ەلىمىزدە باعدارشامنىڭ سارى ءتۇسى جانعان كەزدە جولدان وتۋگە تىيىم سالىندى
استانا. KAZINFORM - ەلوردا پوليتسياسى باعدارشامنىڭ سارى سيگنالىنا وتۋگە تىيىم سالۋ تۋرالى ەسكەرتتى.
ءى ءى م باسپا ءسوز قىزمەتىنىڭ مالىمەتىنشە، كوبىنە جول-كولىك وقيعالارى باعدارشامنىڭ سارى ءتۇسى جانىپ تۇرعاندا وتكەن كەزدە بولادى. بۇل رەتتە جۇرگىزۋشىلەرگە قازاقستان رەسپۋبليكاسى جول قوزعالىسى ەرەجەلەرىنىڭ 5-تاراۋىنىڭ 24-تارماعىنىڭ 3-تارماقشاسىنا سايكەس باعدارشامنىڭ سارى سيگنالى قوزعالىسقا تىيىم سالاتىنىن، ال جىپىلىقتاعان جاسىل شام جاقىن ارادا تىيىم سالۋ سيگنالىنىڭ شىعاتىنىن ەسكەرتەدى. مۇنداي بۇزۋشىلىقتاردى بەينەباقىلاۋ كامەرالارى اۆتوماتتى تۇردە تىركەيتىن بولادى.
«وسىعان بايلانىستى جۇرگىزۋشىلەردى جولدا ساق بولىپ، جول ەرەجەسىن ساقتاۋعا شاقىرامىز. ماسەلەن، سوڭعى ءبىر جىلدا 3 مىڭنان استام وقيعا تىركەلدى. جول-كولىك وقيعالارى باعدارشامنىڭ تىيىم سالىنعان سيگنالىنا (قىزىل، سارى) ءوتۋى، ونىڭ ىشىندە سارى سيگنالىنا وتكەنى ءۇشىن بولعان. سونىڭ سالدارىنان 6 ادام قازا تاۋىپ، 246 ادام جاراقات العان. جىل باسىنان بەرى 400 گە جۋىق جول اپاتى تىركەلدى»، - دەپ حابارلادى ءى ءى م باسپا ءسوز قىزمەتى.
