ەلىمىزدە اپتا ىشىندە بولعان كادرلىق تاعايىنداۋلار
استانا. KAZINFORM - قازاقستاندا وسى اپتا ىشىندە ءبىرقاتار كادرلىق اۋىس-ءتۇيىس بولدى.
11-قاراشادا باۋىرجان تەمىرعالي ۇلى دارىبايەۆ الماتى وبلىسىنىڭ ۆەتەريناريا باسقارماسىنىڭ باسشىسى لاۋازىمىنا تاعايىندالدى.
باۋىرجان تەمىرعالي ۇلى 1977 -جىلى دۇنيەگە كەلگەن. 2000 -جىلى الماتىنىڭ زووتەحنيكالىق مالدارىگەرلىك ينستيتۋتىن «ۆەتەريناريالىق مەديتسينا» ماماندىعى بويىنشا، 2014 -جىلى ءو. ا. جولداسبەكوۆ اتىنداعى ەكونوميكا جانە قۇقىق اكادەمياسىن «مەملەكەتتىك جانە جەرگىلىكتى باسقارۋ» ماماندىعى بويىنشا بىتىرگەن.
ەڭبەك جولىن 1993 -جىلى قاروي ۇجىمدىق كاسىپورىنىنىڭ مال ەمدەۋشىسى بولىپ باستاعان. ءار جىلدارى قازاقستان رەسپۋبليكاسى اۋىل شارۋاشىلىعى مينيسترلىگىنىڭ بالقاش اۋداندىق اۋماقتىق باسقارماسىنىڭ ۆەتەريناريالىق قاداعالاۋ، بالقاش اۋدانىنىڭ ۆەتەريناريا، بالقاش اۋدانىنىڭ اۋىل شارۋاشىلىق بولىمدەرىندە باسشىلىق لاۋازىمدارىندا قىزمەت اتقارعان.
2017-2024 -جىلدار ارالىعىندا بالقاش اۋدانى اكىمىنىڭ ورىنباسارى بولعان. 2024 -جىلدىڭ مامىر ايىنان الماتى وبلىسىنىڭ ۆەتەريناريا باسقارماسى باسشىسىنىڭ ورىنباسارى قىزمەتىنە تاعايىندالدى.
11-قاراشادا جوعارعى سوتتىڭ ب ا ق-پەن ءوزارا ءىس-قيمىل جونىندەگى ۇيلەستىرۋشى-سۋديالارى تاعايىندالدى.
اكىمشىلىك ءىس جۇرگىزۋ بويىنشا اسلان تۋكيەۆ (ج س اكىمشىلىك ىستەر جونىندەگى سوت القاسىنىڭ ءتوراعاسى)، قىلمىستىق سوت ءىسىن جۇرگىزۋ بويىنشا ەركەش ماۋكەن (ج س سۋدياسى)، ازاماتتىق سوت ءىسىن جۇرگىزۋ بويىنشا مارينا بوروۆيك (ج س سۋدياسى) بەكىتىلدى.
ولارعا كوممۋنيكاتسيا بولىمىمەن بىرلەسە وتىرىپ، سوت جۇيەسىندە جۇرگىزىلىپ جاتقان جاڭارۋلار، سونداي- اق سۋديالار مەن سوت قىزمەتكەرلەرىنىڭ كاسىبي قىزمەتى تۋرالى قوعامنىڭ حاباردار بولۋىن قامتاماسىز ەتۋ، سوت ءىسىن جۇرگىزۋ تۋرالى اقپاراتتىق- ءتۇسىندىرۋ جۇمىستارىن جۇرگىزۋ جۇكتەلدى.
