ەلورداداعى سەحتا 1200 شارشى مەتردى شارپىعان ءىرى ءورت بولدى

өрт
فوتو: استانا ت ج د

استانا. KAZINFORM - ەلورداداعى جيھاز جاسايتىن سەحتا ءىرى ءورت بولدى. جۇزگە جۋىق ءورت ءسوندىرۋشى 18 ارنايى تەحنيكانى پايدالانا وتىرىپ، 2 ساعاتقا جۋىق ارپالىسىپ، ءتىلسىز جاۋدىڭ وشاعىن جويدى، دەپ حابارلايدى استانا قالاسى ت ج د باسپا ءسوز قىزمەتى.

«23-قاڭتاردا، ءتيىستى حابارلاما تۇسكەن سوڭ، ساعات 21:20-دا استانا قالاسى تجد ءورت ءسوندىرۋ بولىمشەلەرى دۇكەن ۇلى كوشەسى، 31/11 س مەكەنجايىندا بولىپ جاتقان ءورتتى سوندىرۋگە اتتاندى.
ساعات 21:26 دا جيھاز جاسايتىن وندىرىستىك سەحتا، 1200 ش. م. الاڭدا، جيھاز دايىندامالارى، پلاستماسسا جانە رەزەڭكە-تەحنيكالىق بۇيىمدار جانعانى انىقتالدى. ءورت ءسوندىرۋ شتابى ۇيىمداستىرىلدى. ءورت سوندىرۋشىلەردىڭ جەدەل جانە ۇيلەسىمدى ارەكەتتەرى ءورتتىڭ جاقىن ماڭداعى عيماراتتارعا تارالۋىن بولدىرمادى. ءورت سوندىرۋشىلەردىڭ كۇشىمەن ساعات 22:40 تا قىزىل جالىن وقشاۋلانىپ، ساعات 23:19 دا جويىلدى» دەلىنگەن حابارلامادا.

ءورتتى سوندىرۋگە ەلوردالىق ت ج د جەكە قۇرامىنىڭ 93 ادامى مەن 18 بىرلىك تەحنيكاسى، سونداي-اق اپاتتار مەديتسيناسى ورتالىعىنىڭ قىزمەتكەرلەرى جۇمىلدىرىلدى.

سوڭعى جاڭالىقتار