لوس-اندجەلەستەگى ورمان ورتىنەن مەرت بولعاندار سانى 16 ادامعا جەتتى

استانا. KAZINFORM - لوس- اندجەلەس وكرۋگىن شارپىعان ءورت سالدارىنان كەم دەگەندە 16 ادام قازا تاپتى، دەپ حابارلايدى NBC News.

өрт
Фото: report.az

بۇعان دەيىن وكرۋگ شەريفى روبەرت لۋنا 11 ادام كوز جۇمعانىن، 13 ادام ءىز-ءتۇزسىز جوعالعانىن حابارلاعان بولاتىن.

لوس- اندجەلەس وكرۋگىندە ورمان ورتتەرى 7 - قاڭتاردا تاراي باستادى. مەتەورولوگتاردىڭ مالىمەتىنشە، ءورتتىڭ تەز تارالۋىنا قۇرعاق جانە وتە جەلدى كۇن رايى سەبەپ بولعان. كاليفورنيا ءورت ءسوندىرۋ قىزمەتىنىڭ سوڭعى دەرەكتەرىنە قاراعاندا، وكرۋگتەگى ءورتتىڭ جالپى اۋدانى 15,5 مىڭ گەكتارعا جەتتى.

قىزىل جالىن 12,3 مىڭنان استام عيماراتتى، سونىڭ ىشىندە تانىمال ادامداردىڭ مۇلكىن شارپىدى. ا ق ش- تىڭ قازىرگى پرەزيدەنتى دجو بايدەننىڭ ۇلى حانتەردىڭ، اكتريسا ءارى مودەل پەريس حيلتوننىڭ، سونداي- اق اكتەر جانە رەجيسسەر مەل گيبسوننىڭ ۇيلەرى ورتەندى.

بۇعان دەيىن كاليفورنياداعى ورمان ورتىنەن 10 ادام مەرت بولعانى حابارلانعان.

ا ق ش پرەزيدەنتى دجو بايدەن كاليفورنياداعى وسى جاعدايدى شتات تاريحىنداعى ەڭ ءىرى جانە ەڭ جويقىن ءورت دەپ اتادى.

سوڭعى جاڭالىقتار