ب ا ق-پەن جانە قوعامدىق پىكىر كوشباسشىلارىمەن ءوزارا ءىس- قيمىل تاسىلدەرىن قايتا قاراۋدى تالاپ ەتەتىن بەلسەندى كوممۋنيكاتسيالاردىڭ جاڭا شىندىقتارىن ەسكەرە وتىرىپ، مىنالاردى قامتاماسىز ەتۋ جونىندەگى مىندەتتەر قويىلدى:
- ب ا ق-قا اشىق سوت پروتسەستەرىنە قولجەتىمدىلىك جانە جابىق سوت وتىرىستارىندا قارالعان ىستەر بويىنشا ساپالى اقپارات بەرۋ؛
- ۇيلەستىرۋشى-سۋديالار مەن سوتتاردىڭ باسپا ءسوز قىزمەتتەرىنىڭ بىلىكتىلىگىن ارتتىرۋ؛
- زاماناۋي كوممۋنيكاتسيالىق قۇرالداردى پايدالانا وتىرىپ، ب ا ق-پەن ءوزارا بايلانىس ورناتۋ جانە تاعى باسقا.
اپتا باسىندا سانجار ءادىلوۆ ىشكى ىستەر ءمينيسترىنىڭ ورىنباسارى لاۋازىمىنا تاعايىندالدى.
سانجار ءادىلوۆ 1977 -جىلى 26-قىركۇيەكتە الماتى وبلىسى جامبىل اۋدانى ۇزىناعاش اۋىلىندا دۇنيەگە كەلگەن. ءبىلىمى جوعارى.
ەڭبەك جولىن تەرگەۋشى بولىپ باستاعان.
وسى تاعايىنداۋعا دەيىن ق ر ىشكى ىستەر مينيسترلىگى تەرگەۋ دەپارتامەنتىنىڭ باستىعى، قاراعاندى وبلىسى پوليتسيا دەپارتامەنتىنىڭ باستىعى قىزمەتتەرىن اتقاردى.
دۇيسەنبىدە ايبەك سامات اباي وبلىسى مادەنيەت باسقارماسىنىڭ باسشىسى بولىپ تاعايىندالدى.
ايبەك تولەگەن ۇلى 1987 -جىلى 16-قاراشادا سەمەي وبلىسى اقسۋات اۋدانى اقسۋات اۋىلىندا دۇنيەگە كەلگەن. 2008 -جىلى شاكارىم اتىنداعى سەمەي مەملەكەتتىك ۋنيۆەرسيتەتىن «مەملەكەتتىك جانە جەرگىلىكتى باسقارۋ» ماماندىعى بويىنشا بىتىرگەن.
ەڭبەك جولىن 2009 -جىلى سەمەي قالاسىنىڭ ىشكى ساياسات بولىمىندە ماماننىڭ كومەكشىسى بولىپ باستاعان. 2010 -جىلدان 2012 -جىلعا دەيىن سەمەي قالاسى اكىمىنىڭ اپپاراتىندا كومپيۋتەرلىك تەحنيكا وپەراتورى بولدى.
2012-2013 -جىلدارى سەمەي قالاسىنىڭ ىشكى ساياسات ءبولىمىنىڭ باس مامانى. 20132015 -جىلدارى سەمەي قالاسى اكىمىنىڭ كومەكشىسى بولىپ جۇمىس ىستەگەن.
2015-2016 -جىلدارى سەمەي قالاسىنىڭ ىشكى ساياسات بولىمىندە اقپاراتتىق- ناسيحاتتاۋ جۇمىس سەكتورىنىڭ مەڭگەرۋشىسى.
2016-2020 -جىلدارى سەمەي قالاسىنىڭ ىشكى ساياسات ءبولىمى باسشىسىنىڭ ورىنباسارى لاۋازىمى اتقارعان. 2020-2021 -جىلدارى سەمەي قالاسىنىڭ ىشكى ساياسات ءبولىمىنىڭ باسشىسى.
