13:41, 28 - اقپان 2025 | GMT +5
ەلوردادا ەر ادامدى اتىپ كەتتى
استانا. KAZINFORM - ەكى تانىس ادامنىڭ اراسىندا كيكىلجىڭ تۋىنداپ، ءبىرى ەكىنشىسىن اتىپ تاستاعان. وقىس وقيعانى قالالىق پوليسيا دەپارتامەنتى راستادى.
- ادام ءولىمى فاكتىسى بويىنشا قىلمىستىق ءىس قوزعالدى. كۇدىكتى ۇستالىپ، قاماۋعا الىندى جانە قارۋى تاركىلەندى. الدىن الا مالىمەت بويىنشا، تانىس ادامدار اراسىندا جانجال بولعان. كەيىن ءبىرى ەكىنشىسىنىڭ باسىنا وق اتقان، - دەلىنگەن حابارلامادا.
قازىر وقيعانىڭ ءمان-جايىن انىقتاۋ ماقساتىندا تەرگەۋ امالدارى ءجۇرىپ جاتىر.
- جالعان اقپارات تاراتقانى ءۇشىن جاۋاپكەرشىلىك قاراستىرىلعانىن ەسكەرتەمىز. ازاماتتاردى تەك رەسمي دەرەك كوزىنە سەنۋگە شاقىرامىز، - دەپ ەسكەرتەدى ەلوردانىڭ پوليسيا قىزمەتى.
