ەلوردادا جىلۋ ەنەرگياسى بويىنشا تاريف وزگەرۋى مۇمكىن

استانا. KAZINFORM - بۇگىن ەلوردادا «استانا-تەپلوترانزيت» ا ق- نىڭ ءوتىنىمى اياسىندا جىلۋ ەنەرگياسى بويىنشا رەتتەلەتىن قىزمەتكە تاريفتى بەكىتۋگە قاتىستى قوعامدىق تىڭداۋ ءوتتى.

- «جىلۋ ەنەرگەتيكاسى تۋرالى» زاڭىنىڭ 25-بابى 3-تارماعىنا سايكەس، 2025-جىلعى 1-شىلدەدەن باستاپ «استانا-تەپلوترانزيت» ا ق- عا جىلۋ ەنەرگياسىن تۇتىنۋشىلارعا ساتۋ فۋنكسيالارى بەرىلەدى. قازىرگى كەزدە اكسونەرلىك قوعام كەلەسى رەتتەلەتىن قىزمەت تۇرلەرى بويىنشا تابيعي مونوپوليا سۋبەكتىسى سانالادى: جىلۋ ەنەرگياسىن بەرۋ جانە ءبولۋ، سونداي-اق جىلۋ ەنەرگياسىمەن قامتاماسىز ەتۋ. ۇلتتىق ەكونوميكا ءمينيسترىنىڭ 2019-جىلعى 19-قاراشاداعى  90-بۇيرىعىمەن بەكىتىلگەن تاريفتەردى قالىپتاستىرۋ قاعيدالارىنىڭ 302-تارماعىنا سايكەس، «استانا-تەپلوترانزيت» 2025-جىلعى 1-شىلدەدەن باستاپ 2025-جىلعى 31-جەلتوقسانعا دەيىن كۇشىنە ەنەتىن جەڭىلدەتىلگەن تارتىپتە جىلۋ ەنەرگياسىن جەتكىزۋ تاريفىن بەكىتۋگە ءوتىنىم دايىندادى، - دەدى «استانا-تەپلوترانزيت» ا ق باسقارما ءتوراعاسىنىڭ ورىنباسارى سەرىك امانگەلدينوۆ.

ونىڭ ايتۋىنشا، 2025-جىلعا ارنالعان بەكىتىلگەن وندىرىستىك باعدارلاماعا سايكەس، رەتتەلىپ كورسەتىلەتىن قىزمەت كولەمى جىلىنا 9 ميلليون 178 مىڭ 588 گكال شاماسىندا جوسپارلانعان. جالپى، جىلۋ ەنەرگياسىن جەتكىزۋگە جۇمسالعان شىعىندار 2 ميلليارد 542 ميلليون 520 مىڭ تەڭگەنى قۇرادى.

- جىلۋ ەنەرگياسىن قامتاماسىز ەتۋ تاريفىنىڭ جوباسى «استاناەنەرگوسبىت» ج ش س- نىڭ قولدانىستاعى تاريفىنەن ق ق س- سىز 65,6 تەڭگە/گكال- عا نەمەسە 30,9 پايىزعا وسۋمەن ق ق س- سىز 1 گكال ءۇشىن 278,13 تەڭگەگە جەتەدى. ورتاشا ساتۋ تاريفىنىڭ ءوسۋى ق ق س- سىز 65,5 تەڭگە/گكال نەمەسە %1,4 دى قۇرادى، - دەدى س. امانگەلدينوۆ.

ونىڭ سوزىنە قاراعاندا، ق ر ۇلتتىق ەكونوميكا ءمينيسترىنىڭ 2019-جىلعى قاراشاداعى بۇيرىعىمەن بەكىتىلگەن تاريفتەردى قالىپتاستىرۋ قاعيدالارىنىڭ 272-1-تارماعىندا جالپى اۋداننىڭ مولشەرىن ەسكەرە وتىرىپ، جىلۋ ەنەرگياسىن تۇتىنۋدىڭ الەۋمەتتىك ليميتتەرىن بەلگىلەۋ شەڭبەرىندە ءبىرىنشى توپ تۇتىنۋشىلارى، حالىق ساناتىنا جاتاتىن جەكە تۇلعالار ءۇش كىشى توپقا بولىنەدى:

- 1-كىشى توپ - حالىق ساناتىنا جاتاتىن جەكە ادامدار، جىلىتىلاتىن اۋدان 100 شارشى مەترگە دەيىن؛

- 2-كىشى توپ - حالىق ساناتىنا جاتاتىن جەكە ادامدار، جىلىتىلاتىن اۋدان 100 دەن استام جانە 200 شارشى مەترگە دەيىن؛

- 3-كىشى توپ - حالىق ساناتىنا جاتاتىن جەكە ادامدار، جىلىتىلاتىن اۋدان 200 شارشى مەتردەن استام.

«استانا-تەپلوترانزيت» ا ق مالىمەتىنشە، 1-كىشى توپ ءۇشىن تاريف ەڭ تومەنگى دەڭگەيدە، 2-كىشى توپ ءۇشىن ونىڭ دەڭگەيى 10 پايىز جوعارى بولسا، ال 3-كىشى توپ ورتاشا وتكىزۋ تاريفىندە ەڭ جوعارى دەڭگەيدە تولەيدى.

اتاپ ايتقاندا، وسى ديففەرەنتسياتسيا تۇرعىنداردىڭ 90 پايىزىنا قاتىستى بولمايدى. سەبەبى قالاداعى تۇتىنۋشىلاردىڭ باسىم بولىگى 100 شارشى مەتەرگە دەيىنگى پاتەرلەردە تۇرىپ جاتىر. سوندىقتان سارالانعان ءتاسىل باسپاناسى 100 شارشى مەتردەن اساتىن 10 پايىز تۇرعىندى قامتيدى. بۇل تۇرعىدا پاتەرى 200 شارتى مەتردەن اساتىن تۇرعىندار 1 پايىزدى قۇراعان.

«استانا-تەپلوترانزيت» وسى ءوتىنىمىن ق ر ۇ ە م تابيعي مونوپوليالاردى رەتتەۋ كوميتەتىنىڭ استانا قالاسى بويىنشا دەپارتامەنتىنە ۇسىندى. دەپارتامەنت ونى ءالى بەكىتكەن جوق.

ەسكە سالساق، بۇعان دەيىن استانادا سارقىندى سۋعا قاتىستى تاريف ءوسۋى مۇمكىن ەكەنىن جازعان ەدىك.