ەلورداداعى ستاتسيونارلاردا ءۇش مىڭعا جۋىق ادام قىزىلشادان ەمدەلىپ جاتىر

استانادا قىزىلشا بويىنشا ەپيدەميولوگيالىق جاعداي قازىر تۇراقسىز. تۇرعىندار اراسىندا سىرقاتتانۋشىلىقتىڭ ءوسۋى بايقالادى. بۇل تۋرالى كوممۋنيكاتسيالار قىزمەتىندە وتكەن بريفينگتە استانا قالاسى قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى گۇلناز دوسمىرزايەۆا مالىمدەدى، دەپ حابارلايدى Kazinform قالالىق اكىمدىكتىڭ رەسمي سايتىنا سىلتەمە جاساپ.

ناۋرىزدان باستاپ قازىرگى ۋاقىتقا دەيىن 2977 پاتسيەنت قىزىلشامەن ستاتسيونارلىق دەڭگەيدە ەمدەلدى، ونىڭ 2187 سى - بالا، 49 ى - جۇكتى ايەل.

«2023 -جىلعى 13-جەلتوقسانداعى جاعداي بويىنشا 290 پاتسيەنت ستاتسيونارلىق ەمدەلۋدە جاتىر، ونىڭ ىشىندە 214 بالا، 10 جۇكتى ايەل بار. بۇگىنگى تاڭدا №3-اۋرۋحانا جۇكتەمەسى %43 قۇرادى. قاراشا ايىندا بارلىق ەمحانالاردا 6 ايدان 10 ايعا دەيىنگى 29 كۇندىك بالالارعا جاپپاي قوسىمشا ۆاكسيناتسيا باستالدى. ال 5-جەلتوقساننان باستاپ 2-4 جاستاعى بالالاردى قىزىلشاعا قارسى ۆاكسيناتسيالاۋ جۇمىسى باستالدى»، - دەپ ەسكە سالدى سپيكەر.

قالانىڭ بارلىق مەديتسينالىق ۇيىمدارىندا قىزىلشاعا قارسى ۆاكسينا جەتكىلىكتى، دەيدى باسقارما وكىلى. ماسەلەن، 2023 -جىلعى 9-جەلتوقساندا قالالىق دەنساۋلىق ساقتاۋ قويماسىنا قىزىلشاعا قارسى ۆاكسينانىڭ 40 مىڭ دوزاسى كەلىپ ءتۇستى، ولار ب م س ك-دا رازريادقا سايكەس تاراتىلدى.

«ج ر ۆ ي جانە قىزىلشامەن اۋىراتىن ناۋقاستارعا ساپالى مەديتسينالىق كومەك كورسەتۋ ماقساتىندا دەمالىس جانە مەرەكە كۇندەرىن قوسا العاندا، سۇزگى كابينەتتەرى ساعات 08.00 دەن 20.00 گە دەيىن جۇمىس ىستەيدى. ۆاكسيناتسيا كابينەتتەرى دۇيسەنبىدەن سەنبىگە دەيىن ساعات 08.00 دەن 18.00 گە دەيىن جۇمىس ىستەيدى.

قۇرمەتتى ەلوردا تۇرعىندارى! قوسىمشا ۆاكسيناتسيا الۋ ءۇشىن ناۋقاسپەن بايلانىس بولعان جاعدايدا كەز كەلگەن تۇرعىن تۇرعىلىقتى جەرى بويىنشا ەمحاناعا جۇگىنۋى ءتيىس ەكەنىن اتاپ وتكىم كەلەدى»، - دەپ ەسكەرتتى گۇلناز دوسمىرزايەۆا.