ەلوردادا ءورت سوندىرۋشىلەر 17 ادامدى قۇتقاردى

- استانا قالاسىنىڭ «112» پۋلتىنە ەسىل اۋدانىنداعى ساۋران كوشەسىندە ورنالاسقان توعىز قاباتتى تۇرعىن ۇيدەن ءورت شىققانى تۋرالى حابارلاما كەلىپ ءتۇستى. وقيعا ورنىنا ت ج م كۇشتەرى جەدەل تۇردە جىبەرىلدى. العاشقى بولىمشەلەر كەلگەن كەزدە ءبىرىنشى قاباتتاعى اتەلەدە اشىق جالىن بايقالىپ، قويۋ ءتۇتىن بولعان. دەرەۋ ءورت ءسوندىرۋ جۇمىستارى باستالىپ، ءبىر مەزگىلدە ءۇي تۇرعىندارىن ەۆاكۋاتسيالاۋ جۇمىستارى جۇرگىزىلدى. ت ج م قىزمەتكەرلەرى ءۇش بۋىندى ساتى مەن اۆتوساتىنى پايدالانا وتىرىپ، جوعارعى قاباتتاردان 17 ادامدى، ونىڭ ىشىندە 4 بالانى قۇتقاردى، - دەلىنگەن ت ج م اقپاراتىندا.

اتاپ ايتقاندا، ءورت 50 شارشى مەتر اۋماقتا تولىقتاي ءسوندىرىلدى. زارداپ شەككەندەر جوق.

ەسكە سالساق، جاقىندا ەلىمىزدىڭ مەملەكەتتىك ورمان قورى اۋماعىندا 5 ءورت وقيعاسى تىركەلگەنىن جازعان ەدىك.