ەلىمىزگە پوشتا ارقىلى شەتەلدەن ەسىرتكى جەتكىزۋدىڭ حالىقارالىق ارناسى جويىلدى

ҚР ҰҚК
Фото: ҚР ҰҚК бапасөз қызметі

استانا. KAZINFORM - ۇلتتىق قاۋىپسىزدىك كوميتەتىنىڭ اقتوبە وبلىسى بويىنشا دەپارتامەنتى بيىلعى اقپاندا پوشتا جونەلتىلىمدەرىن پايدالانا وتىرىپ، الىس شەتەلدەن قازاقستانعا ەسىرتكى جەتكىزۋدىڭ حالىقارالىق ارناسىن جويدى.

ق ر ۇلتتىق قاۋىپسىزدىك كوميتەت باسپا ءسوز قىزمەتىنىڭ حابارلاۋىنشا، جالپى سالماعى 500 گرامنان اساتىن كاننابيس توبىنىڭ ەسىرتكى سالىنعان قوراپتى الۋى كەزىندە «قازپوشتا» ا ق بولىمشەسىندە جەرگىلىكتى تۇرعىن ۇستالدى.

بمىلعى ساۋىردە اقتوبە قالاسىنىڭ تۇرعىنىن ۇستاۋ بويىنشا وپەراتسيا جۇزەگە اسىرىلدى، ودان 2,5 كيلوگرامنان استام «مەفەدرون» پسيحوتروپتىق زاتى تاركىلەندى، بۇل 10 مىڭعا جۋىق ءبىر رەتتىك دوزانى قۇرايدى.

جەدەل شارا بارىسىندا كۇدىكتىلەردىڭ فيزيكالىق جازاعا تارتىلۋ قاۋپى ارقىلى ايماق تۇرعىنىن ەسىرتكى ساتۋعا ماجبۇرلەۋ فاكتىسى قۇجاتتالدى.

ۇستالعان ادام وبلىستا پسيحوتروپتىق زاتتاردىڭ تارالۋىنىڭ كەڭ جەلىسىن ۇيىمداستىرۋدى كوزدەگەن.

«اتالعان ادامدار سوتتىڭ سانكتسياسىمەن قاماۋعا الىندى. سوتقا دەيىنگى تەرگەپ- تەكسەرۋ جۇرگىزىلۋدە. ق ر ق ى ج ك- ءنىڭ 201-بابى 1-بولىگىنە سايكەس وزگە اقپارات جاريا ەتۋگە جاتپايدى»، - دەلىنگەن ۇ ق ك باسپا ءسوز قىزمەتى تاراتقان حابارلامادا.

سوڭعى جاڭالىقتار