ەلوردادا تاعى ءبىر كوز تارتار جاڭا مۋرال پايدا بولدى
استانا. KAZINFORM - ەلوردانىڭ الماتى اۋدانىنداعى تۇرعىن ءۇيدىڭ قاسبەتىندە جاڭا مۋرال كورىنىس تاپتى، دەپ حابارلايدى قالا اكىمدىگىنىڭ رەسمي سايتى.
ەلوردانىڭ الماتى اۋدانىندا ابىلاي حان داڭعىلى، 55-مەكەنجايدا ورنالاسقان تۇرعىن ءۇيدىڭ قاسبەتىن جاڭا مۋرال بەزەندىردى.
- مۋرالدى سالۋ جۇمىسى تولىق اياقتالدى. وندا الما باعىندا تۇرعان قىز بەينەلەنگەن. قانىق تۇستەر مەن جۇمساق سىزىقتار ءۇي اينالاسىنداعى جاسىل جەلەكپەن ۇيلەسىپ، جايلى كورىنىس قالىپتاستىرعان، - دەلىنگەن حابارلامادا.
جارقىن ارت-كەڭىستىك قالالىق ورتانىڭ جاڭا ەلەمەنتىنە اينالىپ، كوشەنىڭ قالىپتاسقان كەلبەتىن وزگەرتىپ، اۋدانعا زاماناۋي ۆيزۋالدى رەڭك قوستى.
بۇعان دەيىن بۋتەربرود ۇستاعان مىسىق استاناداعى جاڭا مۋرالدىڭ كەيىپكەرىنە اينالعانىن جازعان ەدىك.
