ەلىمىزدە اپتا ىشىندە بولعان كادرلىق تاعايىنداۋلار

Елімізде апта ішінде болған кадрлық тағайындаулар
فوتو: pexels.com

استانا. KAZINFORM - وتكەن اپتادا ەلىمىزدە ءبىرقاتار كادرلىق اۋىس-ءتۇيىس بولدى. اپتا باسىندا شوۋمەن نۇرلان قويانبايەۆ تۇركىستان وبلىسى اكىمىنىڭ كرەاتيۆتى يندۋستريانى دامىتۋ باعىتى بويىنشا شتاتتان تىس كەڭەسشىسى بولىپ تاعايىندالدى.

نۇرلان قويانبايەۆ 1979 -جىلدىڭ 19-شىلدەسىندە قىزىلوردا وبلىسىندا دۇنيەگە كەلگەن.

1996-2000 -جىلدار ارالىعىندا ءال-فارابي اتىنداعى قاز ۇ ۋ-دىڭ تاريح فاكۋلتەتىندە ءبىلىم العان.

2009-2011 -جىلدارى ەكونوميكا جانە قۇقىق اكادەمياسىندا قارجى جانە نەسيە فاكۋلتەتىندە وقىدى.

2012-2015 -جىلدارى ءال-فارابي اتىنداعى قاز ۇ ۋ-دا حالىقارالىق قاتىناستار ماماندىعى بويىنشا ماگيستراتۋرانى ءبىتىردى.

بۇعان دەيىن ول ق ر پرەزيدەنتى تەلەراديوكەشەنىنىڭ كرەاتيۆتى ديرەكتورى، «قازاقستان» ۇلتتىق تەلەارناسىنىڭ باس پروديۋسەرى قىزمەتىن اتقارعان.

ال، ازامات قالدىبەكوۆ الماتى قالاسى اكىمىنىڭ ورىنباسارى بولىپ تاعايىندالدى.

ازامات قالدىبەكوۆ 1984 -جىلى 11-قازاندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن «حالىقارالىق قۇقىق» ماماندىعى بويىنشا بىتىرگەن، بولاشاق باعدارلاماسى بويىنشا ديۋك ۋنيۆەرسيتەتىندە (سولتۇستىك كارولينا، ا ق ش) قۇقىق ماگيسترى دارەجەسىن العان، قازاق ۇلتتىق اگرارلىق زەرتتەۋ ۋنيۆەرسيتەتىندە فيلوسوفيا دوكتورى (Phd) عىلىمي دارەجەسىن العان.

ەڭبەك جولىن 2007 -جىلى الماتى قالاسى بوستاندىق اۋدانى №2-اۋداندىق سوتىنىڭ جەتەكشى مامانى قىزمەتىنەن باستاعان.

ءار جىلدارى ق ر ۇلتتىق بانكى، «سامۇرىق- قازىنا» ا ق، «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق قۇرىلىمدارىندا جۇمىس ىستەدى.

2018 -جىلى الماتى قالاسى اكىمىنىڭ باس ينسپەكتورى بولدى. 2018 -جىلدىڭ-شىلدەسىنەن 2019 -جىلدىڭ ناۋرىزىنا دەيىن الماتى قالاسى جەتىسۋ اۋدانى اكىمى اپپاراتىنىڭ باسشىسى قىزمەتىن اتقاردى.

2019 -جىلدىڭ ناۋرىز- قازان ارالىعىندا الماتى قالاسى جەر قاتىناستارى باسقارماسى باسشىسىنىڭ ورىنباسارى بولىپ ەڭبەك ەتتى. 2020 -جىلدىڭ قاڭتارىنا دەيىن الماتى قالاسى جاسىل ەكونوميكا باسقارماسى باسشىسىنىڭ ورىنباسارى بولدى.

2019 -جىلى ءبىرىنشى پرەزيدەنتتىك جاستار كادرلىق رەزەرۆىنە ەندى.

2020 -جىلدىڭ قاڭتار ايىنان باستاپ قازىرگى ۋاقىتقا دەيىن الماتى قالاسى الاتاۋ اۋدانى اكىمى قىزمەتىندە بولدى.

جاسۇلان سارسەبايەۆ اباي وبلىسى اكىمىنىڭ ورىنباسارى لاۋازىمىنا تاعايىندالدى.

ول 1986 -جىلى سەمەي وبلىسىنىڭ اياگوز قالاسىندا دۇنيەگە كەلگەن.