2022 -جىلدىڭ ساۋىرىنەن تامىز ايىنا دەيىن شىعىس قازاقستان وبلىسى قازاقستان حالقى اسسامبلەياسى حاتشىلىعى جانە شىعىس قازاقستان وبلىسى ىشكى ساياسات باسقارماسىنىڭ ەتنوسارالىق قاتىناستار مونيتورينگى ءبولىمىنىڭ باسشىسى. 2022 -جىلدىڭ تامىزىنان 2023 -جىلدىڭ ماۋسىمىنا دەيىن اباي وبلىسى اكىمى اپپاراتىنىڭ ۇيىمداستىرۋ-ينسپەكتورلىق ءبولىمىنىڭ باس ينسپەكتورى.
2023 -جىلدىڭ ماۋسىمىنان قىركۇيەك ايىنا دەيىن اباي وبلىسىنىڭ جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسى باسشىسىنىڭ ورىنباسارى.
2023 -جىلدىڭ ماۋسىمىنان وسى ۋاقىتقا دەيىن اباي وبلىسى اكىمى اپپاراتىنىڭ ۇيىمداستىرۋ جانە باقىلاۋ-ينسپەكتورلىق جۇمىس ءبولىمىنىڭ باسشىسى بولدى.
اپتانىڭ العاشقى كۇنى اقمولا وبلىسى اكىمىنىڭ 2024 -جىلعى 11-قاراشاداعى وكىمىمەن قوسشى قالاسىنىڭ اكىمى بولىپ ازامات كاپىشەۆ تاعايىندالدى.
اقمولا وبلىسىنىڭ اكىمى مارات احمەتجانوۆ قوسشى قالاسىنىڭ اكتيۆىنە جاڭا اكىمدى تانىستىرا وتىرىپ، ازامات كاپىشيەۆتىڭ جوعارى كاسىبي قاسيەتتەرى بار ءبىلىمدى جانە بىلىكتى باسشى ەكەنىن اتاپ ءوتتى. جاڭا باسشىلىققا تۇرعىن ءۇي- كوممۋنالدىق شارۋاشىلىق، سونىڭ ىشىندە سۋمەن قامتاماسىز ەتۋ، ەلەكتر جانە جىلۋمەن جابدىقتاۋ، ينفراقۇرىلىم سالالارىندا ءبىرقاتار مىندەتتەر قويىلدى.
11-قاراشادا رۋسلان ەسەنالين تۋريزم جانە سپورت مينيسترلىگى سپورت كوميتەتىنىڭ ءتوراعاسى بولىپ تاعايىندالدى.
رۋسلان ەسەنالين 1976 -جىلى سولتۇستىك قازاقستان وبلىسىندا دۇنيەگە كەلگەن.
سولتۇستىك قازاقستان مەملەكەتتىك ۋنيۆەرسيتەتىن، قازاق مەملەكەتتىك زاڭ اكادەمياسىنىڭ مەملەكەتتىك قىزمەت ينستيتۋتىن، ر ف پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىن بىتىرگەن.
ءار جىلدارى س ق و ب ج س م بوكس جانە كيكبوكسينگ بويىنشا جاتتىقتىرۋشى- وقىتۋشىسى بولىپ جۇمىس ىستەدى. سونداي-اق س ق و شتاتتىق ۇلتتىق كوماندالار جانە سپورتتىق رەزەرۆ ديرەكتسياسىنىڭ كيكبوكسينگ بويىنشا ق ر مەملەكەتتىك جاتتىقتىرۋشىسى بولدى.
2008- 2012 -جىلدارى س ق و دەنە شىنىقتىرۋ جانە سپورت باسقارماسى باسشىسىنىڭ ورىنباسارى قىزمەتىن اتقاردى.
2012- 2020 -جىلدارى س ق و اكىمدىگى دەنە شىنىقتىرۋ جانە سپورت باسقارماسىنىڭ باسشىسى بولىپ ەڭبەك ەتتى.
2020 -جىلدان 2024 -جىلعا دەيىن - «قۇلاگەر» حوككەي كلۋبىنىڭ ديرەكتورى.
2024 -جىلدان باستاپ قازىرگى ۋاقىتقا دەيىن «استانا» وليمپيادالىق دايارلاۋ ورتالىعى رمقك ديرەكتورىنىڭ ورىنباسارى بولدى.
