ەلوردانىڭ سول جاعالاۋىنداعى ورتالىق كوشەلەردە جول قوزعالىسى وزگەرەدى
استانا. قازاقپارات - LRT قۇرىلىس جۇمىستارىن جۇرگىزۋ جوسپارىنا سايكەس، استانا قالاسى پوليتسيا دەپارتامەنتىنىڭ كەلىسىمى بويىنشا، بىرنەشە جول ۋچاسكەلەرىندە، ياعني سىعاناق كوشەسى، قابانباي باتىر داڭعىلى، ماڭگىلىك ەل داڭعىلى بويىنشا جول قوزعالىسى ۋاقىتشا وزگەرتىلەدى.
- 22-ناۋرىز ساعات 00:00 دەن 06:00 گە دەيىن — ەستاكادانىڭ پاراپەتتەرىن قۇيۋ بويىنشا بەتون جۇمىستارىن جۇرگىزۋ ءۇشىن ماڭگىلىك ەل داڭعىلىنىڭ سىعاناق كوشەسىمەن قيىلىسقان جول ايىرىعىندا قوزعالىس ەكى باعىتتا دا تولىق جابىلادى؛
- 24-ناۋرىز كۇنى ساعات 06:00 دەن 24.00 گە دەيىن — پاراپەت قالىپتارىن دەمونتاجداۋ ءۇشىن ماڭگىلىك ەل داڭعىلىنىڭ سىعاناق كوشەسىمەن قيىلىسقان جول ايرىعىندا قوزعالىس ەكى باعىتتا دا تولىق جابىلادى؛
- 25-ناۋرىزدان 25-ساۋىرگە دەيىن - سىعاناق كوشەسى بويىندا ماڭگىلىك ەل داڭعىلىمەن قيىلىسىندا، تۇركىستان كوشەسىنە قاراي 113 ستانتسياسىنىڭ قاسبەتىنىڭ قۇرىلىس جۇمىستارىن ورىنداۋ ءۇشىن ەكى جولاق ءىشىنارا تارىلادى جانە اۆتوجولدىڭ بۇرىلىس بولىگىندە ەكى باعىتتا شەتكى سول جاق جولاقتار جابىلادى؛
- 23 - ناۋرىزدان 23- تامىزعا دەيىن - قابانباي باتىر داڭعىلىندا «استانا جۇلدىزى» ستەلاسىنان حۋسەين بەن تالال كوشەسىنە قاراي 105-ستانتسيا قاسبەتىنىڭ قۇرىلىس جۇمىستارىن ورىنداۋ ءۇشىن اۆتوجولدىڭ ەكى جولاعى ءىشىنارا تارىلادى؛
- 23 - ناۋرىزدان 26-ناۋرىزعا دەيىن - قابانباي باتىر داڭعىلىندا «استانا جۇلدىزى» ستەلاسىنان حۋسەين بەن تالال كوشەسىنە قاراي 106-ستانتسيا قاسبەتىنىڭ قۇرىلىس جۇمىستارىن ورىنداۋ ءۇشىن اۆتوجولدىڭ ەكى جولاعى ءىشىنارا تارىلادى؛
- 23- ناۋرىزدان 23 -تامىزعا دەيىن - قابانباي باتىر داڭعىلىندا ت. رىسقۇلوۆ كوشەسىنەن ن. بالعىمبايەۆ كوشەسى باعىتىندا 107-ستانتسيا قاسبەتىنىڭ قۇرىلىس جۇمىستارىن ورىنداۋ ءۇشىن اۆتوجولدىڭ ەكى جولاعى ءىشىنارا تارىلادى؛
- 23 - ناۋرىزدان 30 ناۋرىزعا دەيىن - قابانباي باتىر داڭعىلىندا ۇلى دالا داڭعىلىنان بۇقار جىراۋ كوشەسى باعىتىندا 108-ستانتسيا قاسبەتىنىڭ قۇرىلىس جۇمىستارىن ورىنداۋ ءۇشىن اۆتوجولدىڭ ەكى جولاعى ءىشىنارا تارىلادى؛
- 23 -ناۋرىزدان 5 -ماۋسىمعا دەيىن - قابانباي باتىر داڭعىلى بويىندا بۇقار جىراۋ كوشەسىنەن ورىنبور كوشەسىنە دەيىنگى ۋچاسكەسىندە 109-ستانتسيا قاسبەتىنىڭ قۇرىلىس جۇمىستارىن ورىنداۋ ءۇشىن اۆتوجولدىڭ ەكى جولاعى ءىشىنارا تارىلادى.
- ەلوردا قوناقتارى مەن تۇرعىندارىنان قوزعالىس باعىتىن الدىن الا جوسپارلاۋدى سۇرايمىز، سونداي-اق ۋاقىتشا قولايسىزدىق ءۇشىن كەشىرىم سۇرايمىز، - دەلىنگەن CTS حابارلاماسىندا.
ايتا كەتەلىك ەلوردا اۆتوبۋستارىندا قازاقتىڭ ۇلى تۇلعالارى تۋرالى اۋديواقپاراتتىق حابارلامالار قوسىلعان ەدى.
