ەلىمىزدە اپتا ىشىندە بولعان كادرلىق تاعايىنداۋلار

استانا. KAZINFORM - وسى اپتادا ەلىمىزدە ورتالىق تا، دەرگىلىكتى دە اتقارۋشى ورگانداردا ءبىرقاتار كادرلىق اۋىس-ءتۇيىس بولدى.

نايل احمەتزاكيروۆ جوعارعى سوت ءتوراعاسىنىڭ وكىمىمەن جاڭادان تاعايىندالعان سوت اكىمشىلىگى باسشىسىنىڭ ءبىرىنشى ورىنباسارى شاكىر شاياحمەتوۆتى تانىستىردى.

ش. شاياحمەتوۆ 1977-جىلى دۇنيەگە كەلگەن. شىمكەنت ەنەرگەتيكا جانە بيزنەس كوللەدجىن «ەلەكتروندىق ەسەپتەۋىش ماشينالار مەن اۆتوماتتاندىرىلعان جۇيەلەردى باعدارلامالاۋ» ماماندىعى بويىنشا جانە قر ىشكى ىستەر مينيسترلىگىنىڭ اكادەمياسىن «قۇقىق تانۋ» ماماندىعى بويىنشا بىتىرگەن. «بولاشاق» باعدارلاماسى بويىنشا كەمبريدج ۋنيۆەرسيتەتىندە عىلىمي تاعىلىمدامادان وتكەن. زاڭ عىلىمدارىنىڭ كانديداتى، دوتسەنت.

ادىلەت مينيسترلىگى قىلمىستىق- اتقارۋ جۇيەسى كوميتەتىنىڭ اكادەمياسىندا، س. ەسقارايەۆ اتىنداعى باس پروكۋراتۋرانىڭ پروكۋراتۋرا كادرلارىنىڭ بىلىكتىلىگىن ارتتىرۋ ينستيتۋتىندا، باس پروكۋراتۋرا جانىنداعى قۇقىق قورعاۋ ورگاندارى اكادەمياسىندا ءتۇرلى باسشىلىق قىزمەتتەردى اتقارعان. 2023-جىلدان –س ءا حالىقارالىق بايلانىستار ءبولىمىنىڭ باستىعى.

روللان سەرىكوۆ تۋريزم جانە سپورت مينيسترلىگى اپپاراتىنىڭ باسشىسى بولىپ تاعايىندالدى.

1979-جىلى سەمەي وبلىسىندا دۇنيەگە كەلگەن. شاكارىم اتىنداعى سەمەي مەملەكەتتىك ۋنيۆەرسيتەتىن، ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن («NARXOZ» ۋنيۆەرسيتەتى) بىتىرگەن. PhD دوكتورى.

ەڭبەك جولىن 2000-جىلى شاكارىم اتىنداعى سەمەي مەملەكەتتىك ۋنيۆەرسيتەتىندە وقىتۋشى-تاعىلىمداماشى بولىپ باستاعان. 2000-2016-جىلدارى - جوعارى ءبىلىم بەرۋ سالاسىندا وقىتۋشى رەتىندە جانە ءتۇرلى باسشىلىق لاۋازىمداردا جۇمىس ىستەدى، ستراتەگيالىق جانە بيۋدجەتتىك جوسپارلاۋ ماسەلەلەرىنە جەتەكشىلىك ەتتى.

2017-2020-جىلدارى – ب ع م ۇلتتىق تەستىلەۋ ورتالىعىنىڭ تەستىلەۋدى ۇيىمداستىرۋ جانە وتكىزۋ باسقارماسىنىڭ باسشىسى. 2021-2023-جىلدارى استانا قالاسىنىڭ دەنە شىنىقتىرۋ جانە بۇقارالىق سپورت اكادەمياسىندا، Qazaq Kuresi قاۋىمداستىعىندا باسشىلىق قىزمەتتەر اتقاردى. 2023-جىلدان باستاپ قازىرگى ۋاقىتقا دەيىن تۋريزم جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتى ءتوراعاسىنىڭ ورىنباسارى قىزمەتىن اتقاردى.

