ەلوردادا ۇلتتىق ۇلان ساربازدارى كوپىردەن سەكىرمەك بولعان قىزدى قۇتقاردى

Жас Ұлан сарбаздары
Фото: ҚР ІІМ Ұлттық ұланының баспасөз қызметі

استانا. KAZINFORM - كەشە كەشكى ساعات 20:00 شاماسىندا ۇلتتىق ۇلاننىڭ 5573 اسكەري ءبولىمىنىڭ قىزمەتكەرلەرى پاترۋلدىك قىزمەت كەزىندە جاس قىزدى اجالدان اراشالاپ قالدى.

استانالىق تۇرعىن سارايشىق كوشەسىندەگى كوپىردەن سەكىرۋگە بەل بۋعان. بۇل تۋرالى اقپارات راديوستانتسيا ارقىلى اسكەري جاساق باستىعى، قاتارداعى جاۋىنگەر نۇرجان تەمىربايەۆقا بەرىلگەن. ول پاترۋلشى - ەفرەيتور ءجۇسىپ مۇرات پەن قاتارداعى جاۋىنگەر شىڭعىس جۋانىشيەۆتى جانىنا ەرتىپ، كورسەتىلگەن مەكەنجايعا جەدەل جەتكەن.

- كوپىردەن سەكىرۋگە تىرىسقان قىزدى كورگەندە ءبىز وعان بىردەن ۇمتىلدىق. وسى ۋاقىتتا ول كوپىر قورشاۋىنىڭ ارتىندا تۇرىپ، «مەن ءومىر سۇرگىم كەلمەيدى» دەدى. سونداي-اق تومەنگە قاراي سەكىرەتىنىن ايتىپ قورقىتتى، - دەدى وقيعا جايلى بايانداعان قاتارداعى جاۋىنگەر نۇرجان تەمىربايەۆ.

اسكەري قىزمەتشىلەر وسى ساتتە قىزدى اڭگىمەگە تارتىپ، اسىعىس شەشىم قابىلداماۋعا شاقىرعان. وقيعا ورنىنا جاقىن ماڭداعى ادامدار دا ونى رايىنان قايتارۋعا تىرىستى.

ورايى كەلگەن ساتتە ۇلاندىق ساربازدار مەن كوپىرگە كەلگەن پوليتسيا قىزمەتكەرلەرى قىزدى قورشاۋدان الىپ شىقتى. سودان كەيىن ونى سابىرعا شاقىرىپ، تىنىشتاندىردى. پوليتسيا قىزمەتكەرلەرى قىزدىڭ ماسەلەسىن زەردەلەۋ ءۇشىن ونى الماتى اۋداندىق پوليتسيا باسقارماسىنا جەتكىزدى.

قۇقىقتىق ءتارتىپ ساقشىلارىنىڭ جەدەل ارەكەتتەرىنىڭ ارقاسىندا ادام ءومىرى قۇتقارىلدى.

سوڭعى جاڭالىقتار