ەلىمىزگە جۇمىس ىستەۋگە قىتاي، تۇركيا، ءۇندىستان ازاماتتارى كوپ كەلەدى

мұнайшы
Фото: Атырау мұнай өңдеу зауытының баспасөз қызметі

قازاقستاندا جىل سايىن شەتەلدەن جۇمىس كۇشىن تارتۋعا كۆوتا سانى قىسقارىپ جاتىر. 2022-جىلى 28,3 كۆوتا بولىنسە، بىلتىر ول ەداۋىر ازايىپ، 22,2 مىڭ بولعان.

ال بيىل تاعى 200 گە قىسقارىپ، 22 مىڭ كۆوتا ءبولىندى. ەلىمىز قاي ەلدەرگە جانە قانداي ماماندارعا كۆوتا ءبولىپ، جۇمىس ۇسىنادى؟

تولىعىراق kazinform تىلشىسىنە ەڭبەك جانە حالىقتى الەۋمەتتىك قورعاۋ ءبىرىنشى ۆيتسە-ءمينيسترى اقمادي سارباسوۆ ايتىپ بەردى.

اقمادي سارباسوۆتىڭ ايتۋىنشا، ەلىمىزدە ۇلتتىق ەڭبەك نارىعىن قورعاۋ - «حالىقتىڭ كوشى-قونى تۋرالى» زاڭنىڭ نەگىزگى قاعيداتتارىنىڭ ءبىرى. بۇل ءۇشىن ءبىرقاتار قۇرال قاراستىرىلعان. ونىڭ ىشىندە جىل سايىنعى كۆوتانى بەلگىلەۋ جانە جەرگىلىكتى اتقارۋشى ورگانداردىڭ جۇمىس بەرۋشىلەرگە شەتەلدىك جۇمىس كۇشىن تارتۋ ءۇشىن جۇمىسقا رۇقسات بەرۋى بار. ياعني، شەتەلدەن تارتاتىن قانداي ماماندارعا كۆوتا بەرىلەتىنى اكىمدىكتەردىڭ قاجەتتىلىكتەرىنە قاراي جاساقتالادى.

بىرىنشىدەن، شەتەلدىك جۇمىس كۇشىن تارتۋعا ارنالعان كۆوتا جەرگىلىكتى اتقارۋشى ورگانداردىڭ قاجەتتىلىكتەرى نەگىزىندە بەلگىلەنەدى. ول كەزدە جۇمىسسىزدار مەن ءوزىن-ءوزى جۇمىسپەن قامتىعان حالىق سانىنىڭ بولجامى، سونداي-اق ءبىلىم بەرۋ ۇيىمدارىنداعى بىتىرۋشىلەردىڭ سانى ەسكەرىلەدى. شەتەلدىك جۇمىس كۇشىن تارتۋ بولجاناتىن ماماندار دا قاجەت مامانداردىڭ تىزىمىنە سايكەس بولادى، - دەدى ءبىرىنشى ۆيتسە-مينيستر.

سپيكەردىڭ سوزىنشە، قازاقستان اۋماعىنا شەتەلدىك جۇمىس كۇشىن تارتۋ ءتارتىبى جۇمىس بەرۋشىلەرگە شەتەلدىك جۇمىس كۇشىن تارتۋعا رۇقسات بەرۋ نەمەسە ۇزارتۋ، سونداي-اق كورپوراتيۆىشىلىك اۋىستىرۋ قاعيدالارىمەن جانە شارتتارىمەن رەتتەلەدى. جۇمىس بەرۋشىلەر شەتەلدەن مامان تارتۋ ءۇشىن egov.kz ارقىلى ءوتىنىش بەرەدى. تولىعىراق مىنا جەردەن وقۋعا بولادى.