قازاقستان رەسپۋبليكاسى ۇكىمەتىنىڭ قاۋلىسىمەن دميتريي مۋن اندرەيەۆيچ قازاقستان رەسپۋبليكاسىنىڭ سيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى بولىپ تاعايىندالدى.

دميتري مۋن اندرەيەۆيچ 1991-جىلى 2-ساۋىردە دۇنيەگە كەلگەن. 2014-جىلى م. ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن «قولدانبالى ماتەماتيكا جانە ينفورماتيكا» ماماندىعى بويىنشا بىتىرگەن.

2014-جىلعى تامىز - 2017-جىلعى قىركۇيەك ارالىعى - «ەكونوميكالىق زەرتتەۋلەر ينستيتۋتى» ا ق- دا، «قازپوشتا» ا ق- دا جۇمىس ىستەدى؛ 2017-جىلعى قىركۇيەك - 2018-جىلعى قاراشا ارالىعى – ق ر پروكۋراتۋراسىنىڭ لەيتەنانتى، قازاقستان رەسپۋبليكاسى باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى اناليتيكالىق ءبولىمىنىڭ باستىعى؛ 2019-جىلعى قازان - 2023-جىلعى تامىز ارالىعى - «ۇلتتىق اقپاراتتىق تەحنولوگيالار» ا ق- دا ينجەنەر-باعدارلاماشى، جوبا جەتەكشىسى، Big Data جونىندەگى باسقارۋشى ديرەكتور. 2023-جىلعى تامىز ايىنان باستاپ وسى ۋاقىتقا دەيىن «ۇلتتىق اقپاراتتىق تەحنولوگيالار» ا ق باسقارما ءتوراعاسىنىڭ ورىنباسارى قىزمەتىن اتقاردى.

رامانحان تورەگەلدييەۆ قر قارجى مينيسترلىگىنىڭ ىشكى مەملەكەتتىك اۋديت كوميتەتى ءتوراعاسىنىڭ ورىنباسارى لاۋازىمىنا تاعايىندالدى.

رامانحان تورەگەلديەۆ 1984-جىلى وڭتۇستىك قازاقستان وبلىسىنىڭ دۇنيەگە كەلگەن. مۇحتار اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىن، شىمكەنت الەۋمەتتىك- پەداگوگيكالىق ۋنيۆەرسيتەتىن جانە قارجى اكادەمياسىن بىتىرگەن.

مەملەكەتتىك قىزمەتتەگى جالپى ەڭبەك ءوتىلى 14 جىلدان اسادى. ول مەملەكەتتىك اۋديت جانە قارجىلىق باقىلاۋ سالاسىنداعى مانسابىن 2009-جىلى قازاقستان رەسپۋبليكاسى قارجى مينيسترلىگى قارجىلىق باقىلاۋ كوميتەتىنىڭ ىشكى اكىمشىلەندىرۋ جانە پەرسونالمەن جۇمىس باسقارماسىنىڭ ساراپشىسى لاۋازىمىنان باستادى. 2017-2020-جىلدار ارالىعىندا ىشكى مەملەكەتتىك اۋديت كوميتەتىندە باسقارما باسشىسى بولىپ جۇمىس ىستەدى، سونداي- اق الماتى وبلىسى بويىنشا ىشكى مەملەكەتتىك اۋديت دەپارتامەنتى باسشىسىنىڭ ورىنباسارى قىزمەتىن اتقاردى. 2020-جىلدان 2023-جىلعا دەيىن باتىس قازاقستان وبلىسى بويىنشا ىشكى مەملەكەتتىك اۋديت دەپارتامەنتىنىڭ باسشىسى بولدى. 2023-جىلدان باستاپ قازاقستان رەسپۋبليكاسى قارجى مينيسترلىگىنىڭ ىشكى مەملەكەتتىك اۋديت جونىندەگى اپەللياتسيا دەپارتامەنتىنىڭ ديرەكتورى قىزمەتىن اتقارىپ كەلدى.

