ۇلى دالا جورىعىندا ماڭعىستاۋلىق شاباندوز رەكورد جاسادى

«رەكورد» كومانداسىنىڭ مۇشەسى، 21 جاستاعى ماعجان ابدول ۇلى 1300 شاقىرىمنىڭ سوڭعى 50 شاقىرىمىن باعىندىرۋعا تاڭعى ساعات 7:10 دا اتتانىپ، تۇركىستانداعى مارە سىزىعىن 08 ساعات 44 مينۋت 9 سەكۋندتا ءبىرىنشى بولىپ كەستى، دەپ حابارلايدى قازاقپارات ءتىلشىسى.

«استانادان تۇركىستانعا دەيىنگى 1300 شاقىرىمدى باستان-اياق ءبىر اتپەن ەڭسەرۋدى ماقسات ەتكەن «رەكورد» كومانداسى استانا قالاسى، ماڭعىستاۋ مەن جەتىسۋ وبلىستارىنىڭ شاباندوزدارىنان قۇرالعان. قازاق جىلقىسىنىڭ ەرلىگىن گيننەس رەكوردتار كىتابىنا ەنگىزۋدى كوزدەگەن ازاماتتارعا تورەشىلەر شەشىمىمەن قوماقتى جۇلدەقورى بەرىلەدى. 1-ورىنعا — 2,5 ميلليون تەڭگە، 2-ورىنعا — 2 ميلليون تەڭگە، 3-ورىنعا — 1,5 ميلليون تەڭگە» دەلىنگەن ماڭعىستاۋ وبلىستىق سپورت باسقارماسى باسپا ءسوز قىزمەتىنىڭ مالىمەتىندە.

ەسكە سالايىق، ماڭعىستاۋدىڭ «كوكمويناق» كومانداسى 12-كەزەڭگە كەلگەندە جورىقتى توقتاتقان بولاتىن.

دەگەنمەن ماڭعىستاۋلىق سايگۇلىك «شاعىرايتورى» قازاق جىلقىسىنىڭ اتىن گيننەس رەكوردتار كىتابىنا ەنگىزۋ جولىندا سىنعا تۇسكەن.

بۇگىن شەشۋشى كەزەڭدە «شاعىرايتورى» توپ باستاپ ءبىرىنشى كەلىپ، رەكورد ورناتتى.

سونداي-اق، «ۇلى دالا جورىعى» مارافون-بايگەسىنىڭ جەڭىمپازدارى جەتىسۋ وبلىسىنىڭ كومانداسى اتانسا، ەكىنشى ورىندى اقتوبە جانە ءۇشىنشى ورىندى الماتى قالاسى يەلەندى.