ەلوردادا ينسۋلتتى ءدال انىقتايتىن جاساندى ينتەللەكت قولدانىسقا ەنگىزىلدى

ҚР ПІБ Орталық клиникалық ауруханасы
Фото: Kazinform

ق ر پ ءى ب ورتالىق كلينيكالىق اۋرۋحاناسىندا يشەميالىق جانە گەمورراگيالىق ينسۋلتكە اسا ءدال دياگنوستيكا جاسايتىن نەيروراديولوگيا سالاسىنداعى «Cerebra» جاساندى ينتەللەكت قولدانىسقا ەنگىزىلدى.

مەديتسينالىق جاساندى ينتەللەكت بويىنشا الەمدەگى ەڭ يننوۆاتسيالىق ون جوبانىڭ قاتارىنا جاتاتىن باعدارلامانى وتاندىق ماماندار جاساعانىن ايتا كەتەيىك.

دارىگەرلەرگە جاڭا باعدارلامانى «Cerebra» كومانداسى تانىستىردى. قاناتقاقتى جوبانىڭ مەديتسينالىق ديرەكتورى مەرۋەرت سايفۋللا قىزى جاساندى ينتەللەكت ارقىلى 5-10 مينۋت ىشىندە ينسۋلتتىڭ بار- جوعىن انىقتاپ، ميداعى وزگەرىستەردى اۆتوماتتى تۇردە كورۋگە بولاتىنىن ايتتى. سونىڭ ارقاسىندا نيەۆرولوگيالىق دەرتتىڭ اسقىنىپ كەتۋ قاۋپى ايتارلىقتاي تومەندەمەك. بۇل تەحنولوگيا تەز ارادا دياگنوز قويىپ، ەمدەۋدى مۇمكىندىگىنشە ەرتە باستاپ كەتۋگە جول اشىپ وتىر.

  • بۇل جوبا 2018-جىلى جاساندى ينتەللەكت زەرتحاناسىندا قولعا الىندى. سودان بەرى 40 قا جۋىق مامان جۇمىس ىستەپ، 100 مىڭ دەرەك نەگىزىندە ينسۋلتتى تەز ءارى ءدال انىقتاۋعا نەيروندىق جەلىلەردى ۇيرەتتى. باعدارلاما ۇنەمى جاڭا دەرەكتەرمەن جاڭارىپ وتىرادى. ءبىز ەلوردا مەن الماتىداعى مامانداندىرىلعان ورتالىقتارعا عانا ەمەس، بۇكىل ەلدەگى اۋرۋحانالارعا ارنالعان باعدارلاما ازىرلەۋگە ماڭىز بەردىك. بۇگىنگى تاڭدا قازاقستان بويىنشا 1000 نان استام پاتسيەنت وسى باعدارلاما ارقىلى زەرتتەۋدەن ءوتتى،-دەيدى مەرۋەرت سايفۋللا قىزى.
  • УДП РК
    Фото: пресс-служба УДП РК

جاڭا تەحنولوگيا ارقىلى زەرتتەۋ كەزىندە تۇسىرىلگەن كەسكىندەردىڭ ناتيجەسى دارىگەرلەردىڭ سمارتفونىنا ورناتىلعان ءموبيلدى قوسىمشاعا كەلىپ تۇسەدى. قولدانۋعا ىڭعايلى قوسىمشا قازاقستاندا عانا ەمەس، شەتەلدىك مەديتسينا مەكەمەلەرىندە ەنگىزىلە باستاعان.

- ورتالىق كلينيكالىق اۋرۋحانا وتاندىق مەديتسيناداعى بەتكە ۇستار مەكەمەلەردىڭ ءبىرى سانالادى. ءبىز وزىق يننوۆاتسيالاردى ەنگىزۋگە قاشاندا ءازىرمىز. الەمدەگى ەڭ ۇزدىك ستارتاپ جوبالاردىڭ ءبىرى رەتىندە تانىلعان قازاقستاندىق كومپانيامەن جۇمىس ىستەۋ ءبىز ءۇشىن ۇلكەن مارتەبە،- دەدى اۋرۋحانا ۆيتسە-پرەزيدەنتى جانار قۇسىمجانوۆا.

سوڭعى جاڭالىقتار