ەلىمىزدە بيىلعى ۇ ب ت باستالدى

استانا. KAZINFORM - بۇگىن وقۋشىلار ۇلتتىق ءبىرىڭعاي تەستىلەۋدەن ءوتىپ جاتىر. بۇل - سىناقتىڭ ءبىرىنشى كەزەڭى.

بۇل تۋرالى ۇلتتىق ءبىرىڭعاي تەستىلەۋ ورتالىعىنىڭ الەۋمەتتىك جەلىدەگى رەسمي پاراقشاسىندا ايتىلدى.

- قاڭتار ۇ ب ت- سى باستالدى. ساتتىلىك! - دەلىنگەن جەلىدە.

ايتا كەتەيىك، ۇ ب ت- داعى پاندەردىڭ سانى وزگەرىسسىز قالدى، ياعني ۇشەۋى مىندەتتى جانە ەكەۋى تاڭداۋ بويىنشا. ۇ ب ت تاپسىرمالار سانى وزگەرىسسىز قالدى، جالپى 120 سۇراق. ونىڭ ىشىندە «قازاقستان تاريحىنان» 20 تاپسىرما، «وقۋ ساۋاتتىلىعىنان» 10 تاپسىرما، «ماتەماتيكالىق ساۋاتتىلىقتان» 10 تاپسىرما جانە ەكى بەيىندىك ءپان بويىنشا 40 تاپسىرما. جوعارى بال - 140.

تەستىلەۋ ۋاقىتى - 4 ساعات (240 مينۋت). بۇل رەتتە ەرەكشە ءبىلىم بەرۋ قاجەتتىلىكتەرى بار بالالارعا قوسىمشا 40 مينۋت ۋاقىت بەرىلەدى.

ەسكە سالا كەتەيىك، قاڭتار ايىندا وتەتىن ۇ ب ت- عا ءوتىنىش قابىلداۋ 20-جەلتوقساندا باستالعان ەدى.