еңбек мигранттары
Инфографика: Kazinform

2022-جىلعا ارنالعان شەتەلدىك جۇمىس كۇشىن تارتۋ كۆوتاسى جۇمىس كۇشىنىڭ %0,31 نەمەسە 28,3 مىڭ ادامعا بەرىلەدى دەپ جوسپارلانعان، الايدا سول جىلى جەرگىلىكتى اتقارۋشى ورگاندار شەتەلدەن مامان تارتۋعا 14296 رۇقسات بەردى. ياعني، كۆوتانىڭ تەڭ جارتىسى يگەرىلمەي قالعان. ال كەلگەندەردىڭ ىشىندە قۇرىلىس سالاسىنا، تاۋ-كەن ونەركاسىبىنە جۇمىسقا تۇرعاندار كوپ. ال، ەلدەرگە توقتالساق، قىتاي، تۇركيا، ءۇندىستان كوش باستاپ تۇر، - دەپ اتاپ ءوتتى اقمادي سارباسوۆ.

еңбек мигранттары
Инфографика: Kazinform

كۆوتا جىلدان-جىلعا ازايىپ جاتىر

سپيكەردىڭ ايتۋىنشا، بىلتىر 2022-جىلعا قاراعاندا كۆوتا سانى 6,1 مىڭعا (22,2 مىڭ كۆوتا) ازايعان جانە جەرگىلىكتى اتقارۋشى ورعاندار 14588 ادامعا جۇمىس ىستەۋگە رۇقسات بەرگەن. ولاردىڭ قاتارىندا باسشى جانە ونىڭ ورىنباسارى لاۋازىمىنا 412 ادام، ال قۇرىلىمدىق بولىمشەلەردىڭ باسشىسى بولىپ 2906 ادام ەلىمىزگە كەلگەن. شەتەلدەن كەلگەن جۇمىس كۇشىنىڭ اراسىندا ماۋسىمدىق جۇمىس ماقساتىمەن 2219 ادام رۇقسات العان.

еңбек мигранттары
Инфографика: Kazinform

بيىل شەتەلدەن جۇمىس كۇشىن تارتۋعا جالپى جۇمىس كۇشىنىڭ %0,23 نەمەسە 22 مىڭ كۆوتا ءبولىندى. ال 1-ساۋىرگە دەيىنگى ستاتيستيكاعا سۇيەنسەك، ەلىمىزدە شەتەلدىك 13536 ازامات جۇمىس ىستەپ جاتىر. بۇل بۇرىننان ىستەپ جاتقانداردى قوسا العانداعى كورسەتكىش. ال بيىل 3581 رۇقسات بەرىلدى. ونىڭ ىشىندە 92 باسشى مەن ورىنباسارى بار. وڭىرلەرگە ءبولىپ قاراساق، اتىراۋ، باتىس قازاقستان، شىعىس قازاقستان وبلىستارىندا، استانا جانە الماتى قالالارىندا شەتەلدىك جۇمىس كۇشى يمپورتى باسىم، - دەپ تۇيىندەدى اقمادي سارباسوۆ.

еңбек мигранттары
Инфографика: Kazinform

ايتا كەتەيىك، بىلتىر قازاقستانعا ورتالىق ازيا ەلدەرىنەن 9377 ادام كەلىپ، 385 ادام كەتكەن. ياعني، كورشىلەس ەلدەرگە كەتۋشىلەرگە قاراعاندا ول جاقتان قونىس تەپكەندەر بىرنەشە ەسە كوپ. ساراپشىلار بۇل ءۇردىس بيىل دا جالعاسادى دەپ وتىر. سەبەبى كوبىنە رەسەيگە تابىس ءۇشىن بارعان ورتالىق ازيا ازاماتتارىنىڭ باسىم بولىگى ماسكەۋدىڭ سولتۇستىك- باتىسىنداعى «Crocus City Hall» كونسەرت زالىنداعى تەراكتىدەن كەيىن قازاقستانعا جانە باسقا ەلدەرگە كەتكەن. ورتالىق ازياداعى سوڭعى بىرنەشە جىلداعى كوشى-قون ۇردىستەرىندەگى ماڭىزدى وزگەرىستەر قانداي جانە ولار ايماق ەكونوميكاسى مەن قوعامىنا قالاي اسەر ەتىپ جاتىر؟ بۇل تۋرالى مىنا جەردە جازعانبىز.

еңбек мигранттары
Инфографика: Kazinform
سوڭعى جاڭالىقتار