ەلىمىزگە سىرتقى ساۋدا اينالىمنان قانشا كەدەندىك سالىق ءتۇستى

 استانا. KAZINFORM - قازاقستاننىڭ ءۇشىنشى الەم ەلدەرىمەن سىرتقى تاۋار اينالىمى 2024 -جىلدىڭ 5 ايىندا %0,5 عا ارتىپ، 44,6 ميلليارد ا ق ش دوللارىن قۇراعان. بۇل -وتكەن جىلدىڭ سايكەس كەزەڭىمەن سالىستىرعاندا %5,5 عا كوپ.

ورتالىق كوممۋنيكاتسيالار قىزمەتى الاڭىندا وتكەن بريفينگتە ق ر ق م مەملەكەتتىك كىرىستەر كوميتەتى ءتوراعاسىنىڭ مىندەتىن اتقارۋشى ەلدوس ساۋدابايەۆ بيىل يمپورت اينالىمى 16,1 ميلليارد ا ق ش دوللارىن قۇراعانىن ايتتى.

«بيىل 5 اي ىشىندە 1,346 تريلليون تەڭگە سوماسىندا كەدەندىك تولەمدەر جانە سالىقتار ءتۇستى. كەدەندىك اكىمشىلەندىرۋ شارالارى ەسەبىنەن بيۋدجەتكە قوسىمشا 62,5 ميلليارد تەڭگە ءوندىرىلدى»، - دەدى ول.

بەلگىلى بولعانداي، «بىرىڭعاي تەرەزە» پورتالىندا جەكەلەگەن رۇقسات بەرۋ قۇجاتتارى، سونداي-اق سايكەستىكتى راستاۋ جونىندەگى ورگاندار بەرەتىن سايكەستىك تۋرالى سەرتيفيكاتتار مەن دەكلاراتسيالار، كولىك قۇرالى كونسترۋكتسياسىنىڭ قاۋىپسىزدىگى تۋرالى كۋالىكتەر اۆتوماتتاندىرىلعان.

بۇدان بولەك، كەدەن سالاسىنداعى ءبىرقاتار مەملەكەتتىك قىزمەت ىسكە قوسىلعان. مىسالى، تاۋارلاردى جىكتەۋ، تاۋارلاردى جينالماعان نەمەسە بولشەكتەلگەن تۇردە شىعارىلعان ەلدە جىكتەۋ، كەدەندىك قۇندى انىقتاۋ ءادىسى، ۋاقىتشا ساقتاۋ ورىندارىنىڭ تىزىمىنە ەنگىزۋ سياقتى قىزمەتتەر بار.

سونداي-اق راستايتىن قۇجاتتار مەن مالىمەتتەردى بىرنەشە رەت ۇسىنۋ قاجەتتىلىگىن بولدىرماۋ ماقساتىندا باسقا ۇيىمدارمەن 19 ينتەگراتسيا ىسكە اسىرىلعان.

«تاۋارلاردىڭ ەكسپورتى- يمپورتى ءۇشىن كورسەتىلەتىن قاجەتتى قىزمەتتەردىڭ «ءبىرىڭعاي تەرەزە» پورتالىنداعى كەدەندىك وپەراتسيالاردىڭ اشىقتىعىن قامتاماسىز ەتۋگە، كورسەتىلەتىن قىزمەتتى بەرۋشىلەر مەن كورسەتىلەتىن قىزمەتتى الۋشىلاردىڭ فيزيكالىق بايلانىسىن بولدىرماۋعا، سونداي- اق قىزمەت كورسەتۋ مەرزىمدەرى 30 دان 2 كۇنگە دەيىن قىسقارتىلعان كەزدە قۇجاتتاردى الۋدى جانە كەدەندىك رەسىمدەۋدى تەزدەتۋگە مۇمكىندىك بەردى. مەملەكەتتىك كىرىستەر كوميتەتى بۇگىندە ە ا ە و سىرتقى شەكاراسىنداعى بارلىق اۆتوموبيل وتكىزۋ پۋنكتىندە جۇمىس ىستەيتىن يننوۆاتسيالىق ەلەكتروندىق كەزەك جۇيەسىن ەنگىزدى. بۇل جوبا وڭ ناتيجە كورسەتتى. ءبىز بۇل جۇيەنى رەسەي فەدەراتسياسى مەن قىرعىزستاننىڭ شەكارا بەكەتتەرىندە ەنگىزۋ جۇمىستارىن جۇرگىزىپ جاتىرمىز»، - دەپ اتاپ ءوتتى سپيكەر.

جۇيە «Qoldau.kz» پلاتفورماسىندا جانە «cargoruqsat» موبيلدى قوسىمشاسى ارقىلى جۇمىس ىستەيدى. ورتالىق ازياداعى بىرەگەي اۆتوماتتاندىرىلعان جۇيە شەكارادان ءوتۋ پروتسەسىن تۇبەگەيلى وزگەرتكەنىن اتاپ وتكەن ءجون.