12-قاراشادا ءسانيا سمايلوۆا س ق و مەملەكەتتىك ساتىپ الۋ باسقارماسىنا باسشى بولىپ تاعايىندالدى.
ءسانيا نيكولاي قىزى 1969 -جىلى تۋعان، س ق و م. جۇمابايەۆ اۋدانى ۇزىنكول اۋىلىنىڭ تۋماسى.
ومبى اۋىل شارۋاشىلىعى ينستيتۋتىن، كوكشەتاۋ گۋمانيتارلىق- ەكونوميكالىق ۋنيۆەرسيتەتىن «جەرگە ورنالىستىرۋ ينجەنەرى»، «قارجى جانە كرەديت» ماماندىقتارى بويىنشا بىتىرگەن.
ءار جىلدارى وبلىستىڭ قارجى باسقارماسىنىڭ ءبىلىم ۇيىمدارىن قارجىلاندىرۋ ءبولىمىنىڭ باسشىسى، وبلىستىڭ ءبىلىم باسقارماسى باسشىسىنىڭ ورىنباسارى بولىپ جۇمىس ىستەدى.
وسى تاعايىنداۋعا دەيىن ءسانيا سمايلوۆا پەتروپاۆل قالاسى اكىمىنىڭ ەكونوميكالىق ماسەلەلەر جونىندەگى ورىنباسارى قىزمەتىن اتقاردى.
12-قاراشا كۇنى ءادىل قۇسمانوۆ «حالىقارالىق باعدارلامالار ورتالىعى» ا ق-نىڭ باسقارما ءتوراعاسى بولىپ تاعايىندالدى.
قۇسمانوۆ ءادىل ميرات ۇلى وكسفورد ۋنيۆەرسيتەتىنىڭ ماتەماتيكا ينستيتۋتىن ءتامامامداعان العاشقى تۇلەك. نازاربايەۆ ۋنيۆەرسيتەتىندە وتكەن «جىل ستۋدەنتى - 2016» اتاعىنىڭ يەگەرى.
سونىمەن قاتار، ءادىل قۇسمانوۆ «NU Alumnى» ۇ ە ۇ (نازاربايەۆ ۋنيۆەرسيتەتى تۇلەكتەر قاۋىمداستىعى) قۇرىلتايشىلارىنىڭ ءبىرى جانە باسقارما ءتوراعاسى.
ا. قۇسمانوۆ ۇلتتىق پروگرەسس يندەكسى ادىستەمەسىن جانە قازاقستان رەسپۋبليكاسى مەملەكەتتىك ورگاندارىنىڭ قىزمەتىن جىل سايىنعى باعالاۋ ادىستەمەسىن ازىرلەۋشىلەردىڭ ءبىرى. ماتەماتيكا، ەكونوميكا جانە ستراتەگيالىق جوسپارلاۋ سالاسىندا اناليتيكالىق جانە عىلىمي زەرتتەۋلەر جۇرگىزۋ تاجىريبەسى بار.
سونداي-اق، ءادىل ميرات ۇلى سالىمشىلاردىڭ زەينەتاقى جيناقتارىنىڭ ءبىر بولىگىن پايدالانۋ بويىنشا ق ر- نىڭ زەينەتاقى جۇيەسىن رەفورمالاۋدىڭ نەگىزگى ازىرلەۋشىلەرىنىڭ ءبىرى.
كاسىبي قىزمەتىنەن بولەك «قاز م ز ۋ» ا ق-دا «ەكونوميكاداعى ماتەماتيكا» پانىنەن ءدارىس بەرەدى، سونىمەن قاتار نۇرسۇلتان نازاربايەۆ قورى مەن قازاقستان رەسپۋبليكاسى ۇكىمەتىنىڭ «ءبىلىم بەرۋ» باعىتى بويىنشا وزگەرىستەردى باسقارۋ بويىنشا سالالىق مەنەدجەرلەردى دايارلاۋ جونىندەگى «ەل ءۇمىتى» باعدارلاماسىنا قاتىسۋشىسى.
