ەلوردادا اقىسىز نەگىزدە وقىتاتىن Apple ترەنينگ ورتالىعى اشىلدى
استانا. قازاقپارات - Apple Authorised Training Center for Education باعدارلاماسىنا 400 دەن استام ۇمىتكەردىڭ ىشىنەن ەڭ ۇزدىك 60 ستۋدەنت ىرىكتەلدى. ولار iOS- تا موبيلدى قوسىمشالاردى قۇرۋ ءۇشىن بارلىق قاجەتتى داعدى مەن ءبىلىمدى اقىسىز نەگىزدە يگەرەدى.
ستۋدەنتتەر Apple كومپانياسىنىڭ زاماناۋي جابدىقتارى مەن قاجەتتى قۇرالدارىنا تەگىن قول جەتكىزىپ قانا قويماي، Apple دىڭ سەرتيفيكاتتالعان وقىتۋشىلارىنان ءبىلىم الادى.
«2023-جىلدىڭ قازان ايىندا ءبىز Apple Authorised Training Center for Education كومپانياسىمەن كەلىسىمگە قول قويدىق. ونىڭ شەڭبەرىندە Astana Hub قازاقستانداعى Apple ترەنينگ ورتالىعىنىڭ وكىلى بولدى. بۇل ورتالىق ستۋدەنتتەرىمىزگە iOS باعدارلامالاۋ داعدىلارىن يگەرۋ مۇمكىندىكتەرىن ۇسىنىپ، يدەيالارىن جۇزەگە اسىرۋعا جانە ءوز موبيلدى قوسىمشالارىن قۇرۋعا جول اشادى. Apple كومپانياسىمەن سەرىكتەستىگىمىز يننوۆاتسيالىق ويلاۋدى دامىتۋعا ىقپال ەتەتىنى انىق. سونىمەن قاتار قازاقستانداعى IT سەكتوردى دامىتۋ ءۇشىن ستۋدەنتتەرىمىزدى وزىق تەحنولوگيالىق شەشىمدەر قابىلداۋعا شابىتتاندىراتىنىنا سەنىم مول»، - دەپ اتاپ ءوتتى Astana Hub باسقارۋشى ديرەكتورى دانيا احمەتوۆا.
ەلىمىزدە Certified Apple Trainer باعدارلاماسى بويىنشا سەرتيفيكاتقا يە 8 جاتتىقتىرۋشى عانا بار. سولاردىڭ ءبىرى - سەرتيفيكاتتالعان Apple Trainer سماعۇل نەگماتوۆ. ءارتۇرلى ءبىلىم بەرۋ رەسۋرستارىنا، سونىڭ ىشىندە Apple كومپانياسىنىڭ جەكە دارىستەرىنە قول جەتكىزۋ مۇمكىندىگى بار جاتتىقتىرۋشى ورتالىق ستۋدەنتتەرىنە ءبىلىم بەرىپ، سيفرلىق تەحنولوگيا سالاسىنداعى وزىق تاجىريبەلەرگە قول جەتكىزۋگە باۋليدى.
«IOS ازىرلەۋ بويىنشا وقىعان ستۋدەنتتەرىمنىڭ باسىم بولىگى ەلىمىزدىڭ ءىرى كومپانيالارىندا، اسىرەسە Halyk، سەنتركرەديت بانكى، Jusan سياقتى جانە ت. ب. بانك سالاسىندا تابىستى جۇمىس ىستەيدى. التى ايلىق جۇيەلى وقىتۋ بارىسىندا ستۋدەنتتەر ءوز داعدىلارىن ەداۋىر جەتىلدىرىپ، middle دەڭگەيىنە جەتتى. ءبىر جىل ىشىندە ازىرلەۋشىنىڭ middle+، ءتىپتى senior iOS دەڭگەيىن مەڭگەرگەندەر دە بولدى»، - دەدى Apple Certified Trainer سماعۇل نەگماتوۆ.
