ەلدىڭ ءبىرقاتار وڭىرىندە ۇسىك جۇرەدى

وسىعان بايلانىستى جاۋىن-شاشىنسىز اۋا رايى بولىپ، اۋا تەمپەراتۋراسى تومەندەيدى.

بۇكىل كەزەڭدە قازاقستاننىڭ باتىسىندا، سولتۇستىك-باتىسىندا، 27-28 قىركۇيەكتە سولتۇستىگىندە، شىعىسىندا جانە وڭتۇستىك-باتىسىندا جاۋىن-شاشىنسىز اۋا رايى كۇتىلەدى.

رەسپۋبليكانىڭ شىعىسىندا، ورتالىعىندا، وڭتۇستىگىندە جانە وڭتۇستىك-شىعىسىندا اتموسفەرالىق فرونتتاردىڭ وتۋىنە بايلانىستى جاڭبىر، نايزاعاي كۇتىلەدى. تۇنگى ۋاقىتتا الماتى وبلىسىنىڭ تاۋلى اۋداندارىندا جاڭبىر جانە قار تۇرىندە جاۋىن-شاشىن بولۋى مۇمكىن.

تۇنگى جانە تاڭەرتەڭگى ۋاقىتتا كەي جەرلەردە تۇمان بولجانادى. رەسپۋبليكا وبلىستارىنىڭ باسىم بولىگىندە جەلدىڭ كۇشەيۋى، وڭتۇستىكتە شاڭدى داۋىل كۇتىلەدى.

بۇكىل كەزەڭدە سولتۇستىكتە، شىعىستا، 27-28 قىركۇيەكتە ەلىمىزدىڭ سولتۇستىك- باتىسىندا جانە ورتالىعىندا تۇنگى ۋاقىتتا 1-3 گرادۋس ۇسىك كۇتىلەدى.