ەلىمىزدە اقىلى جولداردىڭ تاريفى وزگەردى

3- قازاننان باستاپ ەلىمىزدە جول اقىسىنىڭ تاريفى وزگەرەدى. يندۋستريا جانە ينفراقۇرىلىمدىق دامۋ مينيسترلىگىنىڭ بۇيرىعىنا سايكەس، وسى كۇننەن باستاپ كولىك جۇرگىزۋشىلەرى جول اقىسىن جاڭا تاريفپەن تولەيدى.

ونىڭ باعاسى ايلىق ەسەپتىك كورسەتكىشكە بايلانىستى ەسەپتەلەدى.

Qazaqstan تەلەارناسىنىڭ حابارلاۋىنشا، جالپى العاندا 11 اقىلى جولدىڭ تاريفى قىمباتتاعان.

«استانا - شۋچينسك»، «استانا - تەمىرتاۋ»، «تاراز - قاينار» جانە «قونايەۆ - تالدىقورعان» تاس جولدارىندا جەڭىل كولىكتەر ءۇشىن 200-300 تەڭگە ارالىعىندا بولادى.

«الماتى - قورعاس» باعىتىنداعى جولعا 359 تەڭگە تولەنەدى.

«استانا - پاۆلودار» باعىتىنا 456 تەڭگە جانە «شىمكەنت - قىزىلوردا» تاس جولىنا 527 تەڭگە دەپ بەكىتىلدى.

ال «شۋچە - كوكشەتاۋ»، «الماتى - قونايەۆ»، «شىمكەنت - تاراز» جانە شىمكەنتتەن وزبەكستان شەكاراسىنا قاتىنايتىن جول اقىسى ارزانداۋ - 72 تەڭگەدەن 120 تەڭگەگە دەيىن.