ەلوردادا بەنزين جانە ديزەلمەن جۇرەتىن كولىكتەرگە شەكتەۋ قويىلۋى مۇمكىن

ەلوردادا بەنزين جانە ديزەلمەن جۇرەتىن اۆتوكولىكتەردى قالا اۋماعىنا كىرگىزۋدى شەكتەۋ جاعى قارالىپ جاتىر، دەپ حابارلايدى Kazinform.

«بيىل ءبىزدىڭ باسقارما لوندون تاجىريبەسىنە سايكەس قالا اۋماعىندا تومەن رەميسسيا ايماعىن قۇرۋدى ۇسىندى. ازىرگە پيلوتتىق جوبا رەتىندە. جوبانىڭ ماقساتى مەن باستى يدەياسى - بەنزينمەن جۇرەتىن اۆتوموبيلدەردىڭ قالاعا كىرۋىنە شەكتەۋ قويۋ. بۇل سونىمەن قاتار اۋانى جوعارى دەڭگەيدە لاستايتىن ديزەلگە دە قاتىستى. ايماق زوناسىنا كىرەر جەردە جانە باستى كوشەلەر قيىلىستارىندا بەلگىلەر قويىلادى»، - دەدى استانا قالاسىنىڭ قورشاعان ورتانى قورعاۋ جانە تابيعات پايدالانۋ باسقارماسى باسشىسىنىڭ مىندەتىن اتقارۋشى ەرلان بەردالين قالالىق ءماسليحاتتىڭ تۇراقتى كوميسسيا وتىرىسىندا.

سپيكەر مالىمدەگەندەي، قازىر اتالعان ۇسىنىس قارالىپ جاتىر.

بۇعان دەيىن بيىل التى ايدىڭ ىشىندە استانا اۆتوكولىكتەرى اۋانى لاستاپ، 27 مىڭ توننا زياندى زاتتار شىعارعانىن حابارلاعان ەدىك.