ۇلى قيناپ ۇستاعان: الماتىدا قولى بايلاۋلى جۇرگەن ايەلگە قاتىستى پوليتسيا تەكسەرىس باستادى

جەلىدە قولى بايلاۋلى الماتىلىق ايەلدىڭ كوشەدە جۇرگەنى تۋرالى اقپارات تارادى. ۆيدەوداعى اقپاراتقا سايكەس، ۇلى «وتباسىمىزدىڭ ورتاسىنا ءتۇستىڭ» دەپ، قولىن بايلاپ ۇستاعان. ايەل كوشەگە قاشىپ شىققان كورىنەدى. ونى بايقاعان تۇرعىندار ايەلدى بوساتىپ، اياق كيىم بەرىپ، پوليتسيانى شاقىرعان.

الماتى پوليتسيا دەپارتامەنتى الاتاۋ اۋداندىق پوليتسيا باسقارماسىنىڭ تەرگەۋ جۇمىسىن باستاعانىن راستادى.

- ايەلدىڭ جەكە باسى انىقتالدى. قازىرگى ۋاقىتتا ول پوليتسيا بولىمىندە تۇسىنىكتەمە بەرىپ جاتىر. سونىمەن قاتار اتالعان جاعدايعا قاتىستى بۇعان دەيىن پوليتسياعا ەشقانداي ءوتىنىش نەمەسە حابارلاما تۇسپەگەن. قازىر بولعان وقيعانىڭ بارلىق ءمان-جايى انىقتالىپ جاتىر، - دەپ مالىمدەدى الماتى پ د باسپا ءسوز قىزمەتى.

سونداي-اق تەكسەرۋ ناتيجەسى بويىنشا قۇقىقتىق باعا بەرىلىپ، ءتيىستى شارالار قابىلداناتىنىن مالىمدەدى.