نەلىكتەن قان قىسىمىن ولشەۋ ماڭىزدى
استانا. KAZINFORM - ارتەريالىق قان قىسىمى - بۇل قاننىڭ تامىر قابىرعالارىنا تۇسىرەتىن كۇشى، دەپ حابارلايدى دەنساۋلىق ساقتاۋ مينيسترلىگىنىڭ باسپا ءسوز قىزمەتى.
مامامداردىڭ ايتۋىنشا، جوعارى قان قىسىمى (گيپەرتونيا) ينسۋلت نەمەسە جۇرەك اۋرۋلارى سياقتى اۋىر سالدارعا اكەلۋى مۇمكىن، ءبىراق كوبىنە ەشقانداي بەلگىسىز وتەدى. ونى انىقتاۋدىڭ جالعىز جولى - تۇراقتى تۇردە ولشەۋ.
- تومەن قان قىسىمى (گيپوتونيا) باس اينالۋ، السىزدىك نەمەسە تالىپ قالۋ سياقتى بەلگىلەرمەن كورىنۋى مۇمكىن. قالىپتى كورسەتكىشتەر: شامامەن 120/80 م م سىن. باع. - وڭتايلى 130/85 م م سىن. باع. دەيىن - كوپتەگەن ەرەسەك ءۇشىن قالىپتى شەك 140/90 م م سىن. باع. جوعارى - جوعارى قان قىسىمى، - دەلىنگەن حابارلامادا.
قان قىسىمىن ءدارىحانالاردا، ەمحانالاردا، ۇيدە تونومەتر ارقىلى تەكسەرۋگە بولادى. ونى تۇراقتى باقىلاۋ اۋرۋلاردىڭ الدىن الىپ، اسقىنۋلاردى ەرتە انىقتاۋعا كومەكتەسەدى.
بۇدان بۇرىن ارتەريالىق گيپەرتەنزيا شامامەن ءاربىر ونىنشى جۇكتى ايەلدە كەزدەسەتىنى ايتىلدى. سالدارىنان تۇسىك تاستاۋ، اسقىنۋ جانە ءولىم قاۋپى جوعارى بولادى.