13-قاراشادا اقمولا وبلىسى اكىمىنىڭ وكىمىمەن ستەپنوگور قالاسىنىڭ اكىمى بولىپ گايدار قاسەنوۆ تاعايىندالدى.
مەملەكەت باسشىسىنىڭ تاپسىرماسى بويىنشا گايدار قاسەنوۆكە قالانى دامىتۋ جانە تۇرعىندارعا قولايلى جاعداي جاساۋ بويىنشا ءبىرقاتار مىندەتتەر جۇكتەلدى.
سونىمەن قاتار، ستەپنوگور قالاسىنىڭ اكىمدىگىنە ينۆەستيتسيا تارتۋ، جاڭا جۇمىس ورىندارىن قۇرۋ، كاسىپكەرلىكتى دامىتۋ جانە تۇرعىن ءۇي قۇرىلىسى بويىنشا ناقتى جۇمىستار جۇرگىزۋ تاپسىرىلدى.
ول بۇعان دەيىن قوسشى قالاسىنىڭ اكىمى قىزمەتىن اتقاردى.
سارسەنبىدە وسك ءتوراعاسى نۇرلان ءابدىروۆ مەملەكەت باسشىسىنىڭ جارلىعىمەن ازامات ايماناقۇموۆ پەن ميحايل بورتنيك ورتالىق سايلاۋ كوميسسياسىنىڭ مۇشەلەرى، ءلاززات سۇيىندىك ق ر پارلامەنتى سەناتىنىڭ قاۋلىسىمەن وسك مۇشەسى بولدى.
ورتالىق سايلاۋ كوميسسياسىنىڭ وتىرىسى بارىسىندا ءتوراعانىڭ ورىنباسارى جانە حاتشى سايلاندى. كوميسسيانىڭ ءبىراۋىزدان قابىلداعان شەشىمىمەن وسك ءتوراعاسىنىڭ ورىنباسارى بولىپ مۇحتار ەرمان، ال حاتشى بولىپ شاۆحات وتەمىسوۆ سايلاندى.
و س ك ءتوراعاسى و س ك مۇشەلەرى جۇمىسىنىڭ نەگىزگى باعىتتارىن جانە ولار جەتەكشىلىك ەتەتىن قىزمەت سالالارىن بەلگىلەدى.
سونداي-اق، وڭىرلەردەن ءماسليحاتتاردىڭ شىعىپ قالعان دەپۋتاتتارىنىڭ ورنىنا سايلاۋدى وتكىزۋدىڭ اعىمداعى ماسەلەلەرى تالقىلاندى.
14-قاراشا كۇنى قىزىلوردا وبلىسىندا ەكى دەپارتامەنتكە باسشى تاعايىندالدى.
جۇماعۇلوۆ بەكتەمىر ۇلىبەك ۇلى مەملەكەتتىك ەڭبەك ينسپەكتسياسى كوميتەتى قىزىلوردا وبلىسى بويىنشا دەپارتامەنتىنىڭ باسشىسى بولىپ تاعايىندالدى.
ب. جۇماعۇلوۆ 1983 -جىلى ارال اۋدانىندا دۇنيەگە كەلگەن. قورقىت اتا اتىنداعى قىزىلوردا مەملەكەتتىك ۋنيۆەرسيتەتىن «قۇقىق تانۋ» ماماندىعى بويىنشا بىتىرگەن. ق ر پرەزيدەنتى جانىنداعى مەملەكەتتىك باسقارۋ اكادەمياسى «وڭىرلىك دامۋ» ءبىلىم بەرۋ باعدارلاماسىنىڭ «بيزنەس جانە باسقارۋ» ماگيسترى.
