ەلوردانىڭ كەيبىر ج و و ستۋدەنتتەرى 27-28-قاراشادا قاشىقتان وقيدى
استانا. قازاقپارات - 27-28-قاراشا كۇنى استانا قالاسىنداعى جوعارى وقۋ ورىندارىنىڭ وقۋ فورماتى وزگەرەدى.
بۇل تۋرالى عىلىم جانە جوعارى ءبىلىم مينيسترلىگىنىڭ قوعاممەن بايلانىس دەپارتامەنتىنىڭ ديرەكتورى ولجاس بەركىنبايەۆ ءمالىم ەتتى.
«4 جوعارى وقۋ ورنى - قاشىقتان، 2 جوعارى وقۋ ورنى - ءىشىنارا قاشىقتان، 2 جوعارى وقۋ ورنى - كانيكۋل (1 تريمەستر)، 5 جوعارى وقۋ ورنى - ءداستۇرلى (وفلاين) فورماتتا. وقۋ فورماتىنا قاتىستى شەشىمدى جوعارى وقۋ ورىندارى اكادەميالىق ساياساتىنا سايكەس دەربەس قابىلدايدى»، - دەدى مينيسترلىك وكىلى ولجاس بەركىنبايەۆ.
ال وقۋشىلار مەن كوللەدج ستۋدەنتتەرىنە قاتىستى ەلوردانىڭ ءبىلىم باسقارماسىنىڭ باسپا ءسوز قىزمەتى ساباق ادەتتەگىدەي فورماتتا وتەتىنىن حابارلادى.
ايتا كەتسەك، مەملەكەت باسشىسى قاسىم-جومارت توقايەۆتىڭ شاقىرۋىمەن 27-قاراشا كۇنى ەلىمىزگە رەسەي فەدەراتسياسىنىڭ پرەزيدەنتى ۆلاديمير پۋتين مەملەكەتتىك ساپارمەن كەلەدى.
28-قاراشا كۇنى قازاقستان پرەزيدەنتى قاسىم-جومارت توقايەۆتىڭ توراعالىعىمەن ۇ ق ش ۇ ۇجىمدىق قاۋىپسىزدىك كەڭەسىنىڭ كەزەكتى سەسسياسى وتەدى. جيىندا ايماقتىق جانە حالىقارالىق قاۋىپسىزدىكتىڭ نەگىزگى ماسەلەلەرى تالقىلانادى. وتىرىس قورىتىندىسى بويىنشا ءبىرقاتار قۇجاتقا قول قويىلادى.
