ەلىمىزدە 5 عىلىمي-وندىرىستىك ورتالىق قۇرىلادى

Елімізде 5 ғылыми-өндірістік орталық құрылады
Фото: Pixabay

استانا. KAZINFORM - ينجەنەرلىك ءبىلىم مەن عىلىمداعى جاڭا تەحنولوگيالاردىڭ عىلىمي-زەرتتەۋ حابى قۇرىلادى. بۇل تۋرالى عىلىم جانە جوعارى ءبىلىم مينيسترلىگىنەن ءمالىم ەتتى.

«2029-جىلعا دەيىنگى جوعارى ءبىلىم مەن عىلىمدى دامىتۋ تۇجىرىمداماسىندا «ۋنيۆەرسيتەت عىلىمى» ءبولىمى كوزدەلگەن. وندا نەگىزگى نازار ءۇش نەگىزگى باعىتقا شوعىرلاندىرىلادى: عىلىمي-تەحنولوگيالىق جانە ينجينيرينگتىك پاركتەر قۇرۋ؛ ۋنيۆەرسيتەتتەر مەن عىلىمي ۇيىمداردى ينتەگراتسيالاۋ؛ ەنداۋمەنت-قورلاردى قالىپتاستىرۋ. ءبىرىنشى باعىت اياسىندا عىلىمي-زەرتتەۋ جانە تاجىريبەلىك-كونسترۋكتورلىق جۇمىستارls ىسكە اسىراتىن عىلىمي ۇيىمداردى، ج و و، كاسىپورىنداردى ترانسفورماتسيالاۋ جولىمەن بەس عىلىمي-وندىرىستىك ورتالىق قۇرىلادى. ق. ساتبايەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتىنىڭ دامۋ باعدارلاماسى اياسىندا ينجەنەرلىك ءبىلىم مەن عىلىمداعى جاڭا تەحنولوگيالاردىڭ عىلىمي-زەرتتەۋ حابى قۇرىلاتىن بولادى. مەملەكەت باسشىسىنىڭ ق ر ۇلتتىق عىلىم اكادەمياسىنىڭ مەرەيتويلىق سەسسياسىندا بەرگەن تاپسىرماسى اياسىندا عىلىمي زەرتحانالار مەن تاجىريبەلىك-سىناق ينفراقۇرىلىمىن دامىتۋعا ماقساتتى گرانتتار بولە وتىرىپ، ۋنيۆەرسيتەتتەر جانىنداعى عىلىمي-تەحنولوگيالىق پاركتەردى قولداۋ باعدارلاماسى ازىرلەنىپ، ىسكە اسىرىلادى. باعدارلامالىق- نىسانالى قارجىلاندىرۋ اياسىندا كونسترۋكتورلىق بيۋرولاردىڭ، ينجينيرينگتىك ورتالىقتاردىڭ، بيزنەس-ينكۋباتورلاردىڭ، يننوۆاتسيالىق ورتالىقتاردىڭ، تەحنولوگيالاردى كوممەرتسيالاندىرۋ مەن ترانسفەرتتەۋدىڭ وڭىرلىك ورتالىقتارىنىڭ، جوبالىق كونسترۋكتورلىق بيۋرولاردىڭ جانە ينفراقۇرىلىمنىڭ باسقا دا ەلەمەنتتەرىنىڭ جۇمىس ىستەۋى ءۇشىن ۋنيۆەرسيتەتتەر جانىنداعى عىلىمي-تەحنولوگيالىق پاركتەر مەن ينجينيرينگتىك ورتالىقتارعا قولداۋ كورسەتۋ ماسەلەلەرى پىسىقتالۋدا»، - دەپ اتاپ ءوتتى مينيسترلىكتەن اگەنتتىكتىڭ رەسمي ساۋالىنا وراي.

ۆەدومستۆو مالىمەتىنشە، ەكىنشى باعىت بويىنشا ع ز ي مەن ۋنيۆەرسيتەتتەردىڭ جەتەكشى الەمدىك عىلىمي ورتالىقتارمەن ارىپتەستىگىن نىعايتۋ ارقىلى وتاندىق عىلىمدى حالىقارالىق عىلىمي كەڭىستىككە ينتەگراتسيالاۋ كۇشەيتىلەدى. جەتەكشى عىلىمي-زەرتتەۋ ينستيتۋتتارى مەن ورتالىقتارىندا دوكتورانتتار مەن ماگيسترانتتاردىڭ تاعىلىمدامادان ءوتۋ تاجىريبەسى دە كەڭەيۋدە. ديسسەرتاتسيالىق كەڭەستەرگە عزي عالىمدارى قاتىسادى.

«ءۇشىنشى باعىتتى ىسكە اسىرۋ ەلىمىزدە ۋنيۆەرسيتەتتەر جانىنداعى ەنداۋمەنت-قورلار مادەنيەتىن قالىپتاستىرۋعا باعىتتالعان. ول ءۇشىن ەنداۋمەنت-قورلاردى رەتتەۋ جونىندەگى زاڭ جوباسىنىڭ تۇجىرىمداماسى ازىرلەندى. ەنداۋمەنت-قورلارعا جانە ولاردى باسقارۋعا قايىرىمدىلىق جاساۋ ءۇشىن سالىقتىق ىنتالاندىرۋدى ەنگىزۋ بويىنشا ۇسىنىستار ازىرلەندى. جوعارىدا اتالعان ءۇش باعىت بويىنشا ءىس-شارالاردى تابىستى ىسكە اسىرۋ Scimago رەيتينگىندە قازاقستاندىق عزي مەن جوعارى وقۋ ورىندارىنىڭ سانىن ارتتىرۋعا ىقپال ەتەتىن بولادى»، - دەدى مينيسترلىكتەن.

سوڭعى جاڭالىقتار