ەلوردادا جاتاقحانادان ءورت شىعىپ، بەس ادام ۋلانىپ قالدى

استانا. KAZINFORM - بۇگىن تاڭدا بايقوڭىر اۋدانى تاراز كوشەسىندە ورنالاسقان جاتاقحانالاردىڭ بىرىندە بولمەلەر مەن عيماراتتىڭ شاتىرى جاندى، دەپ حابارلايدى ق ر توتەنشە جاعدايلار مينيسترلىگىنىڭ باسپا ءسوز قىزمەتى.

ءورت ءسوندىرۋ بولىمشەلەرى وقيعا ورنىنا كەلگەن كەزدە شاتىر مەن 3 جانە 4-قاباتتاعى بولمەلەر جانىپ جاتتى. ت ج م كۇشتەرى باسپالداقتىڭ كومەگىمەن 3-قاباتتان 6 ادامدى قۇتقاردى. الدىن الا مالىمەتتەر بويىنشا تۇتىننەن ۋلانعان 5 ادام جەدەل مەديتسينالىق جاردەم قىزمەتكەرلەرىنە تاپسىرىلدى.

«ءورتتى ءسوندىرۋ جۇمىستارىن عيماراتتىڭ جان جاعىنداعى وتەتىن جولداردا اۆتوكولىكتەردىڭ تۇرۋى قيىنداتتى. ءورت 850 شارشى مەتر الاڭدا ءسوندىرىلدى. ءورتتىڭ سەبەبى انىقتالۋدا»، - دەلىنگەن حابارلامادا.