ەڭبەك جولىن 2003 -جىلى قورقىت اتا اتىنداعى قىزىلوردا مەملەكەتتىك ۋنيۆەرسيتەتى «ارنايى قۇقىقتىق پاندەر» كافەدراسىنىڭ لابورانتى بولىپ باستاعان. 2007-2018 -جىلدارى ارال اۋداندىق جەر قاتىناستارى، كاسىپكەرلىك، ونەركاسىپ جانە تۋريزم بولىمدەرىنىڭ باسشىسى، اۋدان اكىمى اپپاراتىندا ءتۇرلى جاۋاپتى قىزمەتتەر اتقارعان. 2018 -جىلدان وسى كەزگە دەيىن ارال اۋدانى اكىمىنىڭ ورىنباسارى بولعان.
سونداي-اق، تالەكەنوۆ ەربول ءساتباي ۇلى قىزىلوردا وبلىسى بويىنشا كولىكتىك باقىلاۋ ينسپەكتسياسىنىڭ باسشىسى بولىپ تاعايىندالدى.
ەربول ءساتباي ۇلى 1983 -جىلى ارال اۋدانىندا دۇنيەگە كەلگەن. ق. جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىن «بۋحالتەرلىك ەسەپ جانە اۋديت»، م. تىنىشبايەۆ اتىنداعى قازاق كولىك جانە كوممۋنيكاتسيالار اكادەمياسىن «كولىكتى پايدالانۋ جانە جۇك قوزعالىسى مەن تاسىمالداۋ» ماماندىقتارى بويىنشا بىتىرگەن.
ەڭبەك جولىن 2004 -جىلى «گلوبال ترانس سەرۆيس ەۋرازيا» جاۋاپكەرشىلىگى شەكتەۋلى سەرىكتەستىگىندە مەنەدجەر- لوگيست بولىپ باستاعان. 2006-2007 -جىلدارى استانا قالاسى سارىارقا اۋدانى بويىنشا مەملەكەتتىك كىرىستەر باسقارماسىنىڭ جەتەكشى مامانى، 2007-2017 -جىلدارى كولىك جانە كوممۋنيكاتسيالار مينيسترلىگىنىڭ كولىك كوميتەتىندە مامان، باس ساراپشى، سولتۇستىك قازاقستان وبلىسى، استانا قالاسى بويىنشا كولىكتىك باقىلاۋ ينسپەكتسيالارىندا باس مامان، ءبولىم باسشىسى، ينۆەستيتسيالار جانە دامۋ مينيسترلىگىندە باسقارما باسشىسى بولعان. 2017-2020 -جىلدارى «جولاۋشىلار تاسىمالى»، «تەمىرجولسۋ» اكتسيونەرلىك قوعامدارىندا پرەزيدەنت كەڭەسشىسى، «تەمىرجولسۋ- اقتوبە» جاۋاپكەرشىلىگى شەكتەۋلى سەرىكتەستىگىنىڭ باس ينجەنەرى، 2020-2023 -جىلدارى ارال اۋدانى اكىمىنىڭ ورىنباسارى، ارال قالاسىنىڭ اكىمى قىزمەتتەرىن اتقارعان.
2023 -جىلدىڭ قازان ايىنان وسى كەزگە دەيىن «اتامەكەن» ۇلتتىق كاسىپكەرلەر پالاتاسى لوگيستيكا جانە تاسىمالداۋ دەپارتامەنتىنىڭ ديرەكتورى قىزمەتىن اتقارىپ كەلدى.
14-قاراشادا الماتى وبلىسى پوليتسيا دەپارتامەنتى باستىعىنىڭ ورىنباسارى قىزمەتتەرىندە اقىلبەك تولەۋوۆ جانە نۇرجان بايقۇلوۆ تاعايىندالدى.
قازاقستان رەسپۋبليكاسى ىشكى ىستەر ءمينيسترىنىڭ بۇيرىعىمەن پوليتسيا پودپولكوۆنيگى اقىلبەك تولەۋوۆ الماتى وبلىسى پوليتسيا دەپارتامەنتى باستىعىنىڭ ورىنباسارى قىزمەتىنە تاعايىندالدى.
