ەلىمىزدە اۆتوموبيل ءوندىرىسى 13 پايىز قىسقارعان

استانا. KAZINFORM - پرەمەر- ءمينيستردىڭ ورىنباسارى - ۇلتتىق ەكونوميكا ءمينيسترى نۇرلان بايبازاروۆ ۇكىمەت وتىرىسىندا ەلىمىزدە اۆتوموبيل ءوندىرىسى 13 پايىز قىسقارعانىن ايتتى.

«وڭدەۋ ونەركاسىبىندە وڭ ءوسۋ قارقىنى ساقتالىپ كەلەدى. ءوندىرىس كولەمى %4,8 كە ءوستى. ءوسۋ 14 وڭىردە تىركەلدى. ەڭ ۇلكەن ءوسۋ قارقىنى قىزىلوردا، ۇلىتاۋ، ماڭعىستاۋ، تۇركىستان، اقتوبە وبلىستارىندا بايقالادى. وڭدەۋ ونەركاسىبىندەگى ءوسۋ نەگىزىنەن مەتاللۋرگيا

ءوندىرىسى %8,3 كە جانە ماشينا جاساۋ - %4,2 كە ءوستى. بۇل رەتتە اۆتوموبيل ءوندىرىسى %13,3 كە قىسقاردى. بۇل جىل سوڭىنا دەيىن ءوندىرىستى ۇلعايتۋ ءۇشىن رەزەرۆتەردىڭ بار ەكەندىگىن كورسەتەدى»، - دەدى مينيستر.

سونداي-اق، ەلەكتر جابدىقتارىن جاساۋ %11,3 كە، فارماتسيەۆتيكالىق ونىمدەر %15 كە، مەتالل بۇيىمدارى - %31,1 كە جانە جيھاز ءوندىرىسى %17,9 كە وسكەنى ايتىلدى.

«تاۋ-كەن ونەركاسىبىندە ءوندىرىس كولەمى %1,2 كە ۇلعايدى. مەتالل كەندەرىن ءوندىرۋ %7,7- كە جانە تابيعي گاز ءوندىرۋ %3,4 كە ۇلعايدى. بۇل رەتتە مۇناي ءوندىرۋ %0,3 كە، كومىر ءوندىرۋ %0,5 كە قىسقاردى»، - دەدى ول.

مۇناي ءوندىرۋدى ەسەپكە الماعانداعى ەكونوميكانىڭ وتكەن جىلدىڭ ءتيىستى بازاسىنا قاتىستى ءوسۋى %4,5 دەڭگەيىندە باعالانىپ وتىرعانىن اتاپ وتكىم كەلەدى.