ەلوردادا 19 جاستاعى جىگىت ءوزىن اتىپ ءولتىردى
استانا. KAZINFORM — جاس جىگىتتىڭ ولىمىنە قاتىستى قىلمىستىق ءىس قوزعالدى. بۇل اقپاراتتى ەلوردانىڭ پوليتسيا دەپارتامەنتىنىڭ باسپا ءسوز قىزمەتى راستادى.

جەلىدە تاراعان اقپاراتقا سۇيەنسەك، وقيعا استاناداعى «كەيكى مەرگەن» اتقىشتار كلۋبىندا بولعان. 19 جاستاعى ەلوردا تۇرعىنى «Tanfoglio Limited Custom» ماركالى تاپانشامەن جاتتىعۋدى باستاپ، كەنەتتەن ءوزىن اتىپ ولتىرگەن.
ءىستىڭ ءمان-جايىن پوليتسيا دەپارتامەنتىنەن سۇراپ، بىلگەن ەدىك.
- 19 جاستاعى ەلوردا تۇرعىنىنىڭ ءمايىتىن تابۋ فاكتىسى بويىنشا قىلمىستىق ءىس تىركەلدى. قازىر وقيعانىڭ بارلىق ءمان-جايىن وبەكتيۆتى زەرتتەۋگە باعىتتالعان تەرگەۋ امالدارى ءجۇرىپ جاتىر، - دەلىنگەن رەسمي حابارلامادا.
ايتا كەتسەك، بىرەر كۇن بۇرىن استانالىق پوليتسەيلەر ادام مۇردەسىن تاپقان ەدى.
سونداي-اق، تۋىستارىن پىشاقتاپ تاستاعان استانا تۇرعىنى تۋرالى جازعان بولاتىنبىز.