اقىلبەك تولەۋوۆ 1982 -جىلى تۋعان. ونىڭ ەكى جوعارى ءبىلىمى بار. ول س. سەيفۋللين اتىنداعى قازاق اگروتەحنيكالىق ۋنيۆەرسيتەتىن جانە ق ر ءى ءى م اكادەمياسىن بىتىرگەن. ىشكى ىستەر ورگاندارىنداعى قىزمەتىن 2005 -جىلى باستاعان. وسى ۋاقىتقا دەيىن وسى ۆەدومستۆودا اقپاراتتاندىرۋ جانە بايلانىس باسقارماسىنىڭ باستىعى قىزمەتىن اتقاردى.
سونداي-اق ق ر ىشكى ىستەر ءمينيسترىنىڭ بۇيرىعىمەن پوليتسيا پولكوۆنيگى نۇرجان بايقۇلوۆ الماتى وبلىسى پوليتسيا دەپارتامەنتى باستىعىنىڭ ورىنباسارى قىزمەتىنە تاعايىندالدى.
نۇرجان بايقۇلوۆ 1977 -جىلى جامبىل وبلىسىندا دۇنيەگە كەلگەن، ەكونوميكا جانە زاڭ عىلىمدارىنىڭ ماگيسترى. ىشكى ىستەر ورگاندارىندا قىزمەتىن 1996 -جىلى باستاپ، ءتۇرلى باسشىلىق لاۋازىمداردا قىزمەت اتقاردى. وسى ۋاقىتقا دەيىن الماتى وبلىسى پوليتسيا دەپارتامەنتى تىلمەن قامتاماسىز ەتۋ باسقارماسىنىڭ باستىعى قىزمەتىن اتقاردى.
15-قاراشادا ماعجان قايرات ۇلى ەرجان اقمولا وبلىسى تسيفرلاندىرۋ جانە ارحيۆتەر باسقارماسىنىڭ باسشىسى بولىپ تاعايىندالدى.
ماعجان قايرات ۇلى ەۋرازيا تەحنولوگيالىق ۋنيۆەرسيتەتىن، قازاق ەڭبەك جانە الەۋمەتتىك قاتىناستار اكادەمياسىن جانە قازاق قاتىناس جولدارى ۋنيۆەرسيتەتىن اياقتادى.
ەڭبەك جولىن 2014 -جىلى الماتى قالاسىنداعى جەكە لوگيستيكالىق كومپانيادا مامان رەتىندە باستاعان.
«ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق سيفرلاندىرۋ وفيسىندە مامان، مەنەدجەر، باس مەنەدجەر، سەرۆيس بويىنشا باسقارۋشى ديرەكتور لاۋازىمدارىن اتقاردى.
2021-2022 -جىلدارى قازاقستان رەسپۋبليكاسىنىڭ سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىندە جۇمىس ىستەگەن. «سيفرلىق ترانسفورماتسيا قاۋىمداستىعى» زاڭدى تۇلعالار بىرلەستىگىنىڭ باس ديرەكتورىنىڭ ورىنباسارى بولدى.
تاعايىندالعانعا دەيىن «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق ساپانى باقىلاۋ دەپارتامەنتىنىڭ ديرەكتورى قىزمەتىن اتقارعان.
اقمولا وبلىسىنىڭ وڭىرلىك كادرلىق رەزەرۆىنە ەنگىزىلگەن.
جۇما كۇنى الماتى وبلىسى تالعار اۋدانى اكىمى اپپاراتىنىڭ باسشىسى لاۋازىمىنا نۇرجان ابداليموۆ تاعايىندالدى.
نۇرجان ابداليموۆ 1988 -جىلى 10-ماۋسىمدا دۇنيەگە كەلگەن. ءبىلىمى - جوعارى. قازاق قاتىناس جولدارى ۋنيۆەرسيتەتىن كەدەن ءىسى ماماندىعى بويىنشا بىتىرگەن. سونىمەن قاتار «قاينار» اكادەمياسىندا قۇقىقتانۋ ماگيسترى دارەجەسىن العان.