الماتى اكىمى ەربولات دوسايەۆتىڭ وكىمىمەن قالانىڭ قوعامدىق دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى بولىپ ءاسيا ايقان قىزى اقانوۆا تاعايىندالدى.

ءاسيا اقانوۆا دارىگەرلەر وتباسىندا تۋىپ- وسكەن. «بولاشاق» باعدارلاماسىنىڭ تۇلەگى بولا وتىرىپ، University College London (2013 جانە اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىن (2015)، «جالپى مەديتسينا» ماماندىعى بويىنشا دوكتورانتۋرانى (2016) بىتىرگەن. سونداي-اق، قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىندا جەرگىلىكتى جانە مەملەكەتتىك باسقارۋ ماماندىعى بويىنشا وقۋىن اياقتادى (2024). ىسكەرلىك اكىمشىلەندىرۋ ماگيسترى دارەجەسىنە يە.

ول ەڭبەك جولىن 2011-جىلى قاز ۇ م ۋ وتباسىلىق مەديتسينا كافەدراسىنىڭ زەرتحاناشىسى جانە ادىسكەرى، دوتسەنتى، كەيىن كافەدرا مەڭگەرۋشىسى بولىپ باستاعان. 2018-2020-جىلدار ارالىعىندا الماتىدا بەلسەندى ۇزاق ءومىر ءسۇرۋ ورتالىعىنىڭ اشۋمەن جانە وعان باسشىلىق جاساۋمەن اينالىستى. 2022-جىلدان باستاپ قازىرگى ۋاقىتقا دەيىن ول VIII سايلانعان الماتى قالاسى ءماسليحاتىنىڭ دەپۋتاتى.

ۇلىتاۋ وبلىسىندا قوعامدىق دامۋ باسقارماسى جانە قارجى باسقارماسىنىڭ باسشىلارى اۋىستى. اتاپ ايتقاندا، باقىتجان جايلاۋبايەۆ ۇلىتاۋ وبلىسى قوعامدىق دامۋ باسقارماسىنىڭ باسشىسى بولىپ تاعايىندالدى.

باقىتجان ءومىرتاي ۇلى 1984-جىلى 21-قاڭتاردا تۋعان. ءو. بايقوڭىروۆ اتىنداعى جەزقازعان ۋنيۆەرسيتەتىن «زاڭگەر» ماماندىعى بويىنشا بىتىرگەن. ءار جىلدارى ساتبايەۆ قالاسى مادەني-ساۋىق ورتالىعىنىڭ ديرەكتورى، ساتبايەۆ قالاسى ىشكى ساياسات ءبولىمىنىڭ باسشىسى؛ اقپارات جانە قوعامدىق دامۋ مينيسترلىگى ازاماتتىق قوعام ىستەرى كوميتەتى تالداۋ جانە جوسپارلاۋ باسقارماسىنىڭ باسشىسى؛ ەنەرگەتيكا مينيسترلىگى سيفرلاندىرۋ جانە اقپاراتتاندىرۋ باسقارماسىنىڭ باسشىسى بولىپ قىزمەت ەتكەن. ۇلىتاۋ وبلىسى قۇرىلعاننان باستاپ، وسى ۋاقىتقا دەيىن جەزقازعان قالاسى اكىمىنىڭ الەۋمەتتىك ماسەلەلەر بويىنشا ورىنباسارى بولعان.

سونىمەن قاتار، جەڭىس قيانبەكوۆ ۇلىتاۋ وبلىسى قارجى باسقارماسىنىڭ باسشىسى بولىپ تاعايىندالدى.

