ەلىمىزدە ءشوپ باسقان جەرگە قونا الاتىن، ىستىق-سۋىققا ءتوزىمدى ۇشاق پايدالانۋعا بەرىلدى
استانا. KAZINFORM - قازاقستاننىڭ توتەنشە جاعدايلار مينيسترلىگى العاش رەت L‑410 كوپ ماقساتتى قوس موتورلى ۇشاعىن الدى.
بۇل قۇتقارۋ ۆەدومستۆوسىنىڭ اۆياتسياسىن دامىتۋداعى ماڭىزدى قادام، ول توتەنشە جاعدايلارعا تەزىرەك دەن قويۋعا جانە قول جەتپەيتىن اۋداندارعا كومەك جەتكىزۋگە مۇمكىندىك بەرەدى. سونىمەن قاتار بۇل اۋە كەمەسىن پايدالانۋعا بەرۋ ەلدەگى ازاماتتىق اۆياتسيانىڭ دامۋىنا ىقپال ەتەدى، ويتكەنى ول ۇشقىشتاردىڭ بىلىكتىلىگىن ارتتىرادى، زاماناۋي اۋە كەمەلەرىن قولدانۋدى كەڭەيتەدى جانە قيىن جاعدايلاردا جەڭىل اۆياتسيانى پايدالانۋعا جاڭا مۇمكىندىكتەر جاسايدى.
ۇشاقتى بەرۋ سالتاناتتى ءراسىمى ت ج ءمينيسترى گەنەرال-مايور شىڭعىس ءارىنوۆتىڭ قاتىسۋىمەن ءوتتى. ۆەدومستۆو باسشىسى بۇل ۇشاق قۇتقارۋ بولىمشەلەرىنىڭ ۇتقىرلىعىن ەداۋىر ارتتىراتىنىن جانە تابيعي اپاتتاردىڭ، اۆاريالار مەن باسقا دا وقيعالاردىڭ سالدارىن ءتيىمدى جويۋعا كومەكتەسەتىنىن اتاپ ءوتتى.
- مەملەكەت باسشىسىنىڭ قولداۋىنىڭ ارقاسىندا بۇگىن ءبىز قازاقستان ت ج م ءۇشىن L 410 ۇشاعىن الۋ - تاريحي وقيعاعا كۋا بولدىق. بۇل قادام بىزگە قۇتقارۋشىلاردى، قۇرال-جابدىقتاردى جانە گۋمانيتارلىق كومەكتى ەلىمىزدىڭ ەڭ شالعاي بۇرىشتارىنا جەدەل جەتكىزۋگە مۇمكىندىك بەرەدى. ۇشاق ءبىزدىڭ جۇمىسىمىزدا سەنىمدى جانە جان-جاقتى كومەكشى بولادى. مەن «قازاۆياقۇتقارۋ» ا ق بازاسىندا اۆياجاساقتار قۇرۋ باعدارلاماسىنا باستاماشى بولدىم، - دەپ شىڭعىس ءارىنوۆ اتاپ ءوتتى.
L-410 قازاقستان ت ج م «قازاۆياقۇتقارۋ» ا ق اۆياتسيالىق پاركىنىڭ قۇرامىنا كىرەدى. ونىڭ نەگىزگى ماقساتى - جاعدايدى باقىلاۋ، گۋمانيتارلىق جۇكتەردى جانە جەكە قۇرامدى تاسىمالداۋ، سونداي-اق زارداپ شەككەندەردى ەۆاكۋاتسيالاۋ.
ۇشاقتىڭ باستى ارتىقشىلىقتارىنىڭ ءبىرى - ونىڭ قيىن جاعدايلاردا جۇمىس ىستەۋ قابىلەتى. ول توپىراق، قار جانە ءشوپ باسقان اەرودرومدارعا قونىپ، ۇزىندىعى نەبارى 500 مەتر بولاتىن قىسقا جولاقتاردان ۇشىپ، -50-دەن +50°C- قا دەيىنگى تەمپەراتۋراعا توتەپ بەرە الادى.
سونىمەن قاتار ول 6500 ك م قاشىقتىققا 19 جولاۋشىنى نەمەسە 1800 ك گ جۇكتى تاسىمالداۋعا قابىلەتتى. مودەلدىڭ ەرەكشەلىگى - اۋىر جۇقپالى اۋرۋمەن اۋىرعان ناۋقاستاردى تاسىمالداۋعا ارنالعان ارنايى موديفيكاتسيا بولىپ تابىلادى. بۇگىندە مۇنداي ۇشاقتاردى الەمدە تەك ءۇش اۋەكومپانيا شىعارادى.
پايدالانۋعا بەرىلمەس بۇرىن قازاقستاندىق ۇشقىشتار پراگاداعى اۆياتسيالىق دايارلاۋ ورتالىعىندا ۇشاقتى باسقارۋ جانە تەحنيكالىق قىزمەت كورسەتۋ بويىنشا ارنايى وقۋدان ءوتتى. ت ج ءمينيسترى وقىتۋعا كومەك كورسەتكەنى ءۇشىن Omnipol كومپانياسىنىڭ وكىلدەرىنە العىس ايتىپ، حالىقارالىق ىنتىماقتاستىق ت ج م اۆياتسياسىن دامىتۋدا ماڭىزدى ءرول اتقاراتىنىن اتاپ ءوتتى.
L-410 ساتىپ الۋ ونەركاسىپتى دامىتۋ قورىنىڭ قولداۋىنىڭ ارقاسىندا مۇمكىن بولدى، بۇل مەملەكەتتىڭ اۆياتسيا سالاسىن دامىتۋعا جانە ەلدەگى قاۋىپسىزدىكتى ارتتىرۋعا ستراتەگيالىق كوزقاراسىن كورسەتەدى.
قۇتقارۋ وپەراتسيالارىندا تىكەلەي قولدانۋدان باسقا، L‑410 پايدالانۋ قازاقستانداعى ازاماتتىق اۆياتسيانى دامىتۋدىڭ ماڭىزدى كەزەڭى بولادى. مۇنداي اۋە كەمەلەرىنىڭ پايدا بولۋى ينفراقۇرىلىمى شەكتەۋلى وڭىرلەردە جەڭىل اۆياتسيانى پايدالانۋ ءۇشىن جاڭا مۇمكىندىكتەر اشادى، ۇشقىشتاردى دايارلاۋ دەڭگەيىن ارتتىرۋعا جانە قازىرگى زامانعى ۇشاقتارعا سەرۆيستىك قىزمەت كورسەتۋدى دامىتۋعا ىقپال ەتەدى.
L‑410 الۋ - ۆەدومستۆونىڭ اۆياتسيالىق پاركىن مودەرنيزاتسيالاۋ بويىنشا اۋقىمدى جۇمىستىڭ ءبىر بولىگى. جاقىن ارادا «قازاۆياقۇتقارۋ» ا ق بازاسىندا «سولتۇستىك-وڭتۇستىك، باتىس-شىعىس» قاعيداتى بويىنشا ەلدىڭ بۇكىل اۋماعىن قامتيتىن 20 اۆياجاساق قۇرىلاتىن بولادى. بۇل شۇعىل ارەكەت ەتۋدى جانە قۇتقارۋ وپەراتسيالارىن تيىمدىرەك ۇيىمداستىرۋعا مۇمكىندىك بەرەدى.
جاڭا ۇشاقتى پايدالانۋعا ەنگىزۋ ت ج م اۆياتسياسىنىڭ الەۋەتىن كۇشەيتىپ قانا قويماي، جالپى قازاقستاننىڭ اۋە فلوتىنىڭ دامۋىنا ىقپال ەتەدى. جەڭىل ۇشاقتاردى قولدانۋدى كەڭەيتۋ، ۇشقىشتاردىڭ بىلىكتىلىگىن ارتتىرۋ جانە اۆياتسيالىق ينفراقۇرىلىمدى جەتىلدىرۋ - مۇنىڭ ءبارى ەلدىڭ اۆياتسياسىن زاماناۋي، موبيلدى جانە كەز كەلگەن كۇردەلىلىكتەگى مىندەتتەردى شەشۋگە دايىن ەتەدى.
جاڭا ۇشاقتى پايدالانۋعا ەنگىزۋ ت ج م اۆياتسياسىنىڭ الەۋەتىن كۇشەيتىپ قانا قويماي، جالپى قازاقستاننىڭ اۋە فلوتىنىڭ دامۋىنا ىقپال ەتەدى. جەڭىل ۇشاقتاردى قولدانۋدى كەڭەيتۋ، ۇشقىشتاردىڭ بىلىكتىلىگىن ارتتىرۋ جانە اۆياتسيالىق ينفراقۇرىلىمدى جەتىلدىرۋ-مۇنىڭ ءبارى ەلدىڭ اۆياتسياسىن زاماناۋي، موبيلدى جانە كەز كەلگەن كۇردەلىلىكتەگى مىندەتتەردى شەشۋگە دايىن ەتەدى.
بۇعان دەيىن توتەنشە جاعدايلار مينيسترلىگىنە سەيسميكالىق، سەل جانە كوشكىن قاۋىپسىزدىگىن قامتاماسىز ەتۋدە قالا قۇرىلىسى جوبالارىن كەلىسۋ بويىنشا فۋنكتسيا بەرىلەتىنى ايتىلدى.
