ەلىمىزدە 4237 شەتەلدىك زاڭسىز تاكسي قىزمەتىن اتقارعان
الماتى. KAZINFORM - ناۋرىزباي اۋدانىنىڭ پروكۋراتۋراسى ەلىمىز بويىنشا 400 دەن استام تاكسوپاركتى انىقتادى، وندا 4237 شەتەلدىك جەرگىلىكتى اتقارۋشى ورگانداردىڭ رۇقساتىنسىز قىزمەتىن زاڭسىز جۇزەگە اسىرعان.

ەڭبەك قاتىناستارى تاراپتارىنىڭ قۇقىقتارى مەن مۇددەلەرىن قورعاۋ ماقساتىندا زاڭ شىعارۋشى كوشى- قون زاڭناماسىن بۇزعان جۇمىس بەرۋشى مەن شەتەلدىكتەردىڭ جاۋاپتىلىعىن كوزدەگەن.
قازىرگى ۋاقىتتا كوشى- قون قىزمەتى كوميتەتى پروكۋراتۋرانىڭ قاداعالاۋ اكتىسىن قاراۋدا، وندا ەلدە زاڭسىز قىزمەتتى جۇزەگە اسىرعان تاكسوپاركتەرگە دە، شەتەلدىكتەرگە دە قاتىستى ءتيىستى شارالار قابىلداۋ تۋرالى ماسەلە قويىلعان.
- بۇگىنگى كۇنى ەلىمىز بويىنشا ا ق ب ت ك- ءنىڭ 517-بابىمەن 346 شەتەلدىك- تاكسيست (الماتى - 136) جانە ا ق ب ت ك- ءنىڭ 519-بابىمەن 148 ادام (الماتى - 29) شەتەلدىك جۇمىس كۇشىن تارتقانى ءۇشىن (تاكسوپاركتەر) اكىمشىلىك جاۋاپتىلىققا تارتىلدى، 112 قابىلداۋ- تاراتۋ ورنىنا (الماتى - 81) قامالدى، رەسپۋبليكادان 156 شەتەلدىك شىعارىلدى (الماتى - 79)، دەپ جازدى الماتى قالاسىنىڭ پروكۋراتۋراسىنان.
بۇل جۇمىس جالعاسۋدا جانە ەرەكشە باقىلاۋدا.