جەڭىس ءشادى ۇلى 1986-جىلى 9-مامىردا تۋعان. ماماندىعى بويىنشا قارجىگەر جانە زاڭگەر. قازاق ۇلتتىق اگرارلىق ۋنيۆەرسيتەتىن جانە بوكەتوۆ اتىنداعى قاراعاندى مەملەكەتتىك ۋنيۆەرسيتەتىن بىتىرگەن. ەڭبەك جولىن الماتى وبلىسىنىڭ قارجى باسقارماسىندا جەتەكشى مامان بولىپ باستاعان. ءار ءتۇرلى جىلدارى الماتى وبلىسى قارجى باسقارماسى بيۋجەت اتقارىلۋىن مونيتورينگىلەۋ ءبولىمىنىڭ باسشىسى؛ استانا قالاسى بويىنشا قازىناشىلىق دەپارتامەنتىنىڭ شوتتار جانە تۇسىمدەر ءبولىمىنىڭ باسشىسى؛ قاراعاندى وبلىسى ۇلىتاۋ اۋدانى جانە جەزقازعان قالاسى قازىناشىلىق باسقارماسىنىڭ باسشىسى بولعان. كەيىنگى جىلدارى ق ر باس پروكۋراتۋراسى ىشكى اۋديت باسقارماسىنىڭ جانە ۇلىتاۋ وبلىسى بويىنشا قازىناشىلىق دەپارتامەنتىنىڭ باسشىسى بولىپ قىزمەت ەتتى.

ماڭعىستاۋ وبلىسىنىڭ اكىمى نۇرداۋلەت قيلىبايدىڭ وكىمىمەن ەرسىن يبراشيەۆ ماڭعىستاۋ وبلىسى تۋريزم باسقارماسىنىڭ باسشىسى بولىپ تاعايىندالدى.

ەرسىن يبراشيەۆ 1989-جىلى تۋعان. ءبىلىمى جوعارى. 2013-جىلى قىتاي مۇناي ۋنيۆەرسيتەتىن مۇناي-گاز ءىسى ماماندىعى، 2019-جىلى م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىن حالىقارالىق قاتىناستار ماماندىعى بويىنشا بىتىرگەن. ەڭبەك جولىن 2014-جىلى ينجەنەر- تەحنولوگ بولىپ باستاعان. 2015-2016-جىلدارى جەكە كومپانيالاردا باسشىلىق لاۋازىمىن اتقاردى. 2017-جىلى «مۇناي جانە گاز اقپاراتتىق-تالداۋ ورتالىعى» ا ق تالداۋ جانە جوبالاردى باسقارۋ دەپارتامەنتىنىڭ مەنەدجەرى بولدى.

2018-جىلى ق ر ۇلتتىق ەكونوميكا مينيسترلىگى سالىق جانە كەدەن ساياساتى دەپارتامەنتى جەر قويناۋىن پايدالانۋ كەلىسىمشارتتارىن ساراپتاۋ باسقارماسىنىڭ باس ساراپشىسى بولدى. 2019-جىلى ق ر ۇلتتىق ەكونوميكا مينيسترلىگى جوبالاۋدى باسقارۋ دەپارتامەنتى جوبالاۋدى باسقارۋ جونىندە مەملەكەتتىك ورگانداردى ۇيلەستىرۋ باسقارماسىنىڭ باس ساراپشىسى لاۋازىمىن اتقاردى. 2020-جىلى ق ر ۇلتتىق ەكونوميكا مينيسترلىگى جوبالاۋدى باسقارۋ دەپارتامەنتى جوبالاۋدى باسقارۋ جونىندە مەملەكەتتىك ورگانداردى ۇيلەستىرۋ باسقارماسىنىڭ باسشىسى قىزمەتىنە تاعايىندالدى.

2021-جىلى ق ر ۇلتتىق ەكونوميكا مينيسترلىگى جوبالىق باسقارۋ ساياساتى دەپارتامەنتى مەملەكەتتىك ورگانداردى جوبالىق باسقارۋ بويىنشا ۇيلەستىرۋ جانە قولداپ وتىرۋ باسقارماسىنىڭ باسشىسى بولدى. 2023-جىلدان وسى ۋاقىتقا دەيىن قازاقستان رەسپۋبليكاسى ۇلتتىق ەكونوميكا مينيسترلىگى ىشكى اكىمشىلەندىرۋ دەپارتامەنتى ديرەكتورىنىڭ ورىنباسارى قىزمەتىن اتقاردى.