مەملەكەتتىك قىزمەتتە ەڭبەك جولىن شىعىس قازاقستان وبلىسى ىشكى ساياسات باسقارماسى ساياسي پارتيالار مەن ءدىني بىرلەستىكتەرمەن جۇمىس ءبولىمىنىڭ باس مامانىنان باستاپ، مادەنيەت باسقارماسى باسشىسىنىڭ ورىنباسارى، جاستار ساياساتى ماسەلەلەرى، تۋريزم جانە سىرتقى بايلانىستار، جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ، ىشكى ساياسات باسقارمالارىنىڭ باسشىسى، شىعىس قازاقستان وبلىسى اكىمى اپپاراتىنىڭ باسشىسى بولىپ قىزمەت اتقارعان.

اباي وبلىسى قۇرىلعاننان باستاپ اباي وبلىسى اكىمىنىڭ اپپارات باسشىسى قىزمەتىن اتقاردى.

قازاقستان رەسپۋبليكاسى پرەزيدەنتى اكىمشىلىگىنىڭ كەلىسۋىمەن 2024 -جىلدىڭ 3-شىلدەسىنەن اباي وبلىسى اكىمىنىڭ ورىنباسارى لاۋازىمىنا تاعايىندالدى.

سولتۇستىك قازاقستان وبلىسى اكىمىنىڭ وكىمىمەن ايناگۇل سۇراعانوۆا ءبىلىم باسقارماسىنىڭ باسشىسى بولىپ تاعايىندالدى.

ايناگۇل سۇراعانوۆا 1974 -جىلى تۋعان. 1999 -جىلى م. جۇمابايەۆ اتىنداعى پەتروپاۆل گۋمانيتارلىق كوللەدجىن بىتىرگەن، 2003 -جىلى م. قوزىبايەۆ اتىنداعى سولتۇستىك قازاقستان ۋنيۆەرسيتەتىن، 2016 -جىلى رەسەيدىڭ ومبى مەملەكەتتىك پەداگوگيكالىق ۋنيۆەرسيتەتىن ءتامامدادى.

1993-1996 -جىلدارى - سولتۇستىك قازاقستان وبلىسى اققايىڭ اۋدانىنىڭ ارالاعاش ورتا مەكتەبىنىڭ باستاۋىش سىنىپتارداعى مۇعالىمى؛

1996-1997 -جىلدارى - پەتروپاۆل قالاسىنداعى № 1-كاسىبي- تەحنيكالىق مەكتەبىنىڭ قازاق ءتىلى وقىتۋشىسى؛

1999-2004 -جىلدار ارالىعىندا اققايىڭ اۋدانى، رۋبليەۆكا ورتا مەكتەبىنىڭ قازاق ءتىلى مۇعالىمى، ديرەكتوردىڭ ورىنباسارى بولىپ ەڭبەك ەتتى.

2004-2006 -جىلدارى – س ق و ءبىلىم باسقارماسىنىڭ ورتا ءبىلىمدى ۇيلەستىرۋ جانە دامىتۋ ءبولىمىنىڭ باس مامانى؛

2006-2012 -جىلدارى - پەتروپاۆلداعى دارىندى بالالارعا ارنالعان قازاق- تۇرىك ليتسەي- ينتەرناتى ديرەكتورىنىڭ وقۋ-تاربيە ءىسى جونىندەگى ورىنباسارى؛

2012-2017 -جىلدارى - پەتروپاۆلداعى №23-ورتا مەكتەپ ديرەكتورى؛

2017-2019 -جىلدارى - پەتروپاۆل قالاسى اكىمدىگىنىڭ ءبىلىم ءبولىمى باسشىسى؛

2019-2022 -جىلدارى س ق و ءبىلىم سالاسىندا ساپانى قامتاماسىز ەتۋ دەپارتامەنتىنىڭ باسشىسى بولدى.

2022 -جىلدىڭ 1-قاراشاسىنان وسى تاعايىنداۋعا دەيىن قوستاناي وبلىسىنىڭ ءبىلىم سالاسىندا ساپانى قامتاماسىز ەتۋ دەپارتامەنتىنىڭ باسشىسى بولىپ ەڭبەك ەتتى.

ەربول نۇرعاليەۆ ش ق و اكىمىنىڭ ورىنباسارى بولىپ تاعايىندالدى.

ەربول جولداسبەك ۇلى 1975 -جىلى 10-اقپاندا اباي وبلىسى جارما اۋدانى ميحايلوۆكا اۋىلىندا دۇنيەگە كەلگەن.

2000 -جىلى شاكارىم اتىنداعى سەمەي مەملەكەتتىك ۋنيۆەرسيتەتىن، 2010 -جىلى قازاق يننوۆاتسيالىق گۋمانيتارلىق- زاڭگەرلىك ۋنيۆەرسيتەتىن، 2018 -جىلى ق. جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىن بىتىرگەن.

ەڭبەك جولىن 1994 -جىلى بۇرىنعى سەمەي وبلىسىنىڭ جارما اۋدانىندا چاپايەۆ اتىنداعى ورتا مەكتەپتە ءمۇعالىم بولىپ باستادى.

