابي دۇنيەگە كەلدى.

ەسكە سالا كەتەيىك، بۇعان دەيىن بيىل سابيلەرگە قويىلعان ەڭ تانىمال ەسىمدەردى جاريالاعان بولاتىنبىز.