استانادا سارايشىق جانە الماتى اۋدانداندارىنىڭ اكىمدەرى تاعايىندالدى. اتاپ ايتقاندا، پرەزيدەنت اكىمشىلىگىنىڭ جانە قالالىق ءماسليحات دەپۋتاتتارىنىڭ كەلىسىمىمەن 39 جاستاعى ماقسات سامات ۇلى سارايشىق اۋدانىنىڭ اكىمى قىزمەتىنە كەلدى. تاعايىندالعانعا دەيىن الماتى اۋدانىنىڭ اكىمى قىزمەتىن اتقارعان ەدى.

مارات سامات ۇلى ەڭبەك جولىن 2007-جىلى الماتى قالاسى تابيعي رەسۋرستار جانە تابيعات پايدالانۋدى رەتتەۋ دەپارتامەنتىنىڭ مامانى قىزمەتىنەن باستاعان. ءار جىلدارى «استانا قالالىق كوممۋنالدىق شارۋاشىلىق»، استانا قالاسىنىڭ ەنەرگەتيكا جانە كوممۋنالدىق شارۋاشىلىق دەپارتامەنتىندە جانە ت. ب. جۇمىس ىستەدى.

2012-جىلدان باستاپ 2019-جىلدىڭ مامىرىنا دەيىن الماتى اۋدانى اكىمىنىڭ اپپاراتىندا ءتۇرلى لاۋازىمداردا بولدى. 2019-جىلدىڭ مامىرىنان 2022-جىلدىڭ تامىزىنا دەيىن الماتى اۋدانى اكىمىنىڭ ورىنباسارى، بايقوڭىر اۋدانى اكىمىنىڭ ورىنباسارى قىزمەتتەرىن اتقاردى. 2022-جىلدىڭ تامىز ايىنان باستاپ الماتى اۋدانىنىڭ اكىمى لاۋازىمىندا بولدى.

ال ونىڭ ورنىنا 39 جاستاعى رۋستام تاۋەكەلوۆ كەلدى.

ول ەڭبەك جولىن ق ر ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىندە باستاعان. ءار جىلدارى «بالكانتاۋ KZ» ج ش س باسشىسى، «ەلوردا قۇرىلىس كومپانياسى» ج ش س ديرەكتورىنىڭ ورىنباسارى، «City Transportation Systems» ج ش س باسقارما ءتوراعاسىنىڭ ورىنباسارى بولىپ جۇمىس ىستەگەن. 2022-جىلدىڭ قازان ايىنان باستاپ «ەلوردا قۇرىلىس كومپانياسى» ج ش س باسشىسى قىزمەتىن اتقاردى.

الماتى وبلىسى پوليتسيا دەپارتامەنتىندە كادرلىق اۋىس-ءتۇيىس بولدى. پوليتسيا قىزمەتى باسقارماسىنىڭ باستىعى لاۋازىمىنا ابدۋنۋر تاسىبايەۆ جانە ۇيىمداسقان قىلمىسقا قارسى كۇرەس باسقارماسىنىڭ باستىعىنا بايجان ساتىلعانوۆ تاعايىندالدى.

ابدۋنۋر تاسىبايەۆ 1975-جىلى تۇلكىباس اۋدانىندا دۇنيەگە كەلگەن. ق ر ءى ءى م اكادەمياسىنىڭ زاڭ ينستيتۋتىن ءتامامداپ، ىشكى ىستەر ورگاندارىندا 1993-جىلى قىزمەت جولىن باستاعان. بۇعان دەيىن الماتى قالاسىنىڭ پوليتسيا دەپارتامەنتىندە ءارتۇرلى باسشىلىق لاۋازىمداردا جۇمىس ىستەدى. وسى ۋاقىتقا دەيىن الماتى قالاسى پ د مەدەۋ ا پ ب- نا قاراستى پوليتسيا ءبولىمىن باسقاردى.

