«ۇلى جىبەك جولى» تۋرنيرى: ساعىندىق توعامباي فينالعا شىقتى

«Ұлы Жібек жолы» турнирі: Сағындық Тоғамбай финалға шықты
Фото: olympic.kz

استانا. KAZINFORM - ازەربايجان استاناسى باكۋ قالاسىندا ءوتىپ جاتقان «ۇلى جىبەك جولى» حالىقارالىق تۋرنيرىندە ەل قۇراماسىنان ساعىندىق توعامباي (92 كەلى) العاشقى بولىپ فينالعا شىقتى.

قازاقستاندىق بىلعارى قولعاپ شەبەرى جارتىلاي فينالدا رەسەيلىك رامازان حاناليەۆپەن قولعاپ ءتۇيىستىردى. ول ءۇش راۋندتا دا قارقىندى ويىن كورسەتتى. ال ءۇشىنشى راۋندتا قارسىلاستار اشىق ايقاسقا شىقتى. تورەشىلەردىڭ ءبىراۋىزدان شەشىمىمەن ساعىندىق جەڭىمپاز دەپ تانىلىپ، فينالعا جولداما الدى.

ەندى ول فينالدا الەم چەمپيونى، وليمپيادا ويىندارىنىڭ جۇلدەگەرى كۋبالىق الفونسو لورەن دومينگەسپەن جۇدىرىقتاسادى. بۇل بوكسشى بۇگىندە ازەربايجان ەلىنىڭ اتىنان سىنعا ءتۇسىپ كەلەدى.

ايتا كەتسەك، بۇگىن ەل قۇراماسىنان ءۇش بوكسشى شارشى الاڭعا شىقتى. شيرەك فينالدا باقتيار سماعۇلوۆ (67 كەلى)، جارتىلاي فينالدا بەكزات تاڭاتار (86 كەلى) قارسىلاستارىنا ەسە جىبەردى.

ەندى ەل قۇراماسىنان تەمىرتاس ءجۇسىپوۆ (48 كەلى)، تالعات سىرىمبەتوۆ (60 كەلى)، دارحان دۇيسەباي 71 (كەلى) سىنعا تۇسەدى. ال ەل قۇراماسىنان دامير ءابدىقادىر (51 كەلى)، سەرىك تەمىرجانوۆ (63,5 كەلى)، تيمۋر نۇرسەيىتوۆ (75 كەلى)، قامشىبەك قوڭقابايەۆ (92 كەلىدەن جوعارى) جارىس جولىن ەرتە اياقتادى.

سوڭعى جاڭالىقتار