ەلىمىزدە 188 مىڭ ادام اسىراۋشىسىنان ايرىلۋىنا بايلانىستى كومەك الىپ وتىر

Фото: gov.kz
Фото: gov.kz

استانا. KAZINFORM - ەلىمىزدە 188 مىڭ ادام اسىراۋشىسىنان ايرىلۋىنا بايلانىستى مەملەكەتتەن كومەك الىپ وتىر. بۇل جايىندا ەڭبەك جانە حالىقتى الەۋمەتتىك قورعاۋ مينيسترلىگى Kazinform ساۋالىنا جولداعان جاۋابىندا ايتىلعان.

«2024-جىلى 4 ميلليوننان استام ادام جالپى سوماسى 5,4 تريلليون تەڭگە كولەمىندە الەۋمەتتىك تولەم الادى»، - دەلىنگەن مينيسترلىكتىڭ مالىمەتىندە.

بۇل تولەمدەردىڭ ساناتى مىنانداي:

1) زەينەتاقى تولەمدەرىن (ىنتىماقتى زەينەتاقى تولەمدەرى، مەملەكەتتىك بازالىق زەينەتاقى تولەمدەرى، ب ج ز ق- دا م ز ج م ك ز ج ساقتالۋىنا مەملەكەتتىك كەپىلدىكتەر) 2,4 ميلليون ادام؛

2) مۇگەدەكتىگى بويىنشا مەملەكەتتىك بازالىق جاردەماقى - 547,1 مىڭ ادام؛

3) اسىراۋشىسىنان ايىرىلۋ جاعدايى بويىنشا مەملەكەتتىك بازالىق جاردەماقى - شامامەن 188 مىڭ ادام؛

4) بالالى وتباسىلارعا مەملەكەتتىك جاردەماقىلار (بالا تۋۋىنا بايلانىستى، 1,5 جاسقا دەيىنگى بالا كۇتىمى بويىنشا، مۇگەدەك بالالاردى تاربيەلەپ وتىرعان اتا-انالارعا، بۇرىن «باتىر انا» اتاعىن العان جانە «انا داڭقى» وردەنىمەن ماراپاتتالعان، «التىن القا»، «كۇمىس القا» القالارىمەن ماراپاتتالعان كوپ بالالى انالارعا) - 1,5 ميلليون ادام؛

5) ارناۋلى مەملەكەتتىك جاردەماقىلار (ۇ و س كەزەڭىندە العان جارالانۋى، كونتۋزياسى، مەرتىگۋى نەمەسە اۋرۋى سالدارىنان مۇگەدەك ادامدارعا، ۇ و س قاتىسۋشىلارى جانە ولارعا تەڭەستىرىلگەن ادامدار، ۇ و س- دا قازا تاپقان جاۋىنگەرلەردىڭ جەسىرلەرى، كەڭەس وداعىنىڭ، سوتسياليستىك ەڭبەك باتىرلارى، ءۇش دارەجەلى داڭق وردەندەرىنىڭ كاۆالەرلەرى، مۇگەدەكتىگى بار ادامدار مەن بالالار جانە ت. ب.) 220,4 مىڭ الۋشى؛

6) باسقا تولەمدەر (ءبىرجولعى اقشالاي وتەماقىلار، مەملەكەتتىك ارنايى جاردەماقىلار) - 297,9 مىڭ ادام.

سونداي-اق، جالپى سيپاتتاعى ترانسفەرتتەر ەسەبىنەن 841,2 مىڭ ادامعا ءبىر جىلدىڭ ىشىندە 75,9 ميلليارد تەڭگە كولەمىندە اتاۋلى الەۋمەتتىك كومەك تولەنەدى.

سوڭعى جاڭالىقتار