ال پوليتسيا مايورى بايجان ساتىلعانوۆ 1989-جىلى 18-مامىردا قورداي اۋدانى ميحايلوۆكا اۋىلىندا دۇنيەگە كەلگەن. ىشكى ىستەر ورگاندارىندا 2012-جىلدىڭ قاڭتارىنان باستاپ قىزمەت ەتەدى. ەڭبەك جولىن ۋچاسكەلىك پوليتسيا ينسپەكتورىنىڭ كومەكشىسى قىزمەتىنەن باستاعان. بۇعان دەيىن كولىكتەگى پوليتسيا دەپارتامەنتىنىڭ، سونداي-اق جامبىل وبلىسى ت. رىسقۇلوۆ اتىنداعى اۋداندىق پوليتسيا ءبولىمىنىڭ باستىعى لاۋزىمىندا قىزمەت اتقارعان.

تالعار قالاسى اكىمىنىڭ ورىنباسارى لاۋازىمىنا باۋىرجان بايباتىروۆ تاعايىندالدى.

باۋىرجان بايباتىروۆ 1987-جىلى 29-قازان كۇنى دۇنيەگە كەلگەن. ءبىلىمى — جوعارى. ورتالىق ازيا ۋنيۆەرسيتەتىن قۇقىقتانۋ ماماندىعى بويىنشا بىتىرگەن. جالپى مەملەكەتتىك قىزمەتتەگى ەڭبەك ءوتىلى - 8 -جىل. ەڭبەك جولىن 2014-جىلى بولەك اۋىلدىق وكرۋگىنىڭ اكىمدىگىندە جەتەكشى مامان بولىپ باستاعان. 2018-2020 -جىلدارى ەڭبەكشىقازاق اۋدانى بويىنشا كىرىستەر باسقارماسىنىڭ باس مامانى بولدى. 2023-جىلدان بەرى تالعار اۋدانى اكىمىنىڭ اپپاراتى مەملەكەتتىك-قۇقىقتىق ءبولىمىنىڭ باس مامانى قىزمەتىن اتقاردى.

وڭىرلىك كادر رەزەرۆىنىڭ مۇشەسى داۋت داۋلەت ورال ۇلى اقمولا وبلىسى سەلينوگراد اۋدانىنىڭ اكىمى اپپاراتىنىڭ باسشىسى لاۋازىمىنا تاعايىندالدى.

داۋلەت داۋت 1996-جىلعى 11-قازاندا كوكشەتاۋ قالاسىندا تۋعان. 2018-جىلى ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىن «كولىك، كولىك تەحنيكاسى جانە تەحنولوگيالارى» ماماندىعى بويىنشا ءبىتىردى. ەڭبەك جولىن 2019-جىلى قازاقستان رەسپۋبليكاسىنىڭ ۇلتتىق ەكونوميكا مينيسترلىگىندە ساراپشى لاۋازىمىنان باستاعان. 2021-2023-جىلدارى ارالىعىندا مينيسترلىكتىڭ ەكونوميكا سالالارىن دامىتۋ دەپارتامەنتى سالالاردى ينستيتۋتسيونالدىق دامىتۋ باسقارماسىنىڭ باس ساراپشىسى لاۋازىمىندا قىزمەت ەتتى. 2023-جىلدان باستاپ بۇگىنگى كۇنگە دەيىن قازاقستان رەسپۋبليكاسى ۇلتتىق ەكونوميكا مينيسترلىگى ەكونوميكا سالالارىن دامىتۋ دەپارتامەنتى سالالاردى ينستيتۋتسيونالدىق دامىتۋ باسقارماسىنىڭ باسشىسى لاۋازىمىندا قىزمەت اتقارىپ كەلدى.

نىعمان ءجۇسىپوۆ ەرتىس اۋدانىنىڭ اكىمى بولىپ تاعايىندالدى.