2002 -جىلى شقو جارما اۋدانى اكىمى اپپاراتىنىڭ ىشكى ساياسات جانە الەۋمەتتىك سالا ءبولىمىنىڭ مەڭگەرۋشىسى لاۋازىمىندا بولدى.

2011 -جىلعى ساۋىردە شىعىس قازاقستان وبلىسى ىشكى ساياسات باسقارماسىنىڭ باسشىسى بولىپ تاعايىندالدى.

2015-2017 -جىلدارى اقتوبە وبلىسى ىشكى ساياسات باسقارماسىنىڭ باسشىسى بولدى.

2017-2018 -جىلدارى اقتوبە وبلىسى اكىمىنىڭ ورىنباسارى قىزمەتىن اتقاردى.

2018 -جىلدىڭ قاراشا ايىندا ق ر پرەزيدەنتى اكىمشىلىگىنىڭ ىشكى ساياسات ءبولىمىنىڭ سەكتور مەڭگەرۋشىسى بولىپ تاعايىندالدى.

2019-2022 -جىلدارى ەڭبەك جانە حالىقتى الەۋمەتتىك قورعاۋ مينيسترلىگىنىڭ ەڭبەك، الەۋمەتتىك قورعاۋ جانە كوشى- قون كوميتەتىنىڭ ءتوراعاسى لاۋازىمىن اتقاردى.

2022-2023 -جىلدارى ەڭبەك جانە حالىقتى الەۋمەتتىك قورعاۋ مينيسترلىگىنىڭ ەڭبەكتى قورعاۋ جونىندەگى رەسپۋبليكالىق عىلىمي- زەرتتەۋ ينستيتۋتى باس ديرەكتورىنىڭ ورىنباسارى بولدى.

2023 -جىلدىڭ-شىلدە ايىنان وسى ۋاقىتقا دەيىن ش ق و اكىمى اپپاراتىنىڭ باسشىسى لاۋازىمىن اتقارعان.

كەڭەس وراقوۆ ماڭعىستاۋ اتوم ەنەرگەتيكا كومبيناتىنا باسشى بولىپ تاعايىندالدى.

كەڭەس وراقوۆ ەڭبەك جولىن 1989 -جىلى قوستاناي وبلىسىنىڭ رۋدنىي قالاسىنداعى «سوكولوۆ- سارىباي تاۋ- كەن بايىتۋ بىرلەستىگى» ا ا ق- دا ەكسكاۆاتور ماشينيسىنىڭ كومەكشىسى بولىپ باستاپ، ودان ءارى ەكونوميست، جوسپارلاۋ- ەكونوميكا ءبولىمى باستىعىنىڭ ورىنباسارى لاۋازىمىنا دەيىن كوتەرىلدى.

سونداي- اق رۋدنىي، اتىراۋ، قاراعاندى، شىمكەنت، اقتاۋ قالالارىندا ونەركاسىپتىك كاسىپورىنداردىڭ باسشىلىق لاۋازىمدارىندا بولدى.

2010 -جىلدان باستاپ «قازازوت» ا ق باس ديرەكتورى قىزمەتىن اتقاردى.

2019 -جىلى «م ا ە ك- قازاتومونەركاسىپ» ج ش س باس ديرەكتورى بولىپ تاعايىندالدى.

ەسىمى ەلگە بەلگىلى فۋتبولشى نۇربول جۇماسقاليەۆ «توبىل» كلۋبىنىڭ باس باپكەرى بولىپ تاعايىندالدى.

نۇربول جاردەم ۇلى باتىس فۋتبول مەكتەبىنىڭ تۇلەگى بولعانىمەن قوستاناي حالقىنا ەجەلدەن جات ادام ەمەس. «توبىل» ساپىنداعى العاشقى ماتچىن سوناۋ 2000 -جىلى وتكىزدى. «توبىل» جەيدەسىندە 500-دەن استام ماتچقا قاتىستى.

وسىعان دەيىن باس باپكەر بولعان سەربيالىق مامان ميليچ چۋرچيچ بيىلعى 10-ماۋسىمدا قىزمەتىنەن كەتكەن ەدى. سودان بەرى ن. جۇماسقاليەۆ باس باپكەر مىندەتىن اتقارىپ كەلدى.

سوڭعى تۋردا اقتوبەدە باستى قارسىلاستارىنىڭ ءبىرىن 4:3 ەسەبىمەن تىزە بۇكتىرگەن قوستانايلىق كلۋب 19 ۇپايمەن تۋرنير كەستەسىندە ءتورتىنشى ورىندا كەلەدى.

اۆتور

ەسىمجان ناقتىباي

سوڭعى جاڭالىقتار