ەلىمىزدە ءبىر جىلدا 70 مىڭعا جۋىق ستۋدەنت وقۋدان شىعىپ قالعان
استانا. قازاقپارات - كوپتەگەن دامىعان ەلدەر ستۋدەنتتەردىڭ جاعدايىن ءبىرىنشى ورىنعا قويادى... ساراپشىلاپ بىلتىر 70 مىڭعا جۋىق ستۋدەنتتىڭ وقۋىن تاستاپ كەتكەنىن مالىمدەدى. ونىڭ ءبىر سەبەبى - قارجىلىق قيىندىق. ولار جاستاردى وقۋدان باس تارتۋعا تاعى قانداي جاعدايلار ءماجبۇر ەتەتىنىن ايتىپ بەردى، دەپ حابارلايدى 31-ارنا.
ۋنيۆەرسيتەتكە ءتۇسۋ جوعارى ءبىلىم تۋرالى ديپلومعا كەپىلدىك بەرمەيدى. ويتكەنى قوعام بەلسەندىسى گۇلنار ۋماروۆا ranking.kz ساراپتاماسىن نەگىزگە الا وتىرىپ، بىلتىرعى وقۋ جىلىندا ۋنيۆەرسيتەتتەر مەن ينستيتۋتتاردان 70 مىڭعا جۋىق ستۋدەنت كەتكەنىن ايتتى. ال ولاردىڭ 13 مىڭنان ءسال استامى باسقا جوعارى وقۋ ورىندارىنا اۋىسقان. ستۋدەنتتەر ج و و-دان وقۋداعى ساتسىزدىككە جانە قارجىلىق قيىندىقتارعا بايلانىستى دا كەتەدى.
قوعام بەلسەندىسى ۋنيۆەرسيتەتتەر ءاربىر ىسكە جەكە-جەكە قاراۋ كەرەك دەپ ەسەپتەيدى. دەگەنمەن ماسەلەنىڭ ءبىرىن زاڭنامالىق دەڭگەيدە شەشۋگە بولادى.
مەنىڭ بولجامىم 4 جىلعا، وقۋ مەرزىمىنە، بەلگىلەنگەن تولەمگە يە بولۋ. جىلدان جىلعا وقۋ قۇنى كوتەرىلگەندىكتەن، جالاقى كوتەرىلمەيدى. وكىنىشكە قاراي، ستۋدەنت ءبىر ۋاقىتتا جۇمىس ىستەۋى كەرەك، ءبىر جەردە ۇلگەرمەيدى، سوعان سايكەس وقۋدان شىعارىلادى، - دەدى قوعام بەلسەندىسى.
وقۋدان شىعىپ قالعان ستۋدەنتتەردىڭ ەڭ كوپ سانى ەلىمىزدىڭ وڭتۇستىگىندە تىركەلدى: الماتى قالاسى كوش باستاپ تۇر، ودان كەيىن شىمكەنت قالاسى مەن قىزىلوردا وبلىسى بار.
جاستاردىڭ وزدەرى مەگاپوليستەردە ستۋدەنتتەردىڭ ءوزىن-ءوزى قامتاماسىز ەتۋگە ۇلكەن مۇمكىندىكتەرى بار دەپ سانايدى جانە بۇل كوبىنە جوعارى ءبىلىم تۋرالى ديپلوم الۋعا بايلانىستى ەمەس.
«ەسبول قورى» قورىنىڭ ءتوراعاسى جاندوس اقتايەۆ جاستار وزىنە ورتا تابا الماي، تەزىرەك اۋىسىپ كەتۋگە ارەكەت جاسايتىنىن ەسكەرتتى.
جاس جىگىت ءوز ماماندىعىنا سونشالىقتى بايىپتى قاراماسا، بۇل ماماندىق بويىنشا ودان ءارى داميمىن دەپ ويلامايدى. جاڭا دوستارىنا قوسىلىپ، ۋنيۆەرسيتەتتى وزگەرتۋگە بەل بۋسا، جاڭا دوستار تابا الادى. باسقا وقۋ ورنىنا اۋىسۋدىڭ 27 پايىزى وسىعان بايلانىستى دەپ ەسەپتەيمىن، - دەدى قور وكىلى.
ساراپشىلار جوعارى وقۋ ورىندارىن تاستاپ كەتكەندەردىڭ اراسىندا 6 مىڭعا جۋىعى وقۋ ءتارتىبىن بۇزعاندار بولعانىن، 1 مىڭنان اسا ادامنىڭ قارۋلى كۇشتەر قاتارىنا شاقىرىلعانىن، 350 ستۋدەنتتىڭ دەنساۋلىعىنا بايلانىستى كەتكەنىن ايتادى. ال ءبىز سياقتى دامۋشى ەلدەرگە قاراعاندا، كوپتەگەن دامىعان ەلدەر ستۋدەنتتەردىڭ جاعدايىن ءبىرىنشى ورىنعا قويادى.