نىعمان ءمۇتالاپ ۇلى 1978-جىلى 12-قاراشادا ەرتىس اۋدانىنىڭ سيەۆەرنوە اۋىلىندا دۇنيەگە كەلگەن. ەكى جوعارى ءبىلىمى بار. ەڭبەك جولىن تۋعان اۋدانىندا تاريح ءپانىنىڭ مۇعالىمى بولىپ باستاعان. مەملەكەتتىك قىزمەت ءوتىلى 10 جىلدان اسادى. 2020-جىلدان باستاپ ەرتىس اۋدانى اكىمىنىڭ ورىنباسارى قىزمەتىن اتقاردى.

پرەزيدەنت اكىمشىلىگىنىڭ جانە اقسۋ قالالىق ءماسليحاتىنىڭ كەلىسىمىمەن اقسۋ قالاسىنىڭ اكىمى لاۋازىمىنا بولاتبەك ءشارىپوۆ تاعايىندالدى.

بولاتبەك ءشارىپوۆ 1973-جىلى ەرتىس اۋدانىنىڭ زارەچنوە اۋىلىندا دۇنيەگە كەلگەن. ءبىلىمى جوعارى. ەڭبەك جولىن 1992-جىلى باستاعان. مەملەكەتتىك قىزمەتتە 2008-جىلدان باستاپ جۇمىس ىستەيدى. ەرتىس اۋدانىندا ول باسقارما باسشىسىنان اۋدان اكىمىنە دەيىنگى ەڭبەك جولىنان ءوتتى. «ەرەن ەڭبەگى ءۇشىن» مەدالىمەن ماراپاتتالعان.

پرەزيدەنت اكىمشىلىگىنىڭ جانە ىلە اۋدانى ءماسليحاتى دەپۋتاتتارىنىڭ كەلىسىمى بويىنشا، الماتى وبلىسى اكىمىنىڭ وكىمىمەن قايىرجان سەرىكباي ۇلى جاقسىمبەتوۆ ىلە اۋدانىنىڭ اكىمى بولىپ تاعايىندالدى.

قايىرجان سەرىكباي ۇلى 1975-جىلى جامبىل وبلىسى، مويىنقۇم اۋدانىندا دۇنيەگە كەلگەن. 1997-جىلى قازاق مەملەكەتتىك ساۋلەت-قۇرىلىس اكادەمياسىن «ونەركاسىپتىك جانە ازاماتتىق قۇرىلىس» ماماندىعى بويىنشا، ال 2004-جىلى قازاق ۇلتتىق اگرارلىق ۋنيۆەرسيتەتىن «زاڭگەر» ماماندىعى بويىنشا ءتامامداعان.

ەڭبەك جولىن جامبىل وبلىسىندا «جامبىلاگروپرومستروي» ا ق قۇرىلىس ۋچاسكەسىنىڭ بريگاديرى قىزمەتىنەن باستاعان. ءار جىلدارى تاراز قالاسىنداعى «سارىارقا» اۋىل شارۋاشىلىعى كاسىپورنىنىڭ ۆيتسە-پرەزيدەنتى، الماتى قالاسىنىڭ مەملەكەتتىك ساۋلەت-قۇرىلىس باقىلاۋ باسقارماسىندا عيماراتتاردى رەكونسترۋكتسيالاۋدى جانە قايتا جوسپارلاۋدى باقىلاۋ بولىمدەرىنىڭ باس مامانى مەن باسشىسى، الماتى قالاسى بويىنشا مەملەكەتتىك ساۋلەت-قۇرىلىس باقىلاۋ جانە ليتسەنزيالاۋ دەپارتامەنتى ديرەكتورىنىڭ ورىنباسارى مەن دەپارتامەنت باسشىسى، الماتى قالاسى الاتاۋ اۋدانى اكىمىنىڭ ورىنباسارى، بالقاش- الاكول باسسەيندىك ينسپەكتسياسى باسشىسىنىڭ ورىنباسارى، الماتى وبلىسى مەملەكەتتىك ساۋلەت-قۇرىلىس باقىلاۋ باسقارماسىنىڭ باسشىسى قىزمەتتەرىن اتقاردى.

اۆتور مارلان جيەمباي