ەلوردادا 6-اۋدان قۇرىلادى

Астана Жағалау шағын ауданы қалай дамиды
Фото: gov.kz

استانا. KAZINFORM - استانا قالاسىنىڭ قوعامدىق كەڭەسى ەلوردانىڭ الماتى اۋدانىن ەكىگە ءبولۋ باستاماسىنا قولداۋ ءبىلدىردى.

استانا قالالىق ساۋلەت، قالا قۇرىلىسى جانە جەر قاتىناستارى باسقارماسىنىڭ باسشىسى التىنبەك احمەتوۆتىڭ ايتۋىنشا، قالالىق ءماسليحات الماتى اۋدانىن ەكى دەربەس اكىمشىلىك بولىككە ءبولۋ تۋرالى شەشىم قابىلداعان.

«سولتۇستىگى ءوزىنىڭ تاريحي اتاۋىن ساقتاپ قالسا، وڭتۇستىگى جاڭا اتاۋمەن بەلگىلەنەتىن بولادى. جوسپارلانىپ وتىرعان ەكى اكىمشىلىك بىرلىك اراسىنداعى شەكارانى ۇلكەن كولىك ماگيستراللدارى ارقىلى وتكىزۋ كوزدەلگەن. شەكارا سول جاعالاۋدان وڭ جاعالاۋعا قاراي وتەتىن كوپىردەن باستالىپ، سارايشىق كوشەسى بويىمەن بولادى. ودان كەيىن شەكارا قوشقاربايەۆ داڭعىلى بويىمەن تەمىر جول جەلىسى قيىلىسىنا دەيىن، تەمىر جول جەلىسىنەن قالانىڭ شەكاراسىنا دەيىن سوزىلادى»، - دەدى ول.

ونىڭ دەرەگىنشە، جاڭا شەكاراسى شەگەندەلەتىن الماتى اۋدانىنىڭ اۋماعى 8518 گەكتاردى، حالىق سانى 200 مىڭنان استام ادامدى قۇرايدى. ال جاڭا اۋداننىڭ اۋماعى 6953 گەكتار بولماق. وندا 183 مىڭ ادام تۇرادى. باس جوسپارعا سايكەس، الداعى ۋاقىتتا اۋدان حالقى 424 مىڭ ادامعا جەتپەك.

استانا قالاسىنىڭ قوعامدىق كەڭەسى مۇشەلەرى ەلوردالىق ءماسليحاتتىڭ مۇنداي شەشىمىنە ءبىراۋىزدان قولداۋ ءبىلدىردى.

سوڭعى جاڭالىقتار