ەلوردادا قوقىستان جاسالعان جۇمباقتاس پايدا بولدى

Қоқыс
Фото: Фото: «Жаңа адамдар» жастар қозғалысы

استانادا بۋرابايدىڭ باستى سيمۆولدارىنىڭ ءبىرى سانالاتىن جۇمباقتاستىڭ كوشىرمەسى پايدا بولدى، دەپ حابارلايدى Kazinform.

«جاڭا ادامدار» جاستار قوزعالىسى ءبىزدىڭ كيەلى جەرلەرىمىزگە كەلەتىن تۋريستەر قانشاما قالدىقتاردى قالدىراتىنىن كورسەتۋ ءۇشىن وسى ارت-جوبانى دايىنداعان. بەلسەندىلەر بۋرابايدا قوقىستاردى جيناپ، سودان جۇمباقتاس تاسىنىڭ ءمۇسىنىن جاسادى. وسى ارت-نىسان قازاقستاننىڭ مادەني مۇراسىنىڭ ساقتالۋى مەن تازالىق ءۇشىن كۇرەستىڭ سيمۆولىنا اينالدى.

Қоқыс
Фото: Фото: «Жаңа адамдар» жастар қозғалысы

جىل سايىن بۋرابايدىڭ تابيعات تاماشالاۋعا كەلەتىن تۋريستەردىڭ سانى جىلدام كوبەيىپ كەلەدى. كورىكتى جەردىڭ تانىمالدىعىمەن قاتار، قوقىسىنىڭ دا كولەمى ارتپاسا ازايماعان. «جاڭا ادامدار» جاستار قوزعالىسىنىڭ مۇشەسى باۋىرجان امانوۆ تالاي تاريحي وقيعالارعا كۋا بولعان جۇمباقتاسقا جازۋ جازىپ، ماڭايىنا قالدىق تاستاپ كەتەتىندەرگە شارا قولدانۋ كەرەك ەكەنىن ايتادى.

Қоқыс
Фото: Фото: «Жаңа адамдар» жастар қозғалысы

«ءبىزدىڭ كيەلى جەرلەر مەن مادەني ەسكەرتكىشتەردىڭ جويىلۋىنا نەمقۇرايدى قاراي المايمىز. قازاقستاندىقتاردى تابيعاتىمىزدى ايالاۋعا جانە تاريحىمىزدى قاستەرلەۋگە شاقىرامىز. ءبارىن وزىمىزدەن باستايىق. قوقىستاردى شاشپاي، اينالامىزدى تازا ۇستايىق. جەرگە تاستالعان قوقىس ءسال ۋاقىتتان كەيىن اينالانى جۇتىپ الۋى دا مۇمكىن»، - دەيدى ول.

Қоқыс
Фото: Фото: «Жаңа адамдар» жастар қозғалысы

ەسكە سالا كەتەيىك، «قوقىستاس» ارت-وبەكتىسى «كيەلى تابيعات» ەكو-سەنبىلىگىن جانە باسقا دا كوپتەگەن ەكولوگيالىق باستامانى قولداۋ ماقساتىندا ۇيىمداستىرىلعان بولاتىن.

سوڭعى جاڭالىقتار