ەڭبەك جولىن 2011 -جىلى الماتى قالاسىنىڭ اقپاراتتىق جۇيەلەر ورتالىعىندا اعا وپەراتور بولىپ باستاعان. 2011-2015 -جىلدارى الماتى قالاسى الاتاۋ اۋدانى اكىمىنىڭ اپپاراتىندا كاسىپكەرلىك پەن ونەركاسىپتى دامىتۋ جونىندەگى ءبولىمىنىڭ مامانى، 2015 -جىلى مەملەكەتتىك- قۇقىقتىق ءبولىمىنىڭ باسشىسى، 2015-2018 -جىلدارى كاسىپكەرلىك پەن ونەركاسىپتى دامىتۋ ءبولىمىنىڭ باسشىسى، 2018-2019 -جىلدارى مەملەكەتتىك- قۇقىقتىق ءبولىمىنىڭ باس مامانى بولدى. 2019-2021 -جىلدارى «الماتىەلەكتروترانس» ج ش س-دە ءبولىم باسشىسى بولىپ جۇمىس ىستەدى.
2023 -جىلدىڭ ساۋىرىنەن باستاپ بۇگىنگە دەيىن تالعار اۋدانى اكىمىنىڭ اپپاراتى مەملەكەتتىك- قۇقىقتىق ءبولىمىنىڭ باسشىسى قىزمەتىن اتقارعان.
15-قاراشادا قازاقستان رەسپۋبليكاسى ۇكىمەتىنىڭ قاۋلىسىمەن راحىمجان ەرجان ۇلى يساقۇلوۆ ونەركاسىپ جانە قۇرىلىس ۆيتسە-ءمينيسترى قىزمەتىنە تاعايىندالدى.
راحىمجان ەرجان ۇلى 1987 -جىلى شىمكەنت قالاسىندا دۇنيەگە كەلدى.
رويال حوللوۋەي لوندون ۋنيۆەرسيتەتىن، بەدفورد نيۋ كوللەدجىن، جاپونيانىڭ ۇلتتىق اسپيرانتتار ساياسي زەرتتەۋلەر ينستيتۋتىن بىتىرگەن.
ەڭبەك جولىن 2010 -جىلى قازاقستان رەسپۋبليكاسى پرەزيدەنتى كەڭسەسى رەفەرەنتىنىڭ مىندەتىن اتقارۋشى بولىپ باستادى.
2013-2018 -جىلدارى قازاقستان رەسپۋبليكاسى پرەزيدەنتىنىڭ اكىمشىلىگىندە مەملەكەتتىك قىزمەت جانە كادر ساياساتى ءبولىمىنىڭ كونسۋلتانتىنان باستاپ مەملەكەتتىك باقىلاۋ جانە ۇيىمداستىرۋ- اۋماقتىق جۇمىس ءبولىمىنىڭ مەملەكەتتىك ينسپەكتورىنا دەيىن ءتۇرلى لاۋازىمدى قىزمەتتەر اتقاردى.
2018-2020 -جىلدارى - باتىس قازاقستان وبلىسى اكىمى اپپاراتىنىڭ باسشىسى.
2020-2023 -جىلدارى - استانا قالاسى اكىمى اپپاراتىنىڭ باسشىسى.
2022-2023 -جىلدارى - قازاقستان رەسپۋبليكاسى اقپارات جانە قوعامدىق دامۋ مينيسترلىگى اپپاراتىنىڭ باسشىسى.
2023 -جىلدان باستاپ قازىرگى ۋاقىتقا دەيىن قازاقستان رەسپۋبليكاسى ونەركاسىپ جانە قۇرىلىس مينيسترلىگى اپپاراتىنىڭ باسشىسى قىزمەتىن اتقاردى.
اۆتور
داۋلەت ىزتىلەۋ
