ەلوردادا قوعامدىق كولىكتەردە بيلەتسىز جۇرەتىن جولاۋشىلارمەن كۇرەس باستالدى
استانا. KAZINFORM - «جاڭا ادامدار» جاستار قوزعالىسى «زايتسام نەت» ازاماتتىق ناۋقانى ارقىلى ەلورداداعى اۆتوبۋستاردا جولاقى تولەمەيتىن جولاۋشىلارعا ەسكەرتۋ جاساپ، شارا قولداناتىنىن حابارلادى.
«زايتسام نەت» جوباسىنىڭ كوشباسشىسى الىشەر نۋسانبايەۆتىڭ ايتۋىنشا، جىل باسىنان بەرى استانادا قوعامدىق كولىكتەردە بيلەتسىز جۇرگەن 124 مىڭنان استام جولاۋشى انىقتالعان.
ەلوردالىق پ د قىزمەتكەرلەرى 5614 ازاماتتى اكىمشىلىك جاۋاپكەرشىلىككە تارتىپ، جالپى سوماسى 41 ميلليون تەڭگەدەن استام ايىپپۇل سالعان.
ءار اپتا سايىن اتالعان توپ مۇشەلەرى رەيدتەرگە شىعىپ، جولاقىسىن تولەمەيتىن جولاۋشىلاردى انىقتاپ، ءتۇسىندىرۋ جۇمىستارىن جۇرگىزەدى. تولەمەگەن جاعدايدا ولاردىڭ ۆيدەوسىن الەۋمەتتىك جەلىگە جاريالاماق.
الىشەر ۇستالعان ادامداردىڭ باسىم بولىگى «ۇمىتىپ كەتتىم»، «تولەم جاسالماي قالىپتى» دەگەن سىڭايداعى ءتۇرلى سىلتاۋ ايتىپ، اقتالا باستايتىنىن تىلگە تيەك ەتتى.
«قۇرمەتتى، جولاۋشىلار! قوعامدىق كولىككە مىنگەن ءاربىر دەنى ساۋ ادام جولاقىسىن تولەۋدەن جالتارماۋى كەرەك. ءبىز كوماندامىزبەن قوعامدىق كولىك ءتارتىبىن ساقتاماعان ادامدارعا ءتۇسىندىرۋ جۇمىستارىن جۇرگىزۋگە دايىنبىز»، - دەدى الىشەر نۋسانبايەۆ.
