ەلىمىزدە العاشقى اباي ۇلتتىق مەكتەبىنىڭ قۇرىلىسى باستالدى

استانا. KAZINFORM - مەملەكەت باسشىسىنىڭ تاپسىرماسىمەن الماتىدا «ABAI ULTTYG MEKTEBI» العاشقى ۇلتتىق مەكتەبىنىڭ قۇرىلىسى باستالدى، دەپ حابارلايدى ق ر وقۋ- اعارتۋ مينيسترلىگىنىڭ باسپا ءسوز قىزمەتى.

мектеп
Коллаж: Kazinform

جاڭا ءبىلىم وشاعى اباي فيلوسوفياسىنا، ونىڭ ىشىندە «بەس اسىل» ءىس يدەياسىنا نەگىزدەلەدى. وقۋ پروتسەسى قازاق ءتىلى مەن ادەبيەتىن تەرەڭدەتىپ وقۋعا باعىتتالعان. ول ءۇشىن الماتىداعى اباي اتىنداعى مەكتەپ- ينتەرناتىنىڭ الەۋەتى تولىق كولەمدە قولدانىلادى.

- رەسپۋبليكالىق دارىندى بالالارعا ارنالعان اباي̆ اتىنداعى ارنايى مەكتەپ-ينتەرناتىن مودەرنيزاتسيالاۋ وتاندىق ءبىلىم سالاسىنىڭ دامۋىنا جاڭا سەرپىن بەرىپ، وسكەلەڭ ۇرپاق اراسىندا رۋحاني- ادامگەرشىلىك قۇندىلىقتاردى نىعايتۋعا ۇلەس قوسادى. «ABAI ULTTYG MEKTEBI» زاماناۋي ءبىلىم كەڭىستىگىندە باسەكەگە قابىلەتتى جاستار ءۇشىن وقۋ- اعارتۋ ورتالىعىنا اينالۋى قاجەت. ول مەملەكەت باسشىسىنىڭ «ادال ازامات» تۇجىرىمداماسى مەن اباي̆دىڭ «تولىق ادام» ىلىمىنە سايكەس پاتريوتتاردىڭ جاڭا بۋىنىن قالىپتاستىرۋعا، مەملەكەتتىك باسقارۋدىڭ قازاقستاندىق ەليتاسىن تاربيەلەۋگە باعىتتالعان. قازىرگى ۋاقىتتا ءبىرتۇتاس «ABAY- Programme» باعدارلاماسى ازىرلەنىپ جاتىر. وندا قازاق ءتىلىن جانە بىرنەشە شەت ءتىلىن تەرەڭدەتىپ وقۋعا باسىمدىق بەرىلگەن، - دەدى ق ر وقۋ- اعارتۋ مينيسترلىگى ورتا ءبىلىم كوميتەتىنىڭ ءتوراعاسى قانىبەك جۇماشيەۆ.

اي̆تا كەتەي̆ىك، جاڭا ءبىلىم وشاعىنىڭ قۇرىلىسى بىلتىر قاراشا ايىندا باستالعان ەدى. جاڭا عيمارات نىسانى 900 وقۋشىعا ارنالعان.

ونىڭ ينفراقۇرىلىمىندا مەكتەپ-پانسيون، مۇعالىمدەر ءۇي̆ى، كىتاپحانا، سپورت كەشەنى، جىلىجاي̆ اۋماقتارى جانە تاعى باسقا قۇرىلىس نىساندارى قاراستىرىلعان.

ءبىلىم ۇي̆ىمىن 2026 - جىلى قولدانىسقا بەرۋ جوسپارلانعان.

ايتا كەتەيىك، قازاقستان پەداگوگيكا عىلىمدارى اكادەمياسىنىڭ اكادەميگى، قازاقستان ەڭبەك ەرى اياگۇل ميرازوۆا ۇلتتىق مەكتەپ جايلى ايتاتىن كەز كەلگەنىن ءمالىم ەتتى.

سوڭعى جاڭالىقتار