ەلورداداعى LRT قۇرىلىسىندا كران قۇلادى

лрт
Фото: пресс-служба акимата Астаны

استانا. KAZINFORM - استانادا كەرەي-جانىبەك حاندار مەن قابانباي باتىر كوشەلەرىنىڭ قيىلىسىنداعى LRT قۇرىلىس الاڭىندا كران وپىرىلىپ ءتۇستى. زارداپ شەككەندەر جوق.

«City Transportation Systems» ج ش س قابانباي باتىر داڭعىلى مەن كەرەي جانىبەك حاندار داڭعىلىنىڭ قيىلىسىندا ساعات 10:35 تە ارماتۋرانى كوتەرۋ كەزىندە باعىتتاما كران قۇلاعانىن حابارلادى. كران «ۆرەمەنا گودا» تۇرعىن ءۇي كەشەنىنىڭ كولىك تۇراعىنا قۇلاعان. زارداپ شەككەندەر جوق. وقيعا ورنىندا مەردىگەردىڭ، باسشىلىقتىڭ جانە پوليتسيانىڭ جاۋاپتى قىزمەتكەرلەرى ءجۇر.

سونداي- اق وقيعا ورنىنا ق ر توتەنشە جاعدايلار مينيسترلىگى ونەركاسىپتىك قاۋىپسىزدىك كوميتەتىنىڭ استانا قالاسى بويىنشا دەپارتامەنتىنىڭ باسشىلىعى دا شىعىپ ۇلگەردى.

«Zoomlion جۇك كوتەرگىش كران China Railway Asia-Europe Construction Investment كومپانياسىنا تيەسىلى. اپاتتىڭ الدىن الا سەبەبى - شامادان تىس جۇكتەمە. اۆتوكران تىركەلمەگەن جانە جۇمىسقا رۇقسات الماعان. قورىتىندىلارى تۋرالى قوسىمشا حابارلانادى. اپاتتىڭ ءمان- جايىن انىقتاۋ ءۇشىن كوميسسيا قۇرىلىپ جاتىر»، - دەلىنگەن ونەركاسىپتىك قاۋىپسىزدىك كوميتەتىنىڭ حابارلاماسىندا.

بۇعان دەيىن استانا اكىمى جەڭىس قاسىمبەك جولدىڭ ەستاكادالىق بولىگىن 2024 -جىلدىڭ سوڭىنا دەيىن اياقتاۋ جوسپارلانىپ وتىرعانىن حابارلاعان بولاتىن. كەلەسى جىلى رەلستەر توسەلەدى.

سوڭعى جاڭالىقتار