ەلىمىزدە شەتەلدىكتەردىڭ قاتىسۋىمەن قانشا اۆتوتاسىمالداۋشى كاسىپورىن بار

автотасымалда
Фото: Pexels

 استانا. KAZINFORM - ەلىمىزدە اۆتوموبيلمەن جۇك تاسىمالداۋ سالاسىندا 13 شەتەل ازاماتىنىڭ قاتىسۋىمەن 64 بىرلەسكەن كاسىپورىن جۇمىس ىستەيدى.

بۇل تۋرالى كولىك مينيسترلىگىنەن ءمالىم ەتتى.

«قازىرگى ۋاقىتتا قازاقستاندا 13 شەت مەملەكەت (ب ا ءا، گەرمانيا، لاتۆيا، ليتۆا، نيدەرلاند، تۇركيا، يران، يتاليا، رەسەي، بەلارۋس، پاكىستان، گرۋزيا، اۋعانستان) ازاماتتارىنىڭ قاتىسۋىمەن 64 بىرلەسكەن كاسىپورىن جۇمىس ىستەيدى. اتالعان كومپانيالار جانە ولاردىڭ اۆتوكولىك قۇرالدارى قازاقستاندا تىركەلگەن جانە ولار ءىس جۇزىندە قازاقستاندىق تاسىمالداۋشىلار سانالادى. سونىمەن قاتار ولار ەل ەكونوميكاسىنا ينۆەستيتسيالاۋعا قاتىسادى. سالىقتار مەن الىم تولەيدى جانە قوسىمشا جۇمىس ورىندارىن قۇرادى»، - دەپ اتاپ وتەدى مينيسترلىكتەن اگەنتتىك ساۋالىنا بەرگەن جاۋابىندا.

كولىك مينيسترلىگى ب ا ءا، دانيا، ماكەدونيا جانە پورتۋگاليامەن اۆتوتاسىمالداۋ سالاسىنداعى ۇكىمەتارالىق كەلىسىم راسىمدەۋدى قازاقستان رەسپۋبليكاسىنىڭ حالىقارالىق شارتتاردى جاساسۋدىڭ 2025-2027 -جىلدارعا ارنالعان پەرسپەكتيۆتى جوسپارىنا ەنگىزىپ وتىر.

سوڭعى جاڭالىقتار