ەلىمىزدە ا ە س سالاتىن ۆەندور ءبىرىنشى جارتىجىلدىقتىڭ سوڭىندا انىقتالادى
استانا. KAZINFORM - قازاقستاندا اتوم ەلەكتر ستانساسىن سالاتىن شەتەل وكىلدەرى ەلىمىزدە بولدى. بۇل تۋرالى ەنەرگەتيكا ۆيتسە- ءمينيسترى سۇڭعات ەسىمحانوۆ ءمالىم ەتتى.

- ءمينيستردىڭ باسشىلىعىمەن بارلىق الەۋەتتى ەلدەر بىزگە كەلدى، ءتيىستى جۇمىستاردى جۇرگىزىپ جاتىرمىز، سونىمەن قاتار ۆەندورلارعا قويىلاتىن تالاپتار ءتىزىمى انىقتالدى. ولار قازىر كەرى بايلانىس ورناتىپ جاتىر، - دەدى سۇڭعات ەسىمحانوۆ ۇكىمەت ۇيىندە وتكەن باسپا ءسوز ءماسليحاتىندا.
ۆيتسە- ءمينيستردىڭ ايتۋىنشا، اتوم ەلەكتر ستانساسىن سالۋ بويىنشا قورىتىندى ءبىرىنشى جارتىجىلدىقتىڭ سوڭىندا شىعادى.
- الدىن-الا ناتيجەلەر جاريالانادى. ءبىرىنشى جارتىجىلدىقتىڭ سوڭىندا الەۋەتتى ۆەندور انىقتالادى، - دەيدى ول.
ەسكە سالا كەتەيىك، بىلتىر جىل سوڭىندا ەنەرگەتيكا ءمينيسترى الماسادام ساتقاليەۆ ەلدە ا ە س- ءتى كىم سالاتىنى 2025 - جىلدىڭ ءبىرىنشى جارتىسىندا بەلگىلى بولاتىنىن ايتقان ەدى.
سونداي- اق ەنەرگەتيكا مينيسترلىگى قازىر اەس قۇرىلىسىنداعى كونسورتسيۋم اياسىندا 4 ەلمەن كەلىسسوز ءجۇرىپ جاتقانىن